လံာ်ယၡါယၤ 6:5 - Sgaw Karen Common Bible

⁵ ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယၡါယၤ 6:5 Iomraidhean Croise

လံာ်တၢ်ကဲထီၣ်အခီၣ်ထံး 32:31

မုၢ်ဟဲထီၣ်တ့ၢ်လံဖဲစီၤယၤကိာ်ဟးထီၣ်လၢပနံၤအ့လးလီၤ. ဒီးအဝဲဟးတကျဲၢ်တကျဲၢ်လၢအကံၣ်ဒုၣ်အဆၢလီၤတလံာ်အဃိလီၤ.

စံးထီၣ်ပတြၢၤ 24:10

စီၤပၤဖးဒိၣ်တဂၤအံၤမ့ၢ်မတၤလဲၣ်. ယွၤလၢအမၤနၢၤတၢ်, အဝဲမ့ၢ်စီၤပၤဖးဒိၣ်န့ၣ်လီၤ. စ့လၤ

လံာ်တၢ်ဟးထီၣ်ကွံာ် 24:10

ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်တၢ်ဟးထီၣ်ကွံာ် 4:10

တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်တၢ်ဟးထီၣ်ကွံာ် 6:12

ဒီးစီၤမိၤၡ့စံးဆၢဝဲဒၣ်, “ပှၤအံၣ်စရ့လးဖိတဖၣ်ဒၣ်လဲာ် တဒိကနၣ်ယကလုၢ်ဘၣ်. ဒီးကီၢ်အဲၤကူပတူးအစီၤပၤကကနၣ် ယကလုၢ်ဒ်လဲၣ်. အဂ့ၢ်ဒ်အံၤယမ့ၢ်ပှၤလၢအကတိၤတၢ်တသ့ ဘၣ်တဂၤအဃိန့ၣ်လီၤ.”

လံာ်တၢ်ဟးထီၣ်ကွံာ် 6:30

ဘၣ်ဆၣ်စီၤမိၤၡ့စံးဆၢဝဲဒၣ်, “နသ့ၣ်ညါလၢယမ့ၢ်ပှၤလၢအကတိၤတၢ်တသ့ဘၣ်တဂၤလီၤ. ဒီးစီၤပၤကကနၣ်ယကလုၢ်ဒ်လဲၣ်.”

လံာ်ယၡါယၤ 24:16

လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 33:17

မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ဒၤနံးယ့လး 9:20

ယဘါထုကဖၣ်ဆူညါ, အၢၣ်လီၤယတၢ်ဒဲးဘးဒီးယပှၤဂီၢ် မုၢ်အံၣ်စရ့လးအတၢ်ဒဲးဘးတဖၣ်ဒီးဃ့ကညးယွၤ, ယကစၢ်ယွၤလၢကမၤအိၣ်ထီၣ်က့ၤအတၢ်လုၢ်ဟံၣ်စီဆှံန့ၣ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်တၢ်ဂံၢ် 17:12

ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”

လံာ်ပှၤစံၣ်ညီၣ်ကွီၢ် 13:22

စီၤမၤနိစံးဘၣ်အမါ, “ပကသံသပှၢ်တၢၢ်လီၤ. အဂ့ၢ်ဒ်အံၤ, ပထံၣ်ဘၣ်တ့ၢ်ကစၢ်ယွၤလံ.”

လံာ်ပှၤစံၣ်ညီၣ်ကွီၢ် 6:22

တုၤနုၤတစု, စီၤကံးဒဧိၣ်သ့ၣ်ညါလီၤတံၢ်ဝဲလၢအထံၣ်ဘၣ်လံယွၤအကလူးန့ၣ်ဒီး စံးဝဲဒၣ်လၢတၢ်ပျံၤတၢ်ဖုးဖးဒိၣ်အပူၤ, “သ့တၢ်လၢာ်ကစၢ်, ယွၤဧၢ, ယထံၣ်ဘၣ်လံနကလူးမဲာ်သကိးမဲာ်လံ.”