လံာ်ယၡါယၤ 64:2 - Sgaw Karen Common Bible

² အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 64:2 Iomraidhean Croise

စံးထီၣ်ပတြၢၤ 106:8

ဘၣ်ဆၣ်အဝဲဒၣ်အုၣ်က့ၤခီၣ်က့ၤအဝဲသ့ၣ်, ဒ်အဝဲအၢၣ်လီၤတ့ၢ်ဝဲအသိး, ဒ်သိးကပာ်ဖျါထီၣ်အစိဒိၣ်အကမီၤဒိၣ်န့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

စံးထီၣ်ပတြၢၤ 83:13

အိ, ယကစၢ်ယွၤဧၢ, မၤလီၤပြံလီၤပြါအဝဲသ့ၣ်ဒ်ဖ့အသိး ဒီးဒ်လီၢ်အကမူၣ်လၢ ကလံၤအမဲာ်ညါအသိးန့ၣ်တက့ၢ်.

စံးထီၣ်ပတြၢၤ 9:20

ယွၤဧၢ, ပာ်တၢ်ပျံၤတၢ်ဖုးလၢအလိၤ, မ်ပှၤကလုာ်တဖၣ်သ့ၣ်ညါလၢ အမ့ၢ်ဒၣ်ပှၤကညီလၢအသံသ့န့ၣ်တက့ၢ်. စ့လၤ

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်ယၡါယၤ 28:21

ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ဧၤမိၣ် 4:12

မၤသးဒ်န့ၣ်ဒီး, ပှၤကီၢ်အံၣ်စရ့လးဖိသ့ၣ်ဧၢ, ယကစံၣ်ညီၣ်သု ဒ်န့ၣ်လီၤ. ဒီးမ့ၢ်လၢယကမၤတၢ်အံၤအဃိ, အိၣ်ကတဲာ်ကတီၤသုသး လၢသုကကွၢ်ဆၢၣ်မဲာ်ယတၢ်စံၣ်ညီၣ်တက့ၢ်.

လံာ်မံကၤ 1:4

တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.