လံာ်ယၡါယၤ 59:21 - Sgaw Karen Common Bible

²¹ ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 59:21 Iomraidhean Croise

စံးထီၣ်ပတြၢၤ 119:43

ဒုးစံးဒုးကတိၤယၤတၢ်တီတၢ်လိၤ ကိးဆၢကတီၢ်ဒဲးန့ၣ်တက့ၢ်. အဂ့ၢ်ဒ်အံၤ, ယတၢ်မုၢ်လၢ်အိၣ်လၢ နတၢ်စံၣ်ညီၣ်တဖၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

တၢ်ကတိၤဒိ. 7:3

ဟံးဃာ်ယတၢ်သိၣ်လိဒီးနၤတထံၣ်ဃီဒီးကွဲးလီၤအီၤလၢနသး အလိၤတက့ၢ်.

လံာ်ယၡါယၤ 32:15

ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယၡါယၤ 40:8

မ့ၢ်လီၤ. နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံး လီၤဘဲဝဲလီၤ. မ့မ့ၢ်ပကစၢ်ယွၤအကလုၢ်အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ.”

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယိၤဟၣ် 1:33

အဝဲဒၣ်မ့ၢ်မတၤလဲၣ်န့ၣ်ယတသ့ၣ်ညါယဲဒံးဘၣ်. မ့မ့ၢ်ကစၢ်ယွၤလၢအမၢလီၤယၤလၢယကဘျၢတၢ်လၢထံကျါ တဂၤန့ၣ်, စံးဘၣ်တ့ၢ်ယၤ, ‘နကထံၣ်ဘၣ်ယွၤအသးဟဲလီၤလၢပှၤ တဂၤအလိၤဒီးအဝဲတဂၤအံၤကဘျၢတၢ်လၢသးစီဆှံန့ၣ်လီၤ.’

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

လံာ်ယိၤဟၣ် 8:38

ယကတိၤတၢ်ဘၣ်ဃးတၢ်လၢယပၢ်ဒုးနဲၣ်တ့ၢ်ယၤ, မ့မ့ၢ်သုမၤတၢ်လၢသုပၢ်စံးဘၣ်တ့ၢ်သုန့ၣ်လီၤ.”

ရိမ့ၤ 11:27

ယကမၤတၢ်အၢၣ်လီၤအီလီၤအံၤဒီးအဝဲသ့ၣ်, ဖဲယဟံးထီၣ်ကွံာ်အဝဲသ့ၣ်အတၢ်ဒဲးဘးတဖၣ်န့ၣ်လီၤ.”

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

၂ ကရံၣ်သူး 3:8

တၢ်လၤကပီၤလၢအဘၣ်ဃးဒီးယွၤအသးအတၢ်ဖံးတၢ်မၤန့ၣ် ကဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ဧ့ၤဘြံၤ 10:16

“အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအဝဲသ့ၣ် လၢမုၢ်နံၤလၢအကဟဲတဖၣ်, ကစၢ်စံးဝဲဒၣ်, ယကဒၢနုာ်ယတၢ်သိၣ်တၢ်သီတဖၣ်လၢ အဝဲသ့ၣ်အသးကံၢ်ပူၤ, ဒီးကွဲးအီၤလၢအဝဲသ့ၣ်အခိၣ်နူာ်အလိၤလီၤ.”