လံာ်ယၡါယၤ 64:12 - Sgaw Karen Common Bible

¹² ယွၤဧၢ, မ့ၢ်နသးတဘၣ်ဒိဘၣ်ထံးလၢတၢ်အံၤအဃိဘၣ်ဧါ. မ့ၢ်နတမၤတၢ်နီတမံၤဒီးဒုးတူၢ်ဘၣ်ပှၤတၢ်အါန့ၢ်ပတူၢ်အီၤ ကဲဒီးသ့တက့ၢ်န့ၣ်ဧါ.

လံာ်ယၡါယၤ 64:12 Iomraidhean Croise

စံးထီၣ်ပတြၢၤ 10:1

ယွၤဧၢ, နအိၣ်လၢအယံၤမ့ၢ်အဘၣ်မနုၤလဲၣ်. ဘၣ်မနုၤလၢနပာ်တဒၢနသးဖဲလၢပအိၣ်လၢတၢ်ကိၢ်တၢ်ဂီၤအကတီၢ် န့ၣ်လဲၣ်.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 83:1

ကစၢ်ယွၤဧၢ, အိၣ်ဘှ့ၣ်အိၣ်ဘှီၣ်တဂ့ၤ. အိၣ်ဂၢၢ်တပၢၢ်တဂ့ၤ အိၣ်ဃိကလာ်တဂ့ၤ

လံာ်ယၡါယၤ 42:14

ကစၢ်ယွၤစံးဝဲ, “ယအိၣ်ဘှ့ၣ်အိၣ်ဘှီၣ်ယံာ်တ့ၢ်မးလံ ဒီးယတစံးဆၢယပှၤဂီၢ်မုၢ်ဘၣ်. ဘၣ်ဆၣ်ဒီးခဲအံၤန့ၣ်တၢ်ဆၢကတီၢ်လၢယကမၤတၢ်အဂီၢ်တုၤလံ. ယကိးထီၣ်ဒ်ပိာ်မုၣ်တဂၤလၢအဟုးဆါဒီးကဆံးစၢ်ဝဲအသိးလီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယၡါယၤ 65:6

ယပာ်လီၤတ့ၢ်တၢ်စံၣ်ညီၣ်လၢအဝဲသ့ၣ်အဂီၢ်, ဒီးအဝဲသ့ၣ် အတၢ်စံၣ်ညီၣ်အဂ့ၢ်ဘၣ်တၢ်ကွဲးလီၤအီၤလံလီၤ. ယတကွၢ်ကပာ်ကွံာ်တၢ်လၢအဝဲသ့ၣ်မၤတ့ၢ်ဝဲဘၣ်, မ့မ့ၢ်ယကဟ့ၣ်ကၣ်အဝဲသ့ၣ်,

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”