လံာ်ယၡါယၤ 60:4 - Sgaw Karen Common Bible

⁴ ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယၡါယၤ 60:4 Iomraidhean Croise

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 49:17

ပှၤတဖၣ်လၢအကသူၣ်ထီၣ်ဘှီထီၣ်က့ၤနၤန့ၣ် တယံာ်ဘၣ်ဒီးကဟဲဝဲလီၤ. ဒီးပှၤတဖၣ်လၢအမၤဟးဂီၤအီၣ်တ့ၢ်နၤန့ၣ် ကဟးထီၣ်ဝဲလီၤ.

လံာ်ယၡါယၤ 49:18

ကွၢ်တရံးတၢ်ဝးဝးဒီးထံၣ်တၢ်လၢအမၤအသး န့ၣ်တက့ၢ်. နပှၤဂီၢ်မုၢ်တဖၣ်အိၣ်ဖှိၣ်ရိဖှိၣ်ဒီးဟဲက့ၤဆူနအိၣ်လံ. ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး ယစံးဘၣ်နၤ, နကပာ်ကဖၢလၢဘၣ်နသးလၢနပှၤဂီၢ်မုၢ်အဃိ, ပှဲၤသိးသိးဒီးတလးမူးပိာ်မုၣ်တဂၤပာ်ကဖၢလၢဘၣ်အသးလၢ အတၢ်မျၢ်ပလဲတဖၣ်အဃိလီၤ.

လံာ်ယၡါယၤ 66:20

အဝဲသ့ၣ်ကဟဲစိာ်ကဒါက့ၤသုထံဖိကီၢ်ဖိခဲလၢာ်လၢပှၤကလုာ် တဖၣ်အအိၣ်ဒ်အမ့ၢ်တၢ်ဟ့ၣ်တမံၤလၢယဂီၢ်အသိးန့ၣ်လီၤ. အဝဲသ့ၣ်ကဟဲစိာ်ပှၤတဖၣ်န့ၣ်ဆူယကစၢၢ်စီဆှံလၢဝ့ၢ်ယရူၤၡလ့ၣ် အပူၤလၢကသ့ၣ်တဖၣ်, ကသ့ၣ်လၤတဖၣ်ဒီးကီၤလၤအူးတဖၣ် အလိၤ, ဒီးလၢလ့ၣ်ကဟၣ်တဖၣ်ဒီးလ့ၣ်တဖၣ်အပူၤ, ဒ်ပှၤအံၣ်စရ့လးဖိတဖၣ်ဟဲစိာ်တၢ်မၤဘူၣ်ဘုဧိၤ ဟုဧိၤဆူတၢ်လုၢ်ဟံၣ်, လၢတလါဒၢဖးဒိၣ်တဖၣ်လၢ တၢ်မၤကဆှီတ့ၢ်လံအီၤအပူၤအသိးန့ၣ်လီၤ.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်မံကၤ 7:12

သုပှၤဂီၢ်မုၢ်လၢတၢ်လီၢ်ကိးပူၤဒဲးကဟဲက့ၤဆူသုအိၣ်, လၢမုၢ်ထီၣ်တခီကဟဲက့ၤလၢကီၢ်အၤၡူၢ်, လၢကလံၤထံးတခီ လၢကီၢ်အဲၤကူပတူး, လၢထံကျိဖရၤသးအကီၢ်အဃၢၤ, ဒီးလၢပီၣ်လဲၣ်အယံၤတဖၣ်ဒီးလၢ ကစၢၢ်ကလိဖးယံၤတဖၣ်လီၤ.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

လံာ်ယိၤဟၣ် 4:35

သုညီနုၢ်စံး, ‘ဆူညါလွံၢ်လါဒီး ကူးဘုအကတီၢ်ကဘၣ်ဝဲလီၤ.’ ဘၣ်ဆၣ် ယစံးဘၣ်သု, ကွၢ်စံာ်ပျီတဖၣ်လီၤတံၢ်လီၤဆဲးတက့ၢ်. ဘုဂီၤထီၣ်လံဒီးတၢ်ကူးအီၤအကတီၢ်ဘၣ်လံ.

မၤတၢ် 13:44

ဖဲပှၤယူဒၤဖိအမုၢ်အိၣ်ဘှံးနံၤလၢခံတနွံန့ၣ်, ပှၤဝ့ၢ်ဖိကိးဂၤဒဲးဃၣ်ဃၣ်ဟဲဒ်သိးအကနၢ်ဟူဘၣ်ကစၢ်အကလုၢ် ကထါန့ၣ်လီၤ.