လံာ်ယၡါယၤ 60:10 - Sgaw Karen Common Bible

¹⁰ ယွၤစံးဘၣ်ဝ့ၢ်ယရူၤၡလ့ၣ်, “ပှၤတခီဘီမုၢ်ဖိတဖၣ်ကသူၣ်ထီၣ်ဘှီထီၣ်က့ၤ နဝ့ၢ်ခိၣ်ဒူတဖၣ် ဒီးအဝဲသ့ၣ်အစီၤပၤတဖၣ်ကမၤ နတၢ်ခ့တၢ်ပှၤအတၢ်မၤလီၤ. လၢယတၢ်သးထီၣ်အပူၤယစံၣ်ညီၣ်တ့ၢ်နၤလီၤ. ဘၣ်ဆၣ်ခဲအံၤယကဒုးနဲၣ်နၤယတၢ်ကွၢ်မဲာ်ဒီး တၢ်သးကညီၤနၤလီၤ.

လံာ်ယၡါယၤ 60:10 Iomraidhean Croise

စံးထီၣ်ပတြၢၤ 102:13

နကဂဲၤဆၢထၢၣ်ဒီးသူၣ်ကညီၤသးကညီၤစံယိၣ်လီၤ. အဂ့ၢ်ဒ်အံၤ, တၢ်ဆၢကတီၢ်လၢနသ့ၣ်ပာ်လၢ နကသူၣ်ကညီၤသးကညီၤအီၤန့ၣ်ဘၣ်လံ.

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 61:5

ယပှၤဂီၢ်မုၢ်သ့ၣ်ဧၢ, ပှၤတခီဘီမုၢ်ဖိတဖၣ်ကမၤတၢ်ခ့တၢ်ပှၤ အတၢ်မၤလၢသုဂီၢ်လီၤ. အဝဲသ့ၣ်ကအံးထွဲကွၢ်ထွဲသုသိအဖုတဖၣ် ဒီးထူသုစံာ်သုပှဲၤဒီးကတဲာ်ကတီၤသုစပံးလီၢ်တဖၣ်လီၤ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယၡါယၤ 66:21

ယကဒုးကဲထီၣ်အဝဲသ့ၣ်တနီၤလၢပှၤလုၢ်တၢ်အဒိၣ်တဖၣ်ဒီး ပှၤလ့ၤဝံဖိတဖၣ်န့ၣ်လီၤ.

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်စကၤရယၤ 6:15

ပှၤတဖၣ်လၢအအိၣ်ဖးယံၤန့ၣ်ကဟဲဒီး မၤတၢ်လၢတၢ်ဘှီထီၣ်ကဒါက့ၤယွၤအတၢ်လုၢ်ဟံၣ်အဂီၢ်လီၤ. ဒီးဖဲတၢ်ဘှီထီၣ်ကဒါက့ၤအီၤန့ၣ်, သုကသ့ၣ်ညါလၢသ့တၢ်လၢာ်ယွၤမၢလီၤယၤဆူသုအိၣ်လီၤ. တၢ်အံၤခဲလၢာ်ကမၤအသးဖဲလၢသုစူၢ်ယွၤ, သုကစၢ်ယွၤအ ကလုၢ်လၢလၢပှဲၤပှဲၤအခါန့ၣ်လီၤ.”

လံာ်လီၣ်ဖျါ 21:24

ပှၤကလုာ်လၢဟီၣ်ခိၣ်ချၢတဖၣ်ကလဲၤတၢ်လၢအဝဲအတၢ် ကပီၤလီၤ. ဒီးဟီၣ်ခိၣ်အစီၤပၤတဖၣ်ကဟဲစိာ်အတၢ်ထူး တၢ်တီၤဆူအဝဲဒၣ်အပူၤလီၤ.

လံာ်လီၣ်ဖျါ 21:26

ထံဧိၤကီၢ်ဧိၤတဖၣ်အတၢ်ဒိၣ်တၢ်မုၢ်ဒီးအတၢ်ထူးတၢ်တီၤန့ၣ်, ကဘၣ်တၢ်ဟဲစိာ်နုာ်အီၤဆူဝ့ၢ်အပူၤလီၤ.