လံာ်ယၡါယၤ 6:11 - Sgaw Karen Common Bible

¹¹ ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 6:11 Iomraidhean Croise

စံးထီၣ်ပတြၢၤ 74:10

ကစၢ်ယွၤဧၢ, ပဒုၣ်ပဒါသ့ၣ်တဖၣ် ကနံၤဘၣ်ဖၣ်လဲနၤဆံးယံာ်လဲၣ်. မ့ၢ်အဝဲသ့ၣ်ကကတိၤတရီတပါနမံၤထီဘိဧါ.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

စံးထီၣ်ပတြၢၤ 94:3

ပှၤတတီတလိၤကသူၣ်ဖှံသးညီယံာ်ထီၣ် ဒံးဆံးယံာ်လဲၣ်. ယွၤဧၢ, ဆံးယံာ်ဒံးလဲၣ်.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 13:12

ပှၤလၢအအိၣ်တ့ၢ်ဒံးတဖၣ်အနီၣ်ဂံၢ်ကစှၤဝဲဒီးကကၤ ဒိၣ်န့ၢ်ဒံးထူတက့ၢ်လီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 3:8

မ့ၢ်လီၤ. ဝ့ၢ်ယရူၤရှလ့ၣ်ဘၣ်တၢ်စံၣ်ညီၣ်ဃါမနၤလီၤ. ကီၢ်ယူဒၤကလီၤပှီၢ်ဝဲလီၤ. ကယဲၢ်တၢ်လၢအဝဲသ့ၣ်စံးဝဲဒီး မၤဝဲန့ၣ်မ့ၢ်တၢ်ထီဒါယွၤလီၤ. အဝဲသ့ၣ်ကတိၤတရီတပါယွၤ အကစၢ်ဒၣ်ဝဲဖျိဖျိဖျါဖျါလီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယၡါယၤ 35:1

မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 5:9

ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယၡါယၤ 60:15

နတဘၣ်တၢ်လဲၤသဒၣ်ကွံာ်နၤဒီးဘၣ်တၢ်သးဟ့နၤ, နတမ့ၢ်ဝ့ၢ်တဝ့ၢ်လၢအဘၣ်တၢ် ညိကွံာ်အီၤဒီးအိၣ်သယုၢ်သညိနီတစုလၢၤဘၣ်. ယကဒုးကဲထီၣ်နၤလၢဝ့ၢ်ဖးဒိၣ်ဒီးဃံလၤတဝ့ၢ်, တၢ်သးခုအလီၢ်တပူၤအစိၤစိၤအဃၣ်ဃၣ်န့ၣ်လီၤ.

လံာ်ယၡါယၤ 64:10

နဝ့ၢ်စီဆှံတဖၣ်လီၤဂာ်ဒီးမဲးမုၢ်ခိၣ်တပူၤ, ဒီးဝ့ၢ်ယရူၤၡလ့ၣ်မ့ၢ်တၢ် ဟးဂီၤလီၤဃီအလီၢ်တပူၤ,

လံာ်ယံးရမံယၤ 22:6

လၢယဂီၢ်န့ၣ်, ကီၢ်ယူဒၤအစီၤပၤအနူၢ်ဧိၤစီၤဧိၤအံၤ ဃံဝဲလၤဝဲဒ်ကီၢ်ကံးလဧးဒီးဒ်လဘၤနိၣ်အကစၢၢ်ကလိတဖၣ် အသိးန့ၣ်လီၤ. ဘၣ်ဆၣ်ဒီးယကဒုးကဲထီၣ်အီၤလၢတၢ်လီၢ် အိၣ်သယုၢ်သညိတတီၤဖဲပှၤတအိၣ်တဆိးဝဲနီတဂၤဘၣ်န့ၣ်လီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 44:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, “သုကစၢ်ဒၣ် သုဝဲသုထံၣ်တ့ၢ်တၢ်ဟးဂီၤလၢ ယဒုး ဘၣ်ဝ့ၢ်ယရူၤၡလ့ၣ်, ဒီးလၢဝ့ၢ်အဂၤတဖၣ်လၢ ကီၢ်ယူ ဒၤအပူၤလီၤ. တုၤလၢအခဲအံၤဒၣ်လဲာ် အိၣ်ဒံးဒၣ်လၢ တၢ်ဟးဂီၤအပူၤဒီး ပှၤတအိၣ်လၢ အပူၤနီတဂၤဘၣ်.

လံာ်ယံးရမံယၤ 52:27

လၢဃမါသးအလီၢ်ကဝီၤပူၤန့ၣ်လီၤ. ဖဲန့ၣ်, စီၤပၤမၢပှၤဒိအီၤ တီၢ်အီၤဒီးမၤသံအီၤလီၤ. လၢတၢ်န့ၣ်အဃိ, ကီၢ်ယူဒၤအပှၤဂီၢ်မုၢ်ဘၣ်တၢ်စိာ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ် အပူၤန့ၣ်လီၤ.

လံာ်ယဃ့းစက့လး 6:6

ကီၢ်အံၣ်စရ့လးအဝ့ၢ်ခဲလၢာ်ကဘၣ်တၢ်မၤဟးဂီၤကွံာ်အီၤဒ်သိး အဝဲသ့ၣ်အတၢ်လုၢ်လီၢ်ခဲလၢာ်ဒီးအတၢ်ဂီၤတၢ်ဖီၣ်တဖၣ်ကဘၣ်တၢ်တိၢ် သဘှံးအီၤဆူအက့အခီတဖၣ်, အဝဲသ့ၣ်အတၢ်လုၢ်ထီၣ်တၢ်နၢမူအလီၢ်တဖၣ်ကဘၣ်တၢ်မၤဟးဂီၤလီၤ ကလဲကွံာ်အီၤ, ဒီးတၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်ကလီၤမၢ်ကွံာ်ဝဲအဂီၢ် န့ၣ်လီၤ.”

လံာ်ဒၤနံးယ့လး 8:13

အန့ၣ်ဝံၤဒီး, ယနၢ်ဟူတ့ၢ်မူခိၣ်ကလူးတဂၤသံကွၢ်အဂၤတဂၤ, “မ့ၢ်တၢ်တဖၣ်အံၤလၢတၢ်ထံၣ်အီၤလၢညါခီအပူၤန့ၣ်ကမၤ ဒံးအသးဆူညါဆံးယံာ်လဲၣ်. မ့ၢ်တၢ်ဒဲးဘးလီၤပျံၤလီၤဖုး နးမးတမံၤဟံးန့ၢ်တၢ်လုၢ်တၢ်ပာ်ကိးနံၤဒဲးအလီၢ်အံၤကယံာ် ဒံးဆံးယံာ်လဲၣ်. မ့ၢ်မူခိၣ်အသုးမုၢ်ဒီးတၢ်လုၢ်ဟံၣ်ကဘၣ်တၢ် ယီၢ်တံၢ်အီၤဆံးယံာ်ဒံးလဲၣ်.”

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်မံကၤ 5:11

ယကမၤဟးဂီၤကွံာ်ဝ့ၢ်ဒိၣ်ဝ့ၢ်ထီတဖၣ်လၢသုကီၢ်ပူၤ ဒီးမၤလီၤပှီၢ်ကွံာ်သုတိာ်ဧိၤတာ်ဧိၤခဲလၢာ်လီၤ.

လံာ်မံကၤ 6:13

မၤသးဒ်န့ၣ်ဒီးယစးထီၣ်မၤတ့ၢ်သုတၢ်ဟးဂီၤဒီးတၢ်လီၤပှီၢ်လၢ သုတၢ်ဒဲးဘးတဖၣ်အဃိလီၤ.

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်သိၣ်လီၤသီလီၤတၢ် 28:62

သုမ့ၢ်အါထီၣ်ဂီၢ်ထီၣ်ဝဲဒ်ဆၣ်တဖၣ်လၢမူကပိာ်လိၤဒၣ်လဲာ်, ထဲပှၤလၢသုကျါစှၤဂၤဧိၤကအိၣ်မူတ့ၢ်ဝဲ, မ့ၢ်လၢသုတစူၢ်ဘၣ်ယွၤ, သုကစၢ်ယွၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.