လံာ်ယၡါယၤ 59:19 - Sgaw Karen Common Bible

¹⁹ လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 59:19 Iomraidhean Croise

စံးထီၣ်ပတြၢၤ 113:3

မ်ယွၤအမံၤဘၣ်တၢ်စံးထီၣ်ပတြၢၤအီၤ, လၢမုၢ်ထီၣ်တုၤဆူမုၢ်နုာ်န့ၣ်တက့ၢ်.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

လံာ်ယၡါယၤ 30:27

ယွၤအစိကမီၤဒီးအလၤကပီၤဘၣ်တၢ်ထံၣ်န့ၢ်အီၤလၢအယံၤ သ့လီၤ. မ့ၣ်အူဒီးမ့ၣ်အူလုၣ်ဒုးနဲၣ်အတၢ်သးကဲၤထီၣ်လီၤ. အဝဲကတိၤတၢ်, ဒီးအတၢ်ကတိၤတဖၣ်အီၣ်ကွံာ်တၢ်ဒ်မ့ၣ် အူအသိးလီၤ.

လံာ်ယၡါယၤ 30:28

အဝဲမၢလီၤကလံၤလၢအမဲာ်ညါဒ်ထံဒိၣ်ဘၢတၢ်လၢအစိာ် ကွံာ်တၢ်ခဲလၢာ်အသိးန့ၣ်လီၤ. ကလံၤအံၤအူပျီကွံာ်ပှၤ ကလုာ်တဖၣ်ဆူတၢ်ဟးဂီၤအပူၤဒီးအဝဲသ့ၣ်အတၢ်ကူၣ်ကျဲၤ အၢသီတဖၣ်ကတၢၢ်ကွံာ်ဝဲန့ၣ်လီၤ.

လံာ်ယၡါယၤ 45:6

ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယၡါယၤ 8:7

ယၤ, ယွၤအံၤ, ယကမၢလီၤကီၢ်အၤၡူၢ်အစီၤပၤဖးဒိၣ်ဒီးအသုးမုၢ် သံၣ်ဘိခဲလၢာ်လၢကဒုးကီၢ်ယူဒၤလီၤ. အဝဲသ့ၣ်ကလဲၤထီၣ်ဝဲဒ်ထံကျိဖရၤ သးအထံဒိၣ်ခိၣ်ယွၤဒီးလုၣ်ဘၢ ကွံာ်ကယဲၢ်အထံကၢၢ်နံၤခဲလၢာ်အသိးန့ၣ်လီၤ.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်မံကၤ 7:17

အဝဲသ့ၣ်ကစွါဝဲလၢဖၣ်ကမူၣ်အကျါဒ်ဂုၢ်တဖၣ်အသိး, ကဟဲထီၣ်လၢအတိာ်ဧိၤတာ်ဧိၤတဖၣ်အပူၤလၢတၢ် ကနိးကစုာ်ဒီးတၢ်ပျံၤတၢ်ဖုးအပူၤလီၤ. အဝဲသ့ၣ်ကဃၣ်အသးဆူ ယွၤ, ပကစၢ်ယွၤအအိၣ်လၢတၢ်ပျံၤတၢ်ဖုးအပူၤလီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.