လံာ်ယၡါယၤ 63:17 - Sgaw Karen Common Bible

¹⁷ ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယၡါယၤ 63:17 Iomraidhean Croise

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:36

ဘိးဃၣ်ယသးဆူနတၢ်သိၣ်တၢ်သီတဖၣ်, ဒီးသုတမ့ၢ်ဆူတၢ်သးကွံန့ၣ်တဂ့ၤ.

စံးထီၣ်ပတြၢၤ 141:4

သုတဘိးဃၣ်ယသးဆူတၢ်အၢဒ်သိးယကလဲၤတၢ် ဒီးပှၤမၤတၢ်အၢလၢအတၢ်မၤ တၢ်အၢတၢ်သီအပူၤန့ၣ်တဂ့ၤ. ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.

စံးထီၣ်ပတြၢၤ 80:14

သ့တၢ်လၢာ်အကစၢ်ယွၤဧၢ, ဃၣ်နသးဆူပအိၣ်တက့ၢ်. ကွၢ်လီၤလၢ်ပှၤလၢမူခိၣ်ဒီး ဟဲအုၣ်က့ၤခီၣ်က့ၤနပှၤဂီၢ်မုၢ်တက့ၢ်.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 11:10

စီၤမိၤၡ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢ စီၤပၤအမဲာ်ညါ, ဘၣ်ဆၣ်ဒီးယွၤမၤကိၤထီၣ်စီၤပၤအသးဒီး တပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်ယၡါယၤ 19:25

ယွၤသ့တၢ်လၢာ်ကစၢ်ကဆိၣ်ဂ့ၤအဝဲသ့ၣ်ဒီးစံး, “ယကဆိၣ် ဂ့ၤနၤ, ကီၢ်အဲၤကူပတူးယပှၤဂီၢ်မုၢ်, နဲဒၣ်, ကီၢ်အၤၡူၢ်, ပှၤလၢယတ့လီၤပာ်လီၤအီၤ, ဒီးနဲဒၣ်, ကီၢ်အံၣ်စရ့လး, ယပှၤဃုထၢတကလုာ်ဧၢ,” န့ၣ်လီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 30:28

အဝဲမၢလီၤကလံၤလၢအမဲာ်ညါဒ်ထံဒိၣ်ဘၢတၢ်လၢအစိာ် ကွံာ်တၢ်ခဲလၢာ်အသိးန့ၣ်လီၤ. ကလံၤအံၤအူပျီကွံာ်ပှၤ ကလုာ်တဖၣ်ဆူတၢ်ဟးဂီၤအပူၤဒီးအဝဲသ့ၣ်အတၢ်ကူၣ်ကျဲၤ အၢသီတဖၣ်ကတၢၢ်ကွံာ်ဝဲန့ၣ်လီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်သးသယုၢ်တၢ် 3:9

ယလဲၤတၢ်ကနူၤကဆဲဖဲယဟး, ဒီးလၢၢ်တၢ်ဒူၣ်တဖၣ်အိၣ်တံာ်တၢၤ ယကျဲဖဲယဃၣ်ယသးတပူၤလၢ်လၢ်လီၤ.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်တၢ်ဂံၢ် 10:36

ဒီးဖဲအအိၣ်ကတီၢ်တဘျီလၢ်လၢ်န့ၣ်, အဝဲကစံးဝဲဒၣ်, “ယွၤဧၢ, ဟဲက့ၤဆူအံၣ်စရ့လးအဒူၣ်ဖိထၢဖိလၢအကထိတဖၣ် အအိၣ်တက့ၢ်” န့ၣ်လီၤ.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.