လံာ်ယၡါယၤ 60:20 - Sgaw Karen Common Bible

²⁰ နတၢ်သူၣ်အုးသးအုးအမုၢ်နံၤတဖၣ်ကကတၢၢ်ဝဲလီၤ. ယၤ, ယွၤအံၤ, ကမ့ၢ်နတၢ်ကပီၤအထူအယိာ်ဒီးကအိၣ်စံာ် အိၣ်ကျၢၤဝဲယံာ်န့ၢ်ဒံးမုၢ်ဒီးလါန့ၣ်လီၤ.

လံာ်ယၡါယၤ 60:20 Iomraidhean Croise

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယၡါယၤ 65:19

ယကစၢ်ဒၣ်ယဲယကပှဲၤဒီးတၢ်သးခုလၢဝ့ၢ်ယရူၤၡလ့ၣ်ဒီးအပှၤဂီၢ် မုၢ်အဃိလီၤ. ဖဲန့ၣ်တၢ်ဟီၣ်တၢ်ယၢၤ, တၢ်ကိးထီၣ်ဃ့ထီၣ်တၢ် မၤစၢၤတအိၣ်ဝဲဘၣ်.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်သးသယုၢ်တၢ် 5:21

ဟဲက့ၤစိာ်က့ၤပှၤဆူနအိၣ်, ယွၤဧၢ, ဟဲက့ၤစိာ်ကဒါက့ၤပှၤတက့ၢ်. မၤအိၣ်ထီၣ်က့ၤပတၢ်လၤကပီၤလၢပျၢၤန့ၣ်တက့ၢ်.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်စကၤရယၤ 14:7

ဖဲန့ၣ်တၢ်ကပီၤကအိၣ်ဝဲဒၣ်ထီဘိ, လၢမုၢ်နၤခီအဆၢကတီၢ်ဒၣ်လဲာ်န့ၣ်လီၤ. တၢ်အံၤကမၤအသးအခါဖဲလဲၣ်န့ၣ်ပှၤလၢအသ့ၣ်ညါမ့ၢ်ဒၣ်ထဲယွၤတဂၤ ဧိၤလီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”