လံာ်ယၡါယၤ 60:6 - Sgaw Karen Common Bible

⁶ ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယၡါယၤ 60:6 Iomraidhean Croise

လံာ်တၢ်ကဲထီၣ်အခီၣ်ထံး 10:7

ဒီးစီၤကူၤၡးအစၢၤအသွဲၣ်တဖၣ်န့ၣ်မ့ၢ်ဝဲ, စီၤစဘၤ, စီၤဃဝံၤလၤ, စီၤစၤဘတၤ, စီၤရၤဧၤမၤဒီးစီၤစၤဘတံကၤတဖၣ် လီၤ. ဒီးစီၤရၤဧၤမၤအစၢၤအသွဲၣ်တဖၣ်န့ၣ်မ့ၢ်ဝဲၡဘၤဒီးဒဒၣ်အပှၤ ဂီၢ်မုၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:13

အမံၤဒ်အအိၣ်ဖျဲၣ်ထီၣ်ဝဲတဂၤဝံၤတဂၤအသိးန့ၣ်မ့ၢ်ဝဲစီၤနဘါ ယိး, စီၤက့ဒၢ်, စီၤအးဒဘအ့လး, စီၤမံးကစၢ်,

လံာ်စီၤပၤအခီၣ်ထံးတဘ့ၣ် 10:2

အဝဲဟဲကိးဃုာ်အတၢ်ခ့တၢ်ပှၤအါအါဂီၢ်ဂီၢ်ဃုာ်ဒီးကီၤလၤအူး တဖၣ်လၢတၢ်ပဒၢးအီၤဒီးတၢ်နၢမူတဖၣ်, တၢ်မျၢ်ပလဲတဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤ, ကယဲၢ်တၢ်သံကွၢ်လၢအဆိကမိၣ်ထီၣ်ဝဲသ့တဖၣ်ခဲလၢာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:9

လၢတၢ်န့ၣ်အဃိစီၤဃစ့လးဂီၤကၢ်ထီၣ်ကီၤလၤအူးအဒုလွံၢ်ဆံ ဒီးကယဲၢ်တၢ်ဟ့ၣ်အဂ့ၤကတၢၢ်အကလုာ်ကလုာ်လၢဝ့ၢ်ဒၤမ့ၤစ့းဒီး လဲၤဝဲဆူစီၤအလံၤၡါအအိၣ်န့ၣ်လီၤ. တုၤစီၤဃစ့လးထံၣ်စီၤအလံၤၡါန့ၣ်စံးဝဲဒၣ်, “နခ့နပှၤစီၤပၤဘ့ၣ်ဟဒးဆှၢလီၤယၤဒ်သိးယကသံကွၢ်နၤလၢမ့ၢ် အဝဲကဘျါက့ၤဧါမ့တမ့ၢ်တဘျါက့ၤလၢၤဘၣ်လဲၣ်အဂ့ၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 1:33

စီၤမံးဒယၣ်အိၣ်ဒီးအဖိခွါယဲၢ်ဂၤ, စီၤဧ့ၤဖၣ်, စီၤဧ့ၤဖ့ၢ်, စီၤဃနိာ်, စီၤအဘံဒၤ, ဒီးစီၤအ့ၤလဒါဧၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:1

ကီၢ်ၡဘၤအနီၢ်ပၤမုၣ်နၢ်ဟူတ့ၢ်ဝဲစီၤပၤၡလိၤမိၤအတၢ်မံၤဟူ သၣ်ဖျါဒီးအဝဲလဲၤဝဲဆူဝ့ၢ်ယရူၤၡလ့ၣ်ဒ်သိးအကမၤကွၢ်စီၤ ၡလိၤမိၤလၢတၢ်သံကွၢ်အကီအခဲတဖၣ်န့ၣ်လီၤ. အဝဲဟဲကိးဃုာ်အခ့အပှၤအါအါဂီၢ်ဂီၢ်, ဃုာ်ဒီးကီၤလးအူး တဖၣ်လၢပဒၢးထီၣ်ဝဲဒီးတၢ်နၢမူတဖၣ်, လၢၢ်လုၢ်ဒိၣ်ပှ့ၤဒိၣ်တဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤလၢကယဲၢ်တၢ်သံကွၢ်တဖၣ်လၢအအိၣ်လၢအတၢ်ဆိကမိၣ် အပူၤန့ၣ်လီၤ.

စံးထီၣ်ပတြၢၤ 67:4

မ်ပှၤကလုာ်တဖၣ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံသးညီန့ၣ်တက့ၢ်. အဂ့ၢ်ဒ်အံၤ, နစံၣ်ညီၣ်ပှၤဂီၢ်မုၢ်လၢတၢ်တီတၢ်လိၤ, ဒီးဆှၢပှၤကလုာ်ခဲလၢာ်လၢဟီၣ်ခိၣ်ချၢလီၤ. စ့လၤ

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 72:15

မ်စီၤပၤကအိၣ်ကၢအိၣ်ခိးဝဲ, မ်တၢ်ကဟ့ၣ်အီၤလၢၡဘၤအထူ, မ်ပှၤဂီၢ်မုၢ်ကဘါထုကဖၣ်န့ၢ်တၢ်လၢအဂီၢ်တထံၣ်ဃီ ဒီးကဘၣ်တၢ်စံးထီၣ်ပတြၢၤအီၤ ကိးမုၢ်နံၤန့ၣ်တက့ၢ်.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်ယဃ့းစက့လး 27:22

လၢနတၢ်ဖိတၢ်လံၤတဖၣ်အဂီၢ်န့ၣ်, ပှၤကၤတၢ်ဖိလၢကီၢ်ၡဘၤ ဒီးကီၢ်ရၤဧမၤတဖၣ် လဲလိာ်ဝဲဒီးတၢ်မျၢ်ပလဲတဖၣ်, ထူဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်စဖါနယၤ 3:10

ဒီးယပှၤဂီၢ်မုၢ်လၢအအိၣ်လီၤပြံလီၤပြါ လၢကီၢ်အယံၤဒ်ကီၢ်ကူၤၡးဒၣ်လဲာ်န့ၣ်ကဟဲစိာ်တၢ်လုၢ်တၢ်ပာ်တဖၣ် ဆူယအိၣ်န့ၣ်လီၤ.

လံာ်စကၤရယၤ 14:16

အန့ၣ်တစု, ကယဲၢ်ပှၤလၢအအိၣ်လီၤတဲာ်လၢပှၤကလုာ်ခဲလၢာ်လၢ အဟဲထီဒါဝ့ၢ်ယရူၤၡလ့ၣ်အကျါန့ၣ်, ကိးနံၣ်ဒဲးကလဲၤဆူ ဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်သ့တၢ်လၢာ်အယွၤဒ်စီၤပၤ အသိးဒီးသ့ၣ်နီၣ်မၤလၤကပီၤဘူၣ်ဒဲအဂီၢ်န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

ရိမ့ၤ 15:9

ဒီးလၢကမၤစၢၤစ့ၢ်ကီးပှၤကလုာ်ဂၤတဖၣ်ဒ်သိးကစံးထီၣ်ပတြၢၤ ကစၢ်ယွၤလၢအတၢ်သးကညီၤအဃိန့ၣ်လီၤ. ဒ်တၢ်ကွဲးအသးစံးဝဲအသိး, လၢတၢ်အံၤအဃိယကစံးထီၣ်ပတြၢၤနၤလၢပှၤ ကလုာ်ဂၤတဖၣ်အကျါ, ယကသးဝံၣ်စံးထီၣ်ပတြၢၤနမံၤလီၤ.

လံာ်သိၣ်လီၤသီလီၤတၢ် 32:43

ပှၤကလုာ်တဖၣ်ဧၢ, သုကဘၣ်စံးထီၣ်ပတြၢၤယွၤအပှၤဂီၢ်မုၢ်, အဝဲစံၣ်ညီၣ်ကယဲၢ်ပှၤလၢအမၤသံအဝဲသ့ၣ်န့ၣ်လီၤ. အဝဲဟ့ၣ်ကၣ်တၢ်လၢအဒုၣ်အဒါတဖၣ်အလိၤ ဒီးပျၢ်ကွံာ်အဝဲအပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ.”

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.