လံာ်ယၡါယၤ 65:1 - Sgaw Karen Common Bible

¹ ယွၤစံးဝဲဒၣ်, “ယအိၣ်ကတဲာ်ကတီၤတ့ၢ်ယသးလၢယကစံးဆၢ ယပှၤဂီၢ်မုၢ်အတၢ်ထုကဖၣ်တဖၣ်, ဘၣ်ဆၣ်အဝဲသ့ၣ်တဃ့ဘါထု ကဖၣ်တၢ်ဘၣ်. ယအိၣ်ကတဲာ်ကတီၤယသးလၢအဝဲသ့ၣ် ကထံၣ်န့ၢ်ယၤအဂီၢ်, ဘၣ်ဆၣ်အဝဲသ့ၣ်တကျဲးစၢးဒၣ်လဲာ်ဘၣ်. ဖဲလၢယအိၣ်ကတဲာ်ကတီၤယသးထီဘိလၢယကစံးဆၢအဝဲသ့ၣ်, ယအိၣ်ဖဲအံၤလီၤ. ယကမၤစၢၤသုလီၤ, ဒၣ်လဲာ်န့ၣ်, ပှၤကလုာ်တဃ့ထုကဖၣ်တၢ်လၢယၤဘၣ်.

လံာ်ယၡါယၤ 65:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:7

အန့ၣ်ဒီးအဝဲဃၣ်အသးဒီးထံၣ်ယၤဒီးကိးယၤလီၤ. ယစံးဆၢအီၤ, မ့ၢ်တၢ်ဒိၣ်ဧၢလီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 41:27

ယၤ, ယွၤအံၤ, ယမ့ၢ်ပှၤအဆိကတၢၢ်တဂၤလၢအစံးဘၣ်တဲဘၣ်စံယိၣ်လၢ တၢ်ကစီၣ်အံၤလီၤ. ယဆှၢလီၤပှၤစိာ်တၢ်ကစီၣ်တဂၤဆူဝ့ၢ်ယရူၤၡလ့ၣ်လၢအကစံး, “သုပှၤဂီၢ်မုၢ်ဟဲဝဲလံ. အဝဲသ့ၣ်ဟဲက့ၤဆူဟံၣ်လံ,” န့ၣ်လီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယၡါယၤ 63:19

နပာ်ပှၤဒ်နတမ့ၢ်ဘၣ်ပှၤပၢဘၣ်ပှၤနီတစုအသိး, ဒ်ပတမ့ၢ်တ့ၢ်နပှၤဂီၢ်မုၢ်နီတစုဘၣ်အသိးန့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်လူၤကၣ် 13:12

ဖဲယ့ၣ်ၡူးထံၣ်ဘၣ်အီၤန့ၣ်, အဝဲဒၣ်ကိးဃီၤအီၤဆူအအိၣ်ဒီးစံး, “ပိာ်မုၣ်ဧၢ, နထူၣ်ဖျဲးထီၣ်ကွံာ်လၢနတၢ်ဆူးတၢ်ဆါလံ.”

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

ရိမ့ၤ 10:20

ဒီး ဝံယၡါယၤ မ့ၢ်ပှၤအဒူတက့ၢ်ဒီးစံးဝဲ, “ယဘၣ်တၢ်ထံၣ်န့ၢ်ယၤလၢပှၤလၢ အတဃုယၤတဖၣ်, ဒီးယလီၣ်ဖျါထီၣ်ယသးလၢပှၤလၢ အတသံကွၢ်ယဂ့ၢ်တဖၣ်န့ၣ်လီၤ.”

ရိမ့ၤ 9:30

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤကလုာ်ဂၤတဖၣ်လၢအတကျဲးစၢးမၤလိၤမၤဘၣ်အသးဒီး ကစၢ်ယွၤန့ၣ်, ဘၣ်တၢ်ပာ်တီပာ်လိၤအီၤခီဖျိတၢ်နာ်န့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).