လံာ်ယၡါယၤ 65:21 - Sgaw Karen Common Bible

²¹ ပှၤဂီၢ်မုၢ်ကဘှီထီၣ်ဟံၣ်ဃီတဖၣ်ဒီးအကစၢ်ဒၣ်ဝဲကအိၣ်လၢ အပူၤ, ဟံၣ်ဃီတဖၣ်န့ၣ်တဘၣ်တၢ်သူအီၤလၢပှၤအဂၤတဖၣ်ဘၣ်. အဝဲသ့ၣ်ကသူၣ်လီၤဖျးလီၤစပံးလီၢ်တဖၣ်ဒီးမုာ်လၤသးခုလၢ အစပံးထံအပူၤ, ပှၤအဂၤတဖၣ်တအီဘၣ်စပံးထံန့ၣ်ဘၣ်.

လံာ်ယၡါယၤ 65:21 Iomraidhean Croise

စံးထီၣ်ပတြၢၤ 107:37

အဝဲသ့ၣ်ဖှံတၢ်လၢစံာ်ပျီပူၤတဖၣ်, ဒီးသူၣ်စပံးအလီၢ်ဒီးဒိးန့ၢ်ဘၣ်ဝဲတၢ်အါမးန့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 37:30

အန့ၣ်ဒီး, ဝံယၡါယၤစံးဘၣ်စီၤပၤဃံးစကံယၤ “အအံၤမ့ၢ်တၢ် ပနီၣ်တမံၤလၢအကမၤအသးန့ၣ်လီၤ. တနံၣ်အံၤဒီးခဲငါတနံၣ်န့ၣ်တၢ်ကအိၣ်ဒီးသုထဲဘုဧိၤဟုဧိၤ လၢအမဲထီၣ်ဒၣ်အတၢ်တဖၣ်လၢသုကအီၣ်အဂီၢ်လီၤ. ဘၣ်ဆၣ်ဒီးပိာ်ထွဲထီၣ်အခံလၢခံတနံၣ်န့ၣ်, သုကသူၣ်ဘၣ်ဒီးကူးဘၣ်ဘုဧိၤဟုဧိၤ, ဒီးသူၣ်လီၤစပံးမုၢ် တဖၣ်ဒီးအီၣ်ဘၣ်စပံးသၣ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 25:19

ဒီးဟီၣ်ခိၣ်ကဟ့ၣ်ထီၣ်အတၤသၣ်, ဒီးသုကအီၣ်ကုးအီပှဲၤဒီးသုကအိၣ်ဂၢၢ်ဆိးကျၢၤလၢအပူၤလီၤ.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.