လံာ်ယၡါယၤ 64:4 - Sgaw Karen Common Bible

⁴ ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယၡါယၤ 64:4 Iomraidhean Croise

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

စံးထီၣ်ပတြၢၤ 103:18

ဒီးလၢပှၤလၢအတိၢ်န့ၢ်အတၢ်အၢၣ်လီၤအီလီၤ ဒီးသ့ၣ်နီၣ်ထီၣ်က့ၤအတၢ်မၤလိာ်ဒ်သိး အကတိၢ်န့ၢ်ဟံးဃာ်အီၤလီၤ.

စံးထီၣ်ပတြၢၤ 130:5

ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 62:1

ယသးအိၣ်ခိးထဲကစၢ်ယွၤတဂၤဧိၤလၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. တၢ်အုၣ်က့ၤခီၣ်က့ၤယၤန့ၣ်ဟဲဒၣ်ထဲလၢအအိၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယၡါယၤ 66:8

ပှၤတဂၤဂၤထံၣ်တ့ၢ်ဒီးနၢ်ဟူတ့ၢ်တၢ်ဒ်သိးအံၤတစုစုဧါ. ပှၤကလုာ်တကလုာ်အိၣ်ဖျဲၣ်ထီၣ်ဝဲလၢတနံၤဃီအတီၢ်ပူၤ တစုစုလံဧါ. တချုးလၢပှၤကလုာ်အိၣ်ဖျဲၣ်ထီၣ်ဒံးဘၣ်န့ၣ်, ကစၢၢ်စံယိၣ်တတူၢ်ဘၣ်တၢ်ယံာ်ယံာ်လၢၤဘၣ်.

လံာ်ဒၤနံးယ့လး 9:15

အိယွၤ, ပကစၢ်ယွၤဧၢ, နဒုးနဲၣ်တ့ၢ်နစိကမီၤလၢတၢ်ထုးထီၣ် နပှၤဂီၢ်မုၢ်လၢကီၢ်အဲၤကူပတူးအပူၤ, ဒီးနစိကမီၤအံၤပသ့ၣ် နီၣ်ဒံးအီၤလီၤ. ပမၤတ့ၢ်တၢ်ဒဲးဘး, ပမၤကမၣ်တ့ၢ်တၢ်လီၤ.

လံာ်ဒၤနံးယ့လး 9:5

ပမၤတ့ၢ်တၢ်ဒဲးဘး, ပအၢပသီတ့ၢ်, ပမၤတ့ၢ်တၢ်ကမၣ်လီၤ. ပညိကွံာ်တ့ၢ်တၢ်မၤလိာ်လၢနမၤလိာ်တ့ၢ်ပှၤလၢပကဘၣ်မၤအီၤ တဖၣ်ဒီးဃၣ်ကွံာ်တ့ၢ်လံပသးလၢတၢ်အလိၤအဘၣ်လၢနဒုးနဲၣ် တ့ၢ်ပှၤန့ၣ်လီၤ.

လံာ်ဒၤနံးယ့လး 9:8

ယွၤဧၢ, ပစီၤပၤတဖၣ်, ပပှၤပၢတၢ်တဖၣ်, ဒီးမိၢ်ပၢ်ဖံဖုလၢပျၢၤတဖၣ်မၤတ့ၢ်တၢ်လၢအလီၤမဲာ်ဆှး ဒီးမၤတ့ၢ်တၢ်ဒဲးဘးထီဒါနၤလီၤ.

လံာ်ဟိၤၡ့ 7:7

လၢအတၢ်သးထီၣ်ကိၢ်လူးထီၣ်အပူၤန့ၣ်, အဝဲသ့ၣ်မၤသံကွံာ် အပှၤပၢတၢ်တဖၣ်လီၤ. အဝဲသ့ၣ်အစီၤပၤတဖၣ်ဘၣ်တၢ်မၤသံကွံာ်အီၤတဂၤဘၣ်တဂၤ, ဘၣ်ဆၣ်ပှၤတဃ့ဘါထုကဖၣ်ဆူယအိၣ်လၢတၢ်မၤစၢၤအဂီၢ်နီတဂၤဘၣ်.

လံာ်စကၤရယၤ 10:9

ယမ့ၢ်မၤလီၤပြံလီၤပြါတ့ၢ်အဝဲသ့ၣ်လၢ ပှၤကလုာ်ဂၤအကျါသနာ်က့, အဝဲသ့ၣ်ကသ့ၣ်နီၣ်ထီၣ်က့ၤယၤလၢ ထံယံၤကီၢ်ယံၤအပူၤဒၣ်လဲာ်လီၤ. အဝဲသ့ၣ်ဒီးအဝဲသ့ၣ်အဖိတဖၣ်ကအိၣ်မူတ့ၢ်ဒံးဝဲ ဒီးကဟဲက့ၤကဒါက့ၤသကိးဆူဟံၣ်တပူၤဃီလီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.