လံာ်ယၡါယၤ 63:16 - Sgaw Karen Common Bible

¹⁶ နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယၡါယၤ 63:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:10

ဖဲန့ၣ်, လၢပှၤအိၣ်ဖှိၣ်ရိဖှိၣ်ခဲလၢာ်အမဲာ်ညါ, စီၤပၤစီၤဒၤဝံးစံးထီၣ်ပတြၢၤယွၤန့ၣ်လီၤ. အဝဲစံးဝဲ, “ယွၤ, ပပၢ်ဖးဒိၣ်စီၤယၤကိာ်အကစၢ်ယွၤဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤအဃၣ်ဃၣ်န့ၣ်တက့ၢ်.

လံာ်စီၤယိၤဘး 14:21

အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 29:22

သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 43:14

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသု စံးဝဲ, “လၢတၢ်ကအုၣ်က့ၤခီၣ်က့ၤသုအဂီၢ်, ယကဆှၢလီၤသုးမုၢ်တဖုထီ ဒါကီၢ်ဘၤဘူၤလိၣ်လီၤ. ယကမၤလီၤပှီၢ်ဝ့ၢ်အတြဲၤတဖၣ်, ဒီးအဝဲသ့ၣ်အပှၤဂီၢ်မုၢ်အတၢ်ကိးပသူထီၣ်တဖၣ်န့ၣ်, ကလဲလိာ်အသးဆူတၢ်ဟီၣ်တၢ်ယၢၤလီၤ.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယၡါယၤ 64:8

ဘၣ်ဆၣ်ဒီး, ယွၤဧၢ, နမ့ၢ်ဒၣ်ပပၢ်လီၤ. ပလီၤဂာ်ဒီးကပံာ် ဒီးနဲနလီၤဂာ်ဒီးပှၤတ့သပၢၤလီၤ. နတ့လီၤပာ်လီၤတ့ၢ်ပှၤ,

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မၤလကံ 2:10

ပဝဲဒၣ်ခဲလၢာ်အံၤပအိၣ်ဒီးပပၢ်တဂၤဃီတမ့ၢ်ဘၣ်ဧါ. ကစၢ်ယွၤတဂၤဃီတ့လီၤပဝဲခဲလၢာ်, တမ့ၢ်ဘၣ်ဧါ. မၤသးဒ်န့ၣ်ဒီး, ဘၣ်မနုၤလၢပမၤဟးဂီၤပတၢ်အၢၣ်လီၤအီလီၤတဂၤဒီးတဂၤ, ဒီးမၤတရီတပါတၢ်အၢၣ်လီၤအီလီၤလၢကစၢ်ယွၤမၤတ့ၢ်ဝဲဒီး ပမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

လံာ်ယိၤဟၣ် 8:41

သုမၤတၢ်လၢသုပၢ်မၤတ့ၢ်လံဝဲန့ၣ်လီၤ.” အဝဲသ့ၣ်စံးဆၢတၢ်ဒီးစံးဝဲ, “ပအိၣ်ဒီးပပၢ်ထဲတဂၤဧိၤလၢအမ့ၢ် ကစၢ်ယွၤအကစၢ်ဒၣ်ဝဲဒီးပမ့ၢ်အဖိနီၢ်နီၢ်တဖၣ်န့ၣ်လီၤ.”

လံာ်သိၣ်လီၤသီလီၤတၢ် 14:1

သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.