လံာ်ယၡါယၤ 59:12 - Sgaw Karen Common Bible

¹² ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယၡါယၤ 59:12 Iomraidhean Croise

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

လံာ်စီၤဧ့စြၤ 9:6

ယစံး, “အိ, ကစၢ်ယွၤဧၢ, ယမဲာ်ဆှးတ့ၢ်ဒိၣ်မးလၢယကမိာ်ထီၣ်ယခိၣ်လၢနမဲာ်ညါန့ၣ်လီၤ. ယတၢ်ဒဲးဘးတဖၣ်အိၣ်ဒီကထၢထီၣ်အသးထီန့ၢ်ဒံးပခိၣ်တဖၣ်ဒီး တုၤထီၣ်ထီဝဲထဲသိးမူခိၣ်တဖၣ်န့ၣ်လီၤ.

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

စံးထီၣ်ပတြၢၤ 51:3

အဂ့ၢ်ဒ်အံၤ, ယသ့ၣ်ညါယတၢ်မၤကမၣ်တၢ်တဖၣ်, ဒီးယတၢ်ဒဲးဘးအိၣ်လၢယမဲာ်ညါတထံၣ်ဃီလီၤ.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယၡါယၤ 64:4

ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 3:2

ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 5:5

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီသးန့ၣ်ကိးသတြီ ထီၣ်ထီဒါက့ၤအဝဲသ့ၣ်တဖၣ်န့ၣ်လီၤ. အဝဲသ့ၣ်, အတၢ်ဒဲးဘးတဖၣ်မၤဘၣ်တိၢ်ဘၣ်ထံးအခီၣ်ဒီးဒုးလီၤဃံၤ အဝဲသ့ၣ်ဒီးကီၢ်ယူဒၤအပှၤဂီၢ်မုၢ်တဖၣ်စ့ၢ်ကီးလီၤဃံၤဃုာ်ဒီး အဝဲသ့ၣ်န့ၣ်လီၤ.

လံာ်ဟိၤၡ့ 7:10

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ကဖၢလၢသးန့ၣ်ကိးသတြီ ထီၣ်ထီဒါက့ၤအဝဲသ့ၣ်လီၤ. လၢတၢ်မၤအသးခဲလၢာ်တဖၣ်အဃိဒၣ် လဲာ်န့ၣ်, အဝဲသ့ၣ်တဟဲက့ၤကဒါက့ၤဆူယၤ, ယွၤ, အဝဲသ့ၣ်အကစၢ်ယွၤအအိၣ်န့ၣ်ဘၣ်.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.