လံာ်ယၡါယၤ 6:6 - Sgaw Karen Common Bible

⁶ အန့ၣ်ဒီး, စ့ရၤဖးတဖၣ်အကျါတဂၤယူၤလီၤဝဲဆူယအိၣ်, စိာ်ဝဲဒီးမ့ၣ်အူ ကဖးတကိၢ်လိၣ်လၢအဟံးန့ၢ်ဝဲလၢတၢ်လုၢ်လီၢ်ခီဖျိနီၣ်တံာ်လီၤ.

လံာ်ယၡါယၤ 6:6 Iomraidhean Croise

လံာ်တၢ်ဟးထီၣ်ကွံာ် 25:38

မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်.

လံာ်ယၡါယၤ 6:2

စ့ရၤဖးတဖၣ်ဆၢထၢၣ်ဝးတရံးအီၤတဂၤအိၣ်ဒီးအဒံးဆ့ ဃုဘ့ၣ်စုာ်စုာ်လီၤ. မၤဘၢအမဲာ်ခံဘ့ၣ်, ဒီးအနီၢ်ခိခံဘ့ၣ်ဒီးအဂၤခံဘ့ၣ်န့ၣ်သူဝဲလၢကယူၤဝဲအဂီၢ်လီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဂံၢ် 16:46

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်နသပၢၤမ့ၣ်အူ, ဒၢနုာ်မ့ၣ်အူအ့ၣ်တဖၣ်လၢနမၤန့ၢ်လၢတၢ်လုၢ်လီၢ်န့ၣ် အပူၤဒီးပာ်ထီၣ်တၢ်နၢမူတနီၤလၢအဖီခိၣ်တက့ၢ်. အန့ၣ်ဝံၤဒီးလဲၤစိာ်အီၤချ့ချ့ဆူပှၤဂီၢ်မုၢ်အအိၣ်ဒီးမၤ တၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢအဝဲသ့ၣ်အဂီၢ်တက့ၢ်. မၤချ့ချ့တက့ၢ်. ယွၤအတၢ်သးဒိၣ်ဖျိးထီၣ်ဝဲလံဒီးတၢ်သံ သတြိာ်တမံၤစးထီၣ်မၤအသးလံ.”

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

မၤတၢ် 2:3

အန့ၣ်ဒီးအဝဲသ့ၣ်ထံၣ်ဝဲမ့ၣ်အူလၣ်လၢအလီၤဂာ်ဒီးတၢ်အပျ့ၤ တဖၣ်ရၤလီၤအသး, ဒီးထိးဘၣ်ပှၤအိၣ်ဖဲန့ၣ်တဂၤဘၣ်တဂၤစုာ်စုာ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 1:7

ဘၣ်ဃးဒီးကလူးတဖၣ်န့ၣ်ကစၢ်ယွၤစံးဝဲ, “ကစၢ်ယွၤဒုးကဲထီၣ်အကလူးတဖၣ်လၢကလံၤ, ဒီးအခ့အပှၤလၢမ့ၣ်အူလၣ်တဖၣ်လီၤ.”

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.