လံာ်ယၡါယၤ 63:7 - Sgaw Karen Common Bible

⁷ ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်ယၡါယၤ 63:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:66

လၢဃိးနံၤတနံၤန့ၣ်, စီၤၡလိၤမိၤပျၢ်ကွံာ်ပှၤဂီၢ်မုၢ်လၢ ကက့ၤဆူအဟံၣ်န့ၣ်လီၤ. အဝဲသ့ၣ်ခဲလၢာ်, စံးထီၣ်ပတြၢၤအီၤဒီးက့ၤက့ၤဝဲဆူအဟံၣ်ဒၣ် ဝဲလၢတၢ်သူၣ်ဖှံသးညီအပူၤ, လၢကယဲၢ်တၢ်ဆိၣ်ဂ့ၤတဖၣ်လၢယွၤဟ့ၣ်တ့ၢ်အခ့အပှၤစီၤဒၤဝံးဒီး အပှၤဂီၢ်မုၢ်အံၣ်စရ့လးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:10

ဒီးပိာ်ထွဲထီၣ်အခံတနံၤလၢအမ့ၢ်, လါနွံလါတလါထီၣ်ခံဆံ သၢသီတသီန့ၣ်, စီၤၡလိၤမိၤပျၢ်က့ၤပှၤဂီၢ်မုၢ်ဆူအဟံၣ်ဒၣ်ဝဲန့ၣ်လီၤ. အဝဲသ့ၣ်သူၣ်ဖှံသးညီဝဲလၢတၢ်ဆိၣ်ဂ့ၤတဖၣ်လၢယွၤဟ့ၣ်လီၤ တ့ၢ်အီၤဆူအပှၤဂီၢ်မုၢ်အံၣ်စရ့လး, ဆူစီၤဒၤဝံး, ဒီးဆူစီၤၡလိၤမိၤအဃိန့ၣ်လီၤ.

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

လံာ်စီၤနဃ့မယၤ 9:27

ဒီးလၢတၢ်န့ၣ်အဃိနပျဲအဝဲသ့ၣ်အဒုၣ်အဒါတဖၣ်မၤနၢၤအီၤဒီး ပၢဘၣ်အဝဲသ့ၣ်န့ၣ်လီၤ. လၢအဝဲသ့ၣ်အတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ကိးထီၣ်နၤလၢတၢ် မၤစၢၤအဂီၢ်, ဒီးနစံးဆၢအဝဲသ့ၣ်လၢမူခိၣ်န့ၣ်လီၤ. ဒီးလၢနတၢ်သးကညီၤဖးဒိၣ်အပူၤနဆှၢလီၤန့ၢ်အဝဲသ့ၣ်လၢခိၣ် နၢ်တဖၣ်လၢကအုၣ်က့ၤခီၣ်က့ၤအဝဲသ့ၣ်လၢအဒုၣ်အဒါတဖၣ်န့ၣ်လီၤ.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

လံာ်စီၤနဃ့မယၤ 9:35

လၢနတၢ်ဆိၣ်ဂ့ၤဆိၣ်ဝါအပူၤန့ၣ်စီၤပၤတဖၣ်ပၢဘၣ် နပှၤဂီၢ် မုၢ် ဖဲအဝဲသ့ၣ်အိၣ်ဆိးတ့ၢ်လၢထံကီၢ်လၢအလဲၢ်, ဒီးပှဲၤဒီးဟီၣ်ခိၣ်ညၣ်ထ့ၣ်လၢနဟ့ၣ်အဝဲသ့ၣ်အပူၤန့ၣ်လီၤ. ဘၣ်ဆၣ်အဝဲသ့ၣ်တဃၣ်က့ၤအသးလၢတၢ်ဒဲးဘးဒီးမၤနတၢ်မၤန့ၣ်ဘၣ်.

စံးထီၣ်ပတြၢၤ 103:2

ယသးဧၢ, စံးထီၣ်ပတြၢၤယွၤတက့ၢ်. ဒီးအတၢ်မၤဂ့ၤတဖၣ်န့ၣ် မ်နသုတသးပ့ၤနီၣ်နီတမံၤတဂ့ၤ.

စံးထီၣ်ပတြၢၤ 107:15

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်.

စံးထီၣ်ပတြၢၤ 107:21

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်.

စံးထီၣ်ပတြၢၤ 107:31

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်

စံးထီၣ်ပတြၢၤ 107:8

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်န့ၣ်တက့ၢ်.

စံးထီၣ်ပတြၢၤ 145:7

အဝဲသ့ၣ်ကစံးကကတိၤဝဲလၢနတၢ်မၤဂ့ၤအါအါကလဲာ်အဂ့ၢ် ဒီးကသးဝံၣ်ထီၣ်တၢ်ဘၣ်ဃးဒီး နတၢ်သးကညီၤအဂ့ၢ်န့ၣ်လီၤ.

စံးထီၣ်ပတြၢၤ 25:6

ယွၤဧၢ, သ့ၣ်နီၣ်ထီၣ်က့ၤနတၢ်သူၣ်ကညီၤသးကညီၤဒီးနတၢ် အဲၣ်ဂၢၢ်ကျၢၤ လၢနပာ်ဖျါတ့ၢ်အီၤလၢပျၢၤန့ၣ်တက့ၢ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 63:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဂ့ၤန့ၢ်သးသမူ, ဒီးယနိးဖံးကစံးထီၣ်ပတြၢၤနၤန့ၣ်လီၤ.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

စံးထီၣ်ပတြၢၤ 92:2

တၢ်တဲဖျါထီၣ်နတၢ်အဲၣ်ဂၢၢ်ကျၢၤကိးမုၢ်ဂီၤ, ဒီးနတၢ်သူၣ်တီသးလိၤကိးမုၢ်နၤ,

လံာ်တၢ်ဟးထီၣ်ကွံာ် 18:9

ဒီးဖဲစီၤယံးသရိၤနၢ်ဟူတၢ်ဂ့ၢ်ခဲလၢာ်အံၤဒီးအဝဲအသးခု,

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 64:5

နတူၢ်လိာ်မုာ်ပှၤတဖၣ်လၢအထံၣ်န့ၢ်တၢ်သးခုလၢတၢ်မၤတၢ် အလိၤအဘၣ်, ပှၤတဖၣ်လၢအသ့ၣ်နီၣ်ထီၣ်ဝဲလၢနအဲၣ်ဒိး လၢအဝဲသ့ၣ်ကအိၣ်မူဝဲဒ်လဲၣ်န့ၣ်လီၤ. နသူၣ်ဒိၣ်သးဖျိးဘၣ်ပှၤ, ဘၣ်ဆၣ်ပမၤထွဲဒံးဒၣ်တၢ်ဒဲးဘးလီၤ. စးထီၣ်လၢပျၢၤလံၤလံၤန့ၣ်, နသးကဲၤထီၣ်ပှၤဒိၣ်ဒိၣ်မုၢ်မုၢ်ဒၣ်လဲာ်, ပတဆိတ့ၢ်လၢတၢ်မၤကမၣ်တၢ်န့ၣ်ဘၣ်.

လံာ်သးသယုၢ်တၢ် 3:32

အဝဲကဟဲစိာ်န့ၢ်ပှၤလၢတၢ်သးအုးဘၣ်ဆၣ်ဒီးအတၢ်အဲၣ်ပှၤန့ၣ် ကျၢၤဒီးဆူၣ်ဝဲလီၤ.

လံာ်ဟိၤၡ့ 2:19

ကီၢ်အံၣ်စရ့လးဧၢ, ယကဒုးကဲထီၣ်နၤလၢယမါ, ယကတီ ယဲဒီးသူၣ်တီသးရၤလီၤ. ယကဒုးနဲၣ်နၤယတၢ်အဲၣ်အဂၢၢ်အကျၢၤ ဒီးတၢ်သးကညီၤ, ဒီးဒုးကဲထီၣ်နၤလၢယတၢ်လီၤထူလီၤယိာ်န့ၣ်လီၤ.

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

အ့းဖ့းစူး 2:4

ဘၣ်ဆၣ်ဒီးယွၤလၢအထူးဝဲတီၤဝဲဒီးတၢ်သးကညီၤန့ၣ်, လၢတၢ်အဲၣ်ဘၣ်ပှၤအဒိၣ်အအါအပူၤ,

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.