လံာ်ယၡါယၤ 65:23 - Sgaw Karen Common Bible

²³ တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယၡါယၤ 65:23 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်စီၤယိၤဘး 21:8

အဝဲသ့ၣ်အိၣ်ဒီးအဖိတဖၣ်ဒီးအလံၤတဖၣ်ဒီး အိၣ်မူလၢကထံၣ်ဘၣ်အဝဲသ့ၣ်အတၢ်ဒိၣ်ထီၣ်န့ၣ်လီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 49:4

ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယဃ့းစက့လး 36:29

ယကမၤပူၤဖျဲးသုလၢကယဲၢ်တၢ်ကိးမံၤဒဲးလၢအမၤဘၣ်အၢ သုန့ၣ်လီၤ. ယကဟ့ၣ်လီၤယကလုၢ်လၢဘုဧိၤဟုဧိၤကအါဝဲဂီၢ်ဝဲအဂီၢ်, ဒ်သိးသုသုတအိၣ်ဒီးတၢ်သၣ်ဝံၤလီၤဒိနီတဘျီလၢၤတဂ့ၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:22

ဒီးယကဆှၢလီၤဆၣ်ဖိကီၢ်ဖိအမံၤလၢသုကျါဒီးကမၤသံသုဖိ သုလံၤ, ဒီးမၤဟးဂီၤကွံာ်သုဆၣ်ဖိကီၢ်ဖိအဒၢဒီးမၤစှၤလီၤသု ဒ်သိးသုကျဲတဖၣ်ကအိၣ်သယုၢ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:29

ဒီးတၢ်ကသၣ်ဝံၤသုသးတုၤဒၣ် လဲာ်သုကအီၣ်က့ၤသုဖိဒၣ်သုဝဲလီၤ.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.