လံာ်ယၡါယၤ 6:9 - Sgaw Karen Common Bible

⁹ အန့ၣ်ဒီး, အဝဲစံးဘၣ်ယၤလၢယကလဲၤဒီးစံးဘၣ်တဲဘၣ် အပှၤဂီၢ်မုၢ်လၢတၢ်ကစီၣ်အအံၤ, “သုဒိကနၣ်ထဲလဲၣ်ထဲလဲၣ် နာ်က့, သုတနၢ်ပၢၢ်ဘၣ်. သုကွၢ်ထံတၢ်ထဲလဲၣ်ထဲလဲၣ်နာ်က့, သုတသ့ၣ်ညါတၢ်လၢအမၤအသးတဖၣ်ဘၣ်.”

လံာ်ယၡါယၤ 6:9 Iomraidhean Croise

တၢ်ကတိၤဒိ. 28:5

ပှၤအၢပှၤသီတဖၣ်တသ့ၣ်ညါတၢ်စံၣ်ညီၣ်တီဘၣ်. မ့မ့ၢ်ပှၤလၢအဘူၣ်ထီၣ်ဘါထီၣ်ယွၤန့ၣ်, သ့ၣ်ညါဝဲဂ့ၤဂ့ၤလီၤ.

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်ယံးရမံယၤ 5:21

သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်ဟိၤၡ့ 1:9

ယွၤတဲဘၣ်စီၤဟိၤၡ့, ကိးအမံၤလၢစီၤလိၤဧၣ်မံၤတက့ၢ်. အဂ့ၢ်ဒ်အံၤ, ပှၤအံၣ်စရ့လးဖိတမ့ၢ်ယပှၤဂီၢ်မုၢ်ဘၣ် ဒီးယဲစ့ၢ်ကီးယတမ့ၢ်အကစၢ်ယွၤဘၣ်.

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

ရိမ့ၤ 11:8

ဒ်တၢ်ကွဲးအသးစံးဝဲအသိး, “ကစၢ်ယွၤဟ့ၣ်အဝဲသ့ၣ်လၢ တၢ်သူၣ်ဃၢသးဃၢဒီးတုၤမုၢ်မဆါတနံၤအံၤန့ၣ်အဝဲသ့ၣ် တထံၣ်တၢ်လၢအမဲာ်ချံဒီးတနၢ်ဟူတၢ်လၢအနၢ်ဒၣ်ဝဲဘၣ်.”

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.