လံာ်ယၡါယၤ 59:11 - Sgaw Karen Common Bible

¹¹ ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယၡါယၤ 59:11 Iomraidhean Croise

စံးထီၣ်ပတြၢၤ 119:150

ပှၤလၢအမၤအၢယၤလၢအအိၣ်ဒီးတၢ်တိာ် အအၢအသီတဖၣ်န့ၣ် သုးဘူးအသး, ဒီးအဝဲသ့ၣ်အိၣ်ယံၤဝဲဒီးနတၢ်သိၣ်တၢ်သီလီၤ.

စံးထီၣ်ပတြၢၤ 119:155

တၢ်အုၣ်က့ၤခီၣ်က့ၤန့ၣ်အိၣ်ယံၤဝဲဒီး ပှၤတတီတလိၤတဖၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တဃုနတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 38:8

ယဂံၢ်ယဘါလၢာ်ကွံာ်ဒီးယဘၣ်တၢ်ဆီၣ်တံၢ်သနံးယၤ, ယကအုကစွါယဲလၢ ယသးဘၣ်တၢ်ကိၢ်တၢ်ဂီၤအဃိလီၤ.

စံးထီၣ်ပတြၢၤ 55:2

ဒိကနၣ်ယကလုၢ်, ဒီးစံးဆၢလၢ်ယၤတက့ၢ်. ယဘၣ်တၢ်မၤနၢၤယၤလၢယတၢ်ကိၢ်တၢ်ဂီၤ တဖၣ်န့ၣ်လီၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယၡါယၤ 59:14

တၢ်စံၣ်ညီၣ်တီဘၣ်တၢ်နီၣ်ထီၣ်ကွံာ်အီၤ, ဒီးတၢ်အလိၤအဘၣ် ဟဲသုးဘူးအသးတသ့ဘၣ်. တၢ်မ့ၢ်တၢ်တီအခီၣ်ဘၣ်တိၢ်လၢ ကမျၢၢ်တၢ်လီၢ်လီၤပျီ, ဒီးတၢ်တီတၢ်လိၤတထံၣ်န့ၢ်အလီၢ်ဖဲန့ၣ် ဘၣ်.

လံာ်ယၡါယၤ 59:8

ဒီးပှၤတပူၤဖျဲးဘၣ်နီတဂၤဖဲသုအိၣ်ဘူးအိၣ်တံၢ်န့ၣ်ဘၣ်. တၢ်တမံၤဂ့ၤတမံၤဂ့ၤလၢသုမၤအီၤန့ၣ်မ့ၢ်တၢ်စံၣ်ညီၣ်တတီလီၤ. သုပိာ်ထွဲကျဲလၢအက့ၣ်အကူဒီးပှၤလၢအလဲၤပိာ်ကျဲအဝဲန့ၣ် ပူၤဖျဲးတသ့နီတဂၤ, နီတစုဘၣ်.

လံာ်ယၡါယၤ 59:9

ပှၤဂီၢ်မုၢ်စံးဝဲ, “ဘၣ်မနုၤကစၢ်ယွၤတအုၣ်က့ၤခီၣ်က့ၤပှၤလၢ, ပှၤမၤအၢမၤနးပှၤတဖၣ်အစုပူၤလဲၣ်န့ၣ်, ခဲအံၤပသ့ၣ်ညါလံ. ပမုၢ်လၢ်လၢပကလဲၤတၢ်လၢ တၢ်ကပီၤအပူၤဘၣ်ဆၣ်အိၣ်ဒၣ်ထဲတၢ်ခံးတၢ်နၤဧိၤ,

လံာ်ယံးရမံယၤ 8:15

ပမုၢ်လၢ်တ့ၢ်တၢ်လၢတၢ်ဃူတၢ်ဖိးဒီးတၢ်မၤဘျါက့ၤအဆၢကတီၢ်အဂီၢ်လီၤ. ဘၣ်ဆၣ်ဒီးအဘျုးတအိၣ်ဘၣ်. အခိၣ်တလိာ်, တၢ်မၤပျံၤမၤဖုးဟဲဝဲတခီန့ၣ်လီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်သးသယုၢ်တၢ် 3:17

ယသးပ့ၤနီၣ်ကွံာ်တၢ်အိၣ်ဆူၣ်အိၣ်ချ့ဒီးတၢ်ဃူတၢ်မုာ်ဒီးတၢ် သူၣ်ခုသးခုမ့ၢ်တၢ်မနုၤတဖၣ်လဲၣ်န့ၣ်လီၤ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်နၤဃူၣ် 2:7

နီၢ်ပၤမုၣ်ဘၣ်တၢ်ဖီၣ်န့ၢ်အီၤ, ဒီးအကုၢ်ပိာ်မုၣ်သ့ၣ်တဖၣ်ဟီၣ်ဝဲယၢၤဝဲဒ် ထိၣ်ကးက့ၣ်ကအုအသိး, ဒီးဒဲလီၤအသးနါပှၢ်တဖၣ်လၢတၢ်သူၣ်အုးသးအုးအပူၤန့ၣ်လီၤ.

လံာ်နၤဃူၣ် 2:8

ဒ်တမၢၣ်တဘိကၢ်ဒီးထံယွၤလီၤဝဲအသိး, ပှၤဂီၢ်မုၢ်ဃ့ၢ်ထီၣ်ကွံာ်ချ့ချ့လၢဝ့ၢ်နံၤနဝ့အပူၤလီၤ. တၢ်ကိးထီၣ်ဝဲ, “အိၣ်ကတီၢ်, အိၣ်ကတီၢ်” ဘၣ်ဆၣ်ဒီးပှၤတဃၣ်ကဒါက့ၤဘၣ်အသး နီတဂၤဘၣ်.