လံာ်ယၡါယၤ 63:11 - Sgaw Karen Common Bible

¹¹ အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယၡါယၤ 63:11 Iomraidhean Croise

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 106:9

အဝဲဟ့ၣ်လီၤအကလုၢ်ဒီး ပီၣ်လဲၣ်ဂီၤဃ့ထီကွံာ်ဝဲ, အဝဲဆှၢခီဖျိအပှၤဂီၢ်မုၢ်လၢ ခိသူၣ်ခိၣ်န့ၣ်လီၤ.

စံးထီၣ်ပတြၢၤ 143:5

ယသ့ၣ်နီၣ်ထီၣ်က့ၤမုၢ်နံၤမုၢ်သီလၢ အပူၤကွံာ်သ့ၣ်တဖၣ်, ယဆိကမိၣ်ထီၣ်က့ၤတၢ်ဂ့ၢ်လၢနမၤတ့ၢ်ခဲလၢာ်, ယသးဆိကမိၣ်ထီၣ်က့ၤ နတၢ်မၤခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 25:6

ယွၤဧၢ, သ့ၣ်နီၣ်ထီၣ်က့ၤနတၢ်သူၣ်ကညီၤသးကညီၤဒီးနတၢ် အဲၣ်ဂၢၢ်ကျၢၤ လၢနပာ်ဖျါတ့ၢ်အီၤလၢပျၢၤန့ၣ်တက့ၢ်.

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

စံးထီၣ်ပတြၢၤ 77:12

ယကဆိကမိၣ်ထီၣ်က့ၤကယဲၢ်တၢ်လၢနမၤတ့ၢ်ခဲလၢာ် ဒီးနစိနကမီၤအတၢ်ဖံးတၢ်မၤတဖၣ်န့ၣ်လီၤ.

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 78:52

အန့ၣ်ဒီး အဝဲဆှၢထီၣ်အပှၤဂီၢ်မုၢ် ဒ်ပှၤကွၢ်သိတဂၤအသိး ဒီးဆှၢခီဖျိအီၤလၢ ပှၢ်မုၢ်ကနၢန့ၣ်လီၤ.

လံာ်တၢ်ဟးထီၣ်ကွံာ် 14:22

ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

လံာ်တၢ်ဟးထီၣ်ကွံာ် 14:30

ဒီးလၢမုၢ်တနံၤန့ၣ်ယွၤအုၣ်က့ၤခီၣ်က့ၤကီၢ်အံၣ်စရ့လးအပှၤ ဂီၢ်မုၢ်လၢပှၤအဲၤကူပတူးဖိတဖၣ်အစုပူၤဒီးပှၤအံၣ်စရ့လး ဖိတဖၣ်ထံၣ်ဘၣ်အဝဲသ့ၣ်လီၤအုးသံလၢပီၣ်လဲၣ်ကၢၢ်နံၤန့ၣ်လီၤ.

လံာ်ယၡါယၤ 43:16

ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်တၢ်ဂံၢ် 11:29

စီၤမိၤၡ့စံးဆၢအီၤ, “မ့ၢ်နသးကါဘၣ်ဃးယတၢ်သူၣ်အိၣ်သး အိၣ်အဂ့ၢ်န့ၣ်ဧါ. ယဆၢမုၢ်လၢ်လၢယွၤကဟ့ၣ်အသးဆူအပှၤဂီၢ်မုၢ်ခဲလၢာ်ဒီးဒုးကိး ပသူထီၣ်အဝဲသ့ၣ်ဒ်ဝံဧိၤမီၣ်ဧိၤတဖၣ်အသိးန့ၣ်လီၤ.”

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:13

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”