လံာ်ယၡါယၤ 59:14 - Sgaw Karen Common Bible

¹⁴ တၢ်စံၣ်ညီၣ်တီဘၣ်တၢ်နီၣ်ထီၣ်ကွံာ်အီၤ, ဒီးတၢ်အလိၤအဘၣ် ဟဲသုးဘူးအသးတသ့ဘၣ်. တၢ်မ့ၢ်တၢ်တီအခီၣ်ဘၣ်တိၢ်လၢ ကမျၢၢ်တၢ်လီၢ်လီၤပျီ, ဒီးတၢ်တီတၢ်လိၤတထံၣ်န့ၢ်အလီၢ်ဖဲန့ၣ် ဘၣ်.

လံာ်ယၡါယၤ 59:14 Iomraidhean Croise

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:11

ပဒိၣ်ပပှၢ်တဖၣ်ဒီးဝ့ၢ်ယံးစရ့လးအထံဖိကီၢ်ဖိလၢအဒိၣ်အထီ တဖၣ်မၤဝဲဒ်နီၢ်အံၤစ့ဘ့ၤလးမၤလိာ်ဝဲအသိးန့ၣ်လီၤ.

စံးထီၣ်ပတြၢၤ 119:150

ပှၤလၢအမၤအၢယၤလၢအအိၣ်ဒီးတၢ်တိာ် အအၢအသီတဖၣ်န့ၣ် သုးဘူးအသး, ဒီးအဝဲသ့ၣ်အိၣ်ယံၤဝဲဒီးနတၢ်သိၣ်တၢ်သီလီၤ.

လံာ်ပှၤစံၣ်တဲၤတဲလီၤတၢ် 3:16

အါန့ၢ်အန့ၣ်, လၢဟီၣ်ခိၣ်အံၤအပူၤယပာ်သူၣ်ပာ်သးစ့ၢ်ကီးလၢ, ဖဲတၢ်စံၣ်ညီၣ်တီဒီးတၢ်အဘၣ်ကြၢးအိၣ်ဝဲအလီၢ်န့ၣ်, တၢ်ထံၣ်န့ၢ်တၢ်တတီတလိၤလီၤ.

လံာ်ယၡါယၤ 1:21

ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယၡါယၤ 59:9

ပှၤဂီၢ်မုၢ်စံးဝဲ, “ဘၣ်မနုၤကစၢ်ယွၤတအုၣ်က့ၤခီၣ်က့ၤပှၤလၢ, ပှၤမၤအၢမၤနးပှၤတဖၣ်အစုပူၤလဲၣ်န့ၣ်, ခဲအံၤပသ့ၣ်ညါလံ. ပမုၢ်လၢ်လၢပကလဲၤတၢ်လၢ တၢ်ကပီၤအပူၤဘၣ်ဆၣ်အိၣ်ဒၣ်ထဲတၢ်ခံးတၢ်နၤဧိၤ,

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 7:28

နကတဲဘၣ်အဝဲသ့ၣ်လၢအဝဲသ့ၣ်အပှၤကလုာ်တစူၢ်ယၤ, ယွၤ, အဝဲသ့ၣ်အကစၢ်ယွၤမ့ၢ်ဂ့ၤ, တမၤလိန့ၢ်တၢ်လၢတၢ်စံၣ်ညီၣ်လၢအဘၣ်အီၤမ့ၢ်ဂ့ၤန့ၣ်လီၤ. တၢ်သူၣ်ထီသးရၤသံလံဝဲလံ. တၢ်တကတိၤလၢအဂ့ၢ်ဒၣ်လဲာ်လၢၤဘၣ်.

လံာ်ဒၤနံးယ့လး 8:12

လၢတၢ်လုၢ်ထီၣ်တၢ်လုၢ်တၢ်ပာ်ကိးနံၤဒဲးဘၣ်ဘျီးဘၣ်ဒါအလီၢ် န့ၣ်ပှၤဂီၢ်မုၢ်မၤတ့ၢ်တၢ်ဒဲးဘးဖဲန့ၣ်ဒီးတၢ်ဘူၣ်တၢ်ဘါအမ့ၢ် အတီန့ၣ်ဘၣ်တၢ်ကွံာ်လီၤအီၤဆူဟီၣ်ခိၣ်လိၤလီၤ. တၢ်အနၢၤန့ၣ် မၤနၢၤတၢ်လၢကယဲၢ်အမၤတ့ၢ်တၢ်တမံၤလၢ်လၢ်အပူၤန့ၣ်လီၤ.

လံာ်ဟိၤၡ့ 7:1

တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်ဧၤမိၣ် 5:7

သုဝဲလၢအဘိးကဒါကွံာ်တၢ်တီတၢ်လိၤဆူတၢ်အခၣ်ဒီးတၢၤကွံာ် တၢ်မ့ၢ်တၢ်တီဆူဟီၣ်ခိၣ်လိၤသ့ၣ်ဧၢ, သုဘၣ်တၢ်စံၣ်ညီၣ်ဃၣ်သုလီၤ.

လံာ်ဧၤမိၣ် 6:12

ကသ့ၣ်တဖၣ်ကဃ့ၢ်လၢလၢၢ်အလိၤစ့ၢ်ကီးဧါ. ပှၤကထဲၣ်ပီၣ်လဲၣ်လၢဂီၤဖံးစ့ၢ်ကီးဧါ. ဘၣ်ဆၣ်သုဘိးကဒါကွံာ်တၢ်စံၣ်ညီၣ်တီဆူတၢ်စုၣ်တၢ်ပျၢ်ဒီးတၢ် အဘၣ်ဆူတၢ်ကမၣ်လီၤ.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.