လံာ်ယၡါယၤ 65:2 - Sgaw Karen Common Bible

² ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယၡါယၤ 65:2 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 36:5

ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်, နတၢ်သးတီန့ၣ်တုၤလၢမူကပိာ်လိၤန့ၣ်လီၤ.

တၢ်ကတိၤဒိ. 1:24

ယကိးတ့ၢ်သုဒီးကွဲသုလၢသုကဟဲ, ဘၣ်ဆၣ်သုတဒိကနၣ်ဘၣ်. သုတကနၣ်ဃုာ်ယၤဘၣ်.

တၢ်ကတိၤဒိ. 16:29

ပှၤမၤဆူၣ်မၤစိးတၢ်တဖၣ်လီန့ၢ်အတံၤသကိးတဖၣ်ဒီးဆှၢ အဝဲသ့ၣ်ဆူတၢ်တတၢးတနါန့ၣ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 55:8

ယွၤစံးဝဲဒၣ်, “ယတၢ်ဆိကမိၣ်တဖၣ်တဒ်သိး သုတၢ်ဆိကမိၣ်တဖၣ်ဘၣ်. ဒီးယကျဲတဖၣ်လီၤဆီလိာ်အသးဒီးသုကျဲတဖၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 66:18

ယသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးအတၢ်မၤတဖၣ် န့ၣ်လီၤ. ယဟဲယဲဒ်သိးယကပာ်ဖှိၣ်ကယဲၢ်ပှၤကလုာ်တဖၣ် အပှၤဂီၢ်မုၢ်န့ၣ်လီၤ. ဖဲအဝဲသ့ၣ်ဟဲပာ်ဖှိၣ်အသးခဲလၢာ်န့ၣ်, အဝဲသ့ၣ်ကထံၣ်ယတၢ်စိကမီၤမၤတၢ်မနုၤသ့,

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယံးရမံယၤ 18:12

အဝဲသ့ၣ်ကစံးဆၢဝဲ, ‘ပတမၤဘၣ်. ဘၣ်မနုၤအဃိပဘၣ်မၤလဲၣ်. ပဝဲခဲလၢာ်ပခိၣ်ကကိၤဒီးပ ကအၢသီဒံးဒၣ်တၢ်ဒ်ပသးအိၣ်အၢသီအသိးန့ၣ်လီၤ.’ ”

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 5:23

ဘၣ်ဆၣ်ဒီးသုဝဲပှၤဂီၢ်မုၢ်ဧၢ, သုခိၣ်ကိၤဒီးသုပူထီၣ်လီ ထီၣ်တၢ်လီၤ. သုဃၣ်ကွံာ်သုသးလၢယၤဒီးဟးသဒၣ်ယၤလံ.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်တၢ်ဂံၢ် 15:39

တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

ရိမ့ၤ 10:21

မ့မ့ၢ်တၢ်ဘၣ်ဃးဒီးအံၣ်စရ့လးန့ၣ်အဝဲစံး, “ယယူာ်ဃီၤယစု ဆူပှၤလၢအတဒိကနၣ်တၢ်ဒီးပူထီၣ်လီထီၣ်တၢ်တကလုာ်အအိၣ် သ့တနံၤကျၢၤန့ၣ်လီၤ.”

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်သိၣ်လီၤသီလီၤတၢ် 29:19

မၤလီၤတံၢ်လၢ, ဖဲအံၤ, တနံၤအံၤပှၤလၢအနၢ်ဟူတၢ်မၤလိာ်သမှံၤ သပှၢ်တဖၣ်ဒီးနာ်န့ၢ်လီၤဒံးအသးတုၤကစံးဝဲလၢမ့ၢ်လဲၤတၢ်လၢ အကျဲဒၣ်ဝဲအိၣ်ဒီးတၢ်ခိၣ်ကိၤဒၣ်လဲာ်န့ၣ်, တၢ်ကိးမံၤဒဲးကဘၣ်လီၢ်ဘၣ်စးဒီးအီၤလီၤန့ၣ်, တအိၣ်နီတဂၤဘၣ်တက့ၢ်. တၢ်န့ၣ်ကမၤဟးဂီၤကယဲၢ်သုဝဲခဲလၢာ်, ပှၤအဂ့ၤမ့ၢ်ဂ့ၤ, ပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

လံာ်သိၣ်လီၤသီလီၤတၢ် 9:7

သုမၤသးဒိၣ်ထီၣ်တ့ၢ်ယွၤသုကစၢ်ယွၤလၢပှၢ်မုၢ်ကနၢအပူၤန့ၣ် သးပ့ၤနီၣ်ကွံာ်အီၤနီတစုတဂ့ၤ. စးထီၣ်မုၢ်တနံၤလၢသု ဟးထီၣ်ကွံာ်လၢကီၢ်အဲၤကူပတူးတုၤလၢဖဲအံၤအမုၢ်တနံၤန့ၣ်, သုပူထီၣ်တၢ်ထီဒါအီၤအခါန့ၣ်လီၤ.