လံာ်ယၡါယၤ 61:6 - Sgaw Karen Common Bible

⁶ ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယၡါယၤ 61:6 Iomraidhean Croise

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်ယၡါယၤ 23:18

ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယၡါယၤ 66:21

ယကဒုးကဲထီၣ်အဝဲသ့ၣ်တနီၤလၢပှၤလုၢ်တၢ်အဒိၣ်တဖၣ်ဒီး ပှၤလ့ၤဝံဖိတဖၣ်န့ၣ်လီၤ.

လံာ်ယံးရမံယၤ 33:18

ဒီးလၢပှၤလုၢ်တၢ်အခိၣ်တဖၣ် လၢလ့ၤဝံအဒူၣ်တခီကအိၣ်ဝဲထီဘိ လၢကမၤယတၢ်မၤဒီး ကလုၢ်ထီၣ်တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ.”

လံာ်ယဃ့းစက့လး 14:11

ယကမၤတၢ်အံၤဒ်သိးယကဟံးဃာ်ပှၤအံၣ်စရ့လးဖိတဖၣ်လၢအသုတဟး သဒၣ်ကွံာ်ယၤတဂ့ၤဒီးဒ်သိးအသုတမၤဘၣ်အၢအသးလၢအတၢ်ဒဲးဘး တဖၣ်တဂ့ၤအဂီၢ်န့ၣ်လီၤ. အဝဲသ့ၣ်ကဘၣ်မ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

လံာ်သိၣ်လီၤသီလီၤတၢ် 18:2

အဝဲသ့ၣ်တဘၣ်အိၣ်ဒီးအဟီၣ်ခိၣ်ကဝီၤလၢအဂီၢ်ဒၣ်ဝဲ, ဒ်ဒူၣ်အဂၤတဖၣ်အိၣ်ဝဲအသိးန့ၣ်ဘၣ်. အဝဲသ့ၣ်အတၢ်ဟ့ၣ်နီၤန့ၣ်, ကဘၣ်မ့ၢ်ဒၣ်တၢ်အိၣ်ဒီးတၢ်ခွဲးတၢ်ယာ်လၢတၢ်ကဲဘၣ်ယွၤအပှၤလုၢ် တၢ်အခိၣ်တဖၣ်ဒ်ယွၤအၢၣ်လီၤတ့ၢ်ဝဲအသိးန့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”