လံာ်ယၡါယၤ 61:8 - Sgaw Karen Common Bible

⁸ ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 61:8 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

စံးထီၣ်ပတြၢၤ 105:10

ယွၤမၤတၢ်အၢၣ်လီၤအီလီၤတမံၤဒီး စီၤယၤကိာ်, တၢ်အၢၣ်လီၤအီလီၤတမံၤလၢ ကအိၣ်ဂၢၢ်ဆိးကျၢၤလီၤထူလီၤယိာ်န့ၣ်လီၤ.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 32:8

ယွၤစံးဝဲ, “ယကသိၣ်လိနၤကျဲလၢနကြၢးလဲၤ, ယကနဲၣ်လိဒီးဟ့ၣ်ကူၣ်ဟ့ၣ်ဖးနၤလီၤ.

စံးထီၣ်ပတြၢၤ 33:5

ယွၤအဲၣ်တၢ်မ့ၢ်တၢ်တီဒီးတၢ်စံၣ်ညီၣ်တီ, အတၢ်အဲၣ်အဂၢၢ်အကျၢၤမၤပှဲၤဟီၣ်ခိၣ်လီၤ.

စံးထီၣ်ပတြၢၤ 37:28

အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ ဒီးတလဲၤသဒၣ်အပှၤစီဆှံနီတဘျီဘၣ်. အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ, ဘၣ်ဆၣ်ပှၤအၢပှၤသီအဖိအလံၤတဖၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

စံးထီၣ်ပတြၢၤ 50:5

အဝဲစံးဝဲ, “ပာ်ဖှိၣ်ပှၤလၢအသးတီဒီးယၤ, ပှၤလၢအမၤတၢ်အၢၣ်လီၤအီလီၤဒီးယၤခီဖျိ တၢ်လုၢ်ထီၣ်အတၢ်လုၢ်န့ၣ်တက့ၢ်.”

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 56:1

ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:60

ဘၣ်ဆၣ်ဒီးယကပာ်ကဲဒီးဟံးဃာ်တၢ်အၢၣ်လီၤအီလီၤလၢယမၤဒီးနၤ ဖဲနသးစၢ်အခါန့ၣ်ဒီးယကမၤတၢ်အၢၣ်လီၤအီလီၤတမံၤဒီးနၤလၢ ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

၂ သ့းစၤလနံ 3:5

မ်ကစၢ်ဆှၢသုဆူတၢ်သ့ၣ်ညါနၢ်ပၢၢ်အါထီၣ်ကစၢ်ယွၤ အတၢ်အဲၣ်တၢ်ကွံဒီးတၢ်သ့တူၢ်တၢ်လၢအဟဲလၢခရံာ် အအိၣ်န့ၣ်တက့ၢ်.