လံာ်ယၡါယၤ 59:6 - Sgaw Karen Common Bible

⁶ ဘၣ်ဆၣ်ဒီးသုတၢ်ကူၣ်အၢကူၣ်သီတဖၣ်န့ၣ်, တမၤဂ့ၤသုနီတမံၤ ဘၣ်. အဝဲသ့ၣ်န့ၣ်အသူတဂိာ်ဘၣ်, ဒ်သိးဒၣ်တၢ်ကူတၢ်ကၤလၢအဘၣ်တၢ်ထါအီၤဒီးကပီၤလုၤတဖၣ်န့ၣ်လီၤ.

လံာ်ယၡါယၤ 59:6 Iomraidhean Croise

လံာ်တၢ်ကဲထီၣ်အခီၣ်ထံး 6:11

ဒီးကယဲၢ်ပှၤအဂၤခဲလၢာ်န့ၣ်မ့ၢ်ထဲပှၤအၢပှၤသီလၢကစၢ်ယွၤအတၢ်ထံၣ် အပူၤန့ၣ်လီၤ. ဒီးတၢ်မၤတၢ်လၢတၢ်စုဆူၣ်ခီၣ်တကးသ့ၣ်တဖၣ်ရၤလီၤအသး သကုၤဆးဒးလီၤ.

လံာ်စီၤယိၤဘး 16:17

မ့မ့ၢ်တၢ်စုဆူၣ်ခီၣ်တကးအတၢ်မၤတအိၣ်ဘၣ်လၢယစုပူၤနီတမံၤ ဘၣ်. ဒီးယတၢ်ထုကဖၣ်န့ၣ်ကဆှီဝဲလီၤ.

စံးထီၣ်ပတြၢၤ 55:11

တၢ်ဟးဂူာ်ဟးဂီၤအိၣ်လၢလီၢ်ကိးပူၤဒဲးဒီး တၢ်မၤအၢတၢ်ဒီးတၢ်လီတၢ်န့ၣ်, တဟးဖးဘၣ်ဒီးအဖၠါပူၤဘၣ်.

စံးထီၣ်ပတြၢၤ 58:2

တမ့ၢ်ဘၣ်, သုဆိကမိၣ်ထဲတၢ်အၢလၢသုသးကံၢ်ပူၤ, သုစုဟ့ၣ်လီၤတၢ်မၤဆူၣ်လၢဟီၣ်ခိၣ်ချၢလီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 57:12

သုဆိကမိၣ်လၢတၢ်လၢသုမၤန့ၣ်ဘၣ်လီၤ. ဘၣ်ဆၣ်ဒီးယကမၤဖျါသုသကဲာ်ပဝး, ဒီးသုတၢ်ဂီၤတၢ်ဖီၣ်တဖၣ်မၤစၢၤသုတမ့ၢ်ကသ့ဘၣ်န့ၣ်လီၤ.

လံာ်ယၡါယၤ 58:4

သုတၢ်ဒုၣ်တၢ်အီၣ်တၢ်အီဒုးကဲထီၣ်သုလၢပှၤမၤဆူၣ်မၤစိးတၢ် ဒီးသုအ့ၣ်လိာ်ဆိးက့လိာ်သုသး, ဒီးထိလိာ်သုသးလၢသုစု ခိၣ်န့ၣ်လီၤ. မ့ၢ်သုဆိကမိၣ်လၢတၢ်ဒုၣ်တၢ်အီၣ်တၢ်အီဒ်အံၤ တကလုာ်ကမၢယဒိကနၣ်သုတၢ်ထုကဖၣ်န့ၣ်ဧါ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 7:11

တၢ်မၤဆူၣ်မၤစိးဒုးဒိၣ်ထီၣ်အါထီၣ်တၢ်အၢတၢ်သီန့ၣ်လီၤ. အဝဲသ့ၣ်အတၢ်ထူးတၢ်တီၤ, အတၢ်ဃံဒိၣ်လၤဒိၣ်, အတၢ်လၤကပီၤလၢအမ့ၢ်အဝဲသ့ၣ်အတၢ်တဖၣ်န့ၣ်, တအိၣ်လီၤတဲာ်နီတမံၤလၢၤဘၣ်.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်ဧၤမိၣ် 6:3

သုဂ့ၢ်လိာ်လၢသုကတူၢ်လိာ်တၢ်အၢတၢ်သီအမုၢ်တနံၤန့ၣ်ဘၣ်ဆၣ် ဒီး, တၢ်လၢသုမၤန့ၣ်ဟဲစိာ်ဒၣ်မုၢ်တနံၤန့ၣ်အတၢ်ဘူးထီၣ်လီၤ.

လံာ်မံကၤ 2:8

ယွၤစံးဝဲ, “သုဒုးတၢ်ထီဒါယပှၤဂီၢ်မုၢ်ဒ်ဒုၣ်ဒါတဖၣ်အသိးလီၤ. ပှၤဟဲက့ၤလၢတၢ်ဒုးတဖၣ်, ဆိကမိၣ်ဝဲတၢ်ပူၤဖျဲးအိၣ်လၢဟံၣ် လီၤ. ဘၣ်ဆၣ်သုခိးတၢ်ဖဲန့ၣ်ဒ်သိးသုကဂုာ်န့ၢ်အတၢ်ကူ တၢ်သိးတဖၣ်လၢအလိၤလီၤ.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်စဖါနယၤ 1:9

ယကစံၣ်ညီၣ်ကယဲၢ်ပှၤလၢအဘူၣ်ထီၣ်ဘါထီၣ် တၢ်ဒ်ပှၤဘါတၢ်ဂီၤတၢ်ဖီၣ်တဖၣ်အသိး, ဒီးပှၤလၢအဟုၣ်တၢ်ဒီးမၤသံတၢ်ဒ်သိးအကမၤပှဲၤအကစၢ်အဟံၣ်လၢ အတၢ်ဂုာ်န့ၢ်တဖၣ်န့ၣ်လီၤ.”

လံာ်စဖါနယၤ 3:1

ဝ့ၢ်ယရူၤၡလ့ၣ်လၢအတတီတတြၢ်, ပူထီၣ်လီထီၣ်ဒီးမၤနးမၤဖှီၣ်အပှၤဂီၢ်မုၢ်ဒၣ်ဝဲန့ၣ်ဘၣ်တၢ် စံၣ်ညီၣ်ဃါမနၤလီၤ.

လံာ်မၤလကံ 2:16

ယွၤအံၣ်စရ့လးအကစၢ်ယွၤစံးဝဲ, “ယသးဟ့တၢ်ပာ်မၢ်လိာ်သးလီၤ. ယသးဟ့တၢ်အံၤ, ဖဲသုဝဲတဂၤဂၤမၤတၢ်အအၢအသီဒ်သိးအံၤဆူအမါန့ၣ်လီၤ. ပလီၢ်သုသးဒ်သိး, သုသုတမၤဟးဂီၤကွံာ်သုတၢ်အၢၣ်လီၤ အီလီၤလၢသုကတီဒီးသုမါအဂီၢ်န့ၣ်တက့ၢ်.”