လံာ်ယၡါယၤ 60:8 - Sgaw Karen Common Bible

⁸ ကဘီလၢအလဲၤတၢ်ချ့ချ့ဒ်တၢ်အၢၣ်တဖၣ်အသိး, လီၤဂာ်ဒ်ထိၣ်လွံၢ်တဖၣ်လၢအဟဲက့ၤကဒါက့ၤ ဆူဟံၣ်န့ၣ်, မ့ၢ်ကဘီမတၤတဖၣ်လဲၣ်.

လံာ်ယၡါယၤ 60:8 Iomraidhean Croise

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ဟိၤၡ့ 11:11

အဝဲသ့ၣ်ကဟဲလၢကီၢ်အဲၤကူပတူးတခီချ့ချ့ဒ်ထိၣ်တဖၣ် ယူၤဝဲအသိးဒီးလၢကီၢ်အၤၡူၢ်တခီဒ်ထိၣ်လွံၢ်တဖၣ်အသိးန့ၣ်လီၤ. ယကစိာ်က့ၤကဒီးအဝဲသ့ၣ်ဆူအဟံၣ်တဖၣ်လီၤ. ယၤ, ယွၤအံၤကတိၤလံတၢ်လံ.

လံာ်လူၤကၣ် 13:29

ပှၤကဟဲလၢမုၢ်ထီၣ်မုၢ်နုာ်, လၢကလံၤစိးဒီးကလံၤထံး, ဒီးဆ့ၣ်နီၤဖဲစီၢ်နီၤခိၣ်, လၢကစၢ်ယွၤအဘီအမုၢ်အပူၤလီၤ.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.