လံာ်ယၡါယၤ 64:8 - Sgaw Karen Common Bible

⁸ ဘၣ်ဆၣ်ဒီး, ယွၤဧၢ, နမ့ၢ်ဒၣ်ပပၢ်လီၤ. ပလီၤဂာ်ဒီးကပံာ် ဒီးနဲနလီၤဂာ်ဒီးပှၤတ့သပၢၤလီၤ. နတ့လီၤပာ်လီၤတ့ၢ်ပှၤ,

လံာ်ယၡါယၤ 64:8 Iomraidhean Croise

လံာ်စီၤယိၤဘး 10:3

လၢနကသးဘၣ်အၢတၢ်လၢ နကစၢ်ဒၣ်နဲတ့လီၤ အီၤဒီးနံၤလၢပှၤအၢပှၤသီတဖၣ် အတၢ်ကူၣ်ကျဲၤအဂီၢ်န့ၣ်, ကတီဝဲလိၤဝဲလၢ နဂီၢ်တုၤလၢနကအၢကသီထဲ န့ၣ်ကစီဒီဧါ.

စံးထီၣ်ပတြၢၤ 100:3

သ့ၣ်ညါလၢယွၤမ့ၢ်ကစၢ်ယွၤတက့ၢ်. အဝဲဒၣ်န့ၣ်တ့ပှၤ ဒီးပမ့ၢ်အတၢ်လီၤ. ပမ့ၢ်အပှၤဂီၢ်မုၢ်ဒီး အတၢ်အီၣ်ဆၣ်အလီၢ် အသိတဖုလီၤ.

စံးထီၣ်ပတြၢၤ 119:73

နတ့လီၤပာ်လီၤယၤဒီး ပၢၤဃာ်ယၤပူၤပူၤဖျဲးဖျဲးလီၤ. ဟ့ၣ်ယၤတၢ်နၢ်ပၢၢ်ဒ်သိး ယကမၤလိနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 138:8

ယွၤကမၤလၢပှဲၤအတၢ်တိာ်ပာ်ခဲလၢာ်လၢယဂီၢ်န့ၣ်လီၤ. ယွၤဧၢ, နတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ. မ်နသုတလဲၤသဒၣ်နစုအတၢ်မၤန့ၣ်တဂ့ၤ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်ယၡါယၤ 19:25

ယွၤသ့တၢ်လၢာ်ကစၢ်ကဆိၣ်ဂ့ၤအဝဲသ့ၣ်ဒီးစံး, “ယကဆိၣ် ဂ့ၤနၤ, ကီၢ်အဲၤကူပတူးယပှၤဂီၢ်မုၢ်, နဲဒၣ်, ကီၢ်အၤၡူၢ်, ပှၤလၢယတ့လီၤပာ်လီၤအီၤ, ဒီးနဲဒၣ်, ကီၢ်အံၣ်စရ့လး, ယပှၤဃုထၢတကလုာ်ဧၢ,” န့ၣ်လီၤ.

လံာ်ယၡါယၤ 29:16

အဝဲသ့ၣ်ဘိးကဒါကွံာ်တၢ်ခဲလၢာ်န့ၣ်လီၤ. ပှၤတ့သပၢၤဒီးကပံာ်န့ၣ်အ ကါဒိၣ်လၢလဲၣ်တမံၤလဲၣ်. တၢ်တမံၤလၢပှၤကညီတဂၤမၤတ့ၢ်ဝဲန့ၣ်စံးဘၣ်အီၤလၢ, “နတမၤတ့ၢ်ယၤဘၣ်” မ့တမ့ၢ် “နမၤတၢ်မနုၤလဲၣ်န့ၣ်နတသ့ၣ် ညါဘၣ်” မ့ၢ်ကသ့ဧါ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ယၡါယၤ 44:21

ယွၤစံးဝဲ, “ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. သ့ၣ်နီၣ်ထီၣ်က့ၤလၢနမ့ၢ်ယခ့ယပှၤတက့ၢ်. ယတ့လီၤပာ်လီၤနၤလၢနကမ့ၢ်ယခ့ယပှၤဒီး ယတသးပ့ၤနီၣ်နၤနီတစုဘၣ်.

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယၡါယၤ 63:8

ယွၤစံးဝဲဒၣ်, “အဝဲသ့ၣ်မ့ၢ်ယပှၤဂီၢ်မုၢ်, အဝဲသ့ၣ်တလီယၤဘၣ်.” လၢတၢ်န့ၣ်အဃိအဝဲဒၣ်အုၣ်က့ၤခီၣ်က့ၤအဝဲသ့ၣ်,

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်မၤလကံ 2:10

ပဝဲဒၣ်ခဲလၢာ်အံၤပအိၣ်ဒီးပပၢ်တဂၤဃီတမ့ၢ်ဘၣ်ဧါ. ကစၢ်ယွၤတဂၤဃီတ့လီၤပဝဲခဲလၢာ်, တမ့ၢ်ဘၣ်ဧါ. မၤသးဒ်န့ၣ်ဒီး, ဘၣ်မနုၤလၢပမၤဟးဂီၤပတၢ်အၢၣ်လီၤအီလီၤတဂၤဒီးတဂၤ, ဒီးမၤတရီတပါတၢ်အၢၣ်လီၤအီလီၤလၢကစၢ်ယွၤမၤတ့ၢ်ဝဲဒီး ပမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်ယိၤဟၣ် 8:41

သုမၤတၢ်လၢသုပၢ်မၤတ့ၢ်လံဝဲန့ၣ်လီၤ.” အဝဲသ့ၣ်စံးဆၢတၢ်ဒီးစံးဝဲ, “ပအိၣ်ဒီးပပၢ်ထဲတဂၤဧိၤလၢအမ့ၢ် ကစၢ်ယွၤအကစၢ်ဒၣ်ဝဲဒီးပမ့ၢ်အဖိနီၢ်နီၢ်တဖၣ်န့ၣ်လီၤ.”

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

လံာ်သိၣ်လီၤသီလီၤတၢ် 9:29

နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.