လံာ်ယၡါယၤ 63:14 - Sgaw Karen Common Bible

¹⁴ ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်ယၡါယၤ 63:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:13

ခဲကနံၣ်အံၤ, ပကစၢ်ယွၤဧၢ, ပဟ့ၣ်ထီၣ်နၤလၢတၢ်စံးဘျုးစံး ဖှိၣ်, ဒီးပစံးထီၣ်ပတြၢၤနမံၤလၤဒိၣ်ကပီၤအါန့ၣ်လီၤ.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယံးရမံယၤ 32:20

ယံာ်တ့ၢ်လၢပျၢၤန့ၣ်, နမၤတ့ၢ်တၢ်လီၤလး တဖၣ်ဒီး တၢ်လီၤကမၢကမၣ်တဖၣ်လၢ ကီၢ်အဲၤကူပတူး အပူၤ, ဒီးနမၤထွဲဒံးနဲတုၤမုၢ်မဆါတနံၤအံၤလၢကီၢ်အံၣ်စရ့လး အပူၤ, ဒီးလၢပှၤကလုာ်အဂၤခဲလၢာ်အကျါ, တုၤဒၣ်လဲာ် ခဲကနံၣ်အံၤ, နဘၣ်တၢ်သ့ၣ်ညါနၤသကုၤဆးဒးန့ၣ်လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်တၢ်ဂံၢ် 14:21

ဘၣ်ဆၣ်ဒီးယအၢၣ်လီၤအီလီၤလၢ, ဒ်ယမူယဲဒီးဒ်ယတၢ်အိၣ်ဝဲမၤ ပှဲၤဟီၣ်ခိၣ်အသိးန့ၣ်, ယစံးယဲ,

လံာ်တၢ်ဂံၢ် 9:23

အဝဲသ့ၣ်သူၣ်ထီၣ်ဒဲဒီးရူၢ်လီၤသူၣ်ဒဲအလီၢ်န့ၣ်လၢတၢ်ဒိကနၣ် ယွၤအကလုၢ်ဒ်အကတိၤတၢ်ခီဖျိစီၤမိၤၡ့အသိးန့ၣ်လီၤ.

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်သိၣ်လီၤသီလီၤတၢ် 32:12

ထဲယွၤတဂၤဧိၤဆှၢအပှၤဂီၢ်မုၢ် တအိၣ်ဘၣ်ဒီးကလုာ်ဂၤအကစၢ်တဂၤအတၢ်မၤစၢၤအီၤဘၣ်န့ၣ်လီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်စီၤယိၤၡူ 23:1

ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,