လံာ်ယၡါယၤ 60:2 - Sgaw Karen Common Bible

² ပှၤကလုာ်ဂၤတဖၣ်ကဘၣ်တၢ်ကးဘၢကွံာ်အီၤလၢ တၢ်ခံးတၢ်နၤ, ဘၣ်ဆၣ်ဒီးလၢနဖီခိၣ်န့ၣ်, ယွၤအတၢ်ကပီၤ, ကကပီၤထီၣ်ဝဲလီၤ. အမဲာ်အတၢ်ကပီၤဆှံကအိၣ်ဒီးနၤလီၤ.

လံာ်ယၡါယၤ 60:2 Iomraidhean Croise

လံာ်စီၤပၤအခီၣ်ထံးတဘ့ၣ် 8:11

တၢ်အၢၣ်လၢအကပီၤကတြ့ၣ်ကတြိၣ်ဒီးယွၤအတၢ်အိၣ်ဆိးဝဲ, ဒီးအဝဲသ့ၣ်က့ၤနုာ်ဆူယွၤအတၢ်လုၢ်ဟံၣ်အပူၤလၢကမၤအမူအဒါ တဖၣ်အဂီၢ်န့ၣ်, တသ့ဘၣ်.

စံးထီၣ်ပတြၢၤ 102:16

အဂ့ၢ်ဒ်အံၤ, ယွၤကသူၣ်ထီၣ်က့ၤစံယိၣ်, ဒီးအဝဲကအိၣ်ဖျါထီၣ်လၢအလၤကပီၤအပူၤလီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်ယၡါယၤ 58:10

သုမ့ၢ်ဟ့ၣ်ဒုးအီၣ်ပှၤလၢတၢ်သၣ်ဝံၤအသးဒီးမၤသးမံသးမုာ် ပှၤလၢအလိၣ်ဘၣ်တၢ်တဖၣ်ဒီး, အန့ၣ်တစုတၢ်ခံးတၢ်နၤ အိၣ်ဝးတရံးသုတဖၣ်ကဘိးကဒါကွံာ်အသးဆူမုၢ်ထူၣ်အတၢ် ကပီၤန့ၣ်လီၤ.

လံာ်ယၡါယၤ 58:8

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယၡါယၤ 66:11

သုကမုာ်လၤသးခုဘၣ်လၢအတၢ်ဘီၣ်ထီၣ်ညီထီၣ်အဃိ, ဒ်ဖိသၣ်တဂၤလၢအအီအမိၢ်အနုၢ်ထံအသိးန့ၣ်လီၤ.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယဃ့းစက့လး 10:4

ယွၤအိၣ်ဝဲဆိးဝဲအတၢ်ကပီၤဆဲးကပြုၢ်ကပြီၤဟဲထီၣ်ဝဲလၢတၢ် ဘၣ်တ့တဖၣ်အအိၣ်, ဒီးသုးဘူးအသးဆူယွၤအတၢ်လုၢ်ဟံၣ် အကျဲစၢၤန့ၣ်လီၤ. ဝံၤဒီး, တၢ်အၢၣ်မၤပှဲၤယွၤအတၢ်လုၢ်ဟံၣ်, ဒီးဂၢၤန့ၣ်ဆဲးကပြုၢ်ဝဲဒီးတၢ်ကပီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:23

ဒီးစီၤမိၤၡ့ဒီးစီၤအၤဟရိၣ်လဲၤနုာ်ဆူတၢ်ဘူၣ်ထီၣ်ဘါထီၣ်ယွၤအဒဲပူၤ, ဒီးဖဲအဝဲသ့ၣ်ဟဲက့ၤထီၣ်ဝဲန့ၣ်ဆိၣ်ဂ့ၤဝဲပှၤဂီၢ်မုၢ်ခဲလၢာ်လီၤ. ဒီးယွၤအိၣ်ဖျါထီၣ်ဝဲဆူပှၤဂီၢ်မုၢ်ခဲလၢာ်န့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်တၢ်ဂံၢ် 16:19

အန့ၣ်ဝံၤဒီးစီၤကိၤရးပာ်ဖှိၣ်ထီၣ်ကမျၢၢ်ဒီဒူၣ်ဒီထၢ, ဒီးအဝဲသ့ၣ်ဆၢထၢၣ်ဃၣ်အမဲာ်သၣ်ဆူစီၤမိၤၡ့ဒီးစီၤအၤဟရိၣ် အအိၣ်ဖဲဒဲစီဆှံအကျဲစၢၤန့ၣ်လီၤ. သတူၢ်ကလာ်န့ၣ်ယွၤအိၣ်ဝဲအတၢ်ကပြုၢ်ကပြီၤအိၣ်ဖျါထီၣ်ဆူ ကမျၢၢ်ဒီဒူၣ်ဒီထၢ,

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 23:19

ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.

လံာ်မးသဲ 23:24

ပှၤဆှၢတၢ်လၢအမဲာ်ဘျီၣ်သ့ၣ်ဧၢ, သုပှံၢ်ကွံာ်တၢ်ဖိဃၢ်လၢသုထံအီ အပူၤ, ဘၣ်ဆၣ်ဒီးသုယူၢ်လီၤကွံာ်ကီၤလၤအူးဒီဒုညါလီၤ.

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 8:55

သုတသ့ၣ်ညါတ့ၢ်အီၤနီတစုဘၣ်. မ့မ့ၢ်ယဲဒၣ်ယသ့ၣ်ညါ အီၤလီၤ. ယမ့ၢ်စံးလၢယတသ့ၣ်ညါအီၤဘၣ်ဒီး, ယကကဲထီၣ်ပှၤလီတၢ်ဒ်သုဝဲအသိးလီၤ. ဘၣ်ဆၣ်ယသ့ၣ်ညါ အီၤဒီးယဒိကနၣ်အကလုၢ်ကထါလီၤ.

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

မၤတၢ် 17:23

အဂ့ၢ်ဒ်အံၤ, ဖဲယဟးလၢသုဝ့ၢ်ပူၤဒီးကွၢ်သုတၢ်ဘူၣ်တၢ်ဘါအလီၢ် တဖၣ်န့ၣ်, ယထံၣ်တၢ်လုၢ်လီၢ်တတီၤလၢတၢ်ကတိၤအိၣ်ကွဲးအသး လၢအဖီခိၣ်, ‘ကစၢ်ယွၤလၢတၢ်တသ့ၣ်ညါအီၤတဂၤအဂီၢ်’ န့ၣ်လီၤ. လၢတၢ်န့ၣ်အဃိ, ယွၤလၢသုဘူၣ်ထီၣ်ဘါထီၣ်ဒီးသုတသ့ၣ်ညါအီၤဒၣ်လဲာ်တဂၤန့ၣ်, ယစံၣ်တဲၤတဲလီၤန့ၢ်သုလၢအဂ့ၢ်ခဲကနံၣ်အံၤလီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.