လံာ်ယၡါယၤ 59:10 - Sgaw Karen Common Bible

¹⁰ ဒီးပပုာ်ပလၢၢ်တၢ်ဒ်ပှၤဂီၢ်မုၢ်လၢအမဲာ်ဘျီၣ်အသိးန့ၣ်လီၤ. လၢမုၢ်ထူၣ်အကတီၢ်န့ၣ်ပခီၣ်ဘၣ်တိၢ်ဒ်ပှၤလဲၤတၢ်လၢမုၢ်နၤခီ အသိး, မၤသးဒ်ပအိၣ်လၢပှၤသံအကီၢ်လၢအခံးတဘ့ၣ်အပူၤ အသိးန့ၣ်လီၤ.

လံာ်ယၡါယၤ 59:10 Iomraidhean Croise

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 8:14

မ့ၢ်လၢယတၢ်စီဆှံအတၢ်ကဟုကညီၢ်လီၤလးအဃိ, ယလီၤဂာ်ဒီးလၢၢ် တဖျၢၣ်လၢပှၤအခီၣ်ဘၣ်တိၢ်လီၤ. ယလီၤဂာ်ဒီးထုလၢကဖီၣ်န့ၢ် ကီၢ်ယူဒၤဒီးကီၢ်အံၣ်စရ့လးအပှၤဘီဖိမုၢ်ဖိတဖၣ်ဒီးဝ့ၢ်ယရူၤၡ လ့ၣ်အပှၤဂီၢ်မုၢ်တဖၣ်စ့ၢ်ကီးလီၤ.

လံာ်ယၡါယၤ 8:15

ပှၤအါဂၤကဘၣ်တိၢ်ဘၣ်ထံး, ကလီၤဃံၤဝဲဒီးကဘၣ်တၢ်မၤ ကၢ်မၤလီၤကလဲအီၤလီၤ. အဝဲသ့ၣ်ကဘၣ်တၢ်ဖီၣ်န့ၢ်အီၤလၢ ထုအပူၤလီၤ.”

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်သးသယုၢ်တၢ် 3:6

အဝဲမၤဆူၣ်မၤနၢၤယၤလၢယကအိၣ်မူလၢတၢ်သံ အတၢ်ခံးတၢ်နၤဂၢၢ်တပၢၢ်အပူၤန့ၣ်လီၤ.

လံာ်သးသယုၢ်တၢ် 4:14

အပှၤခိၣ်နၢ်တဖၣ်လဲၤဟးဝ့ၤဝီၤလၢကျဲတဖၣ်အပူၤဒ်ပှၤမဲာ်ဘျီၣ် တဖၣ်အသိးလီၤ. အဝဲသ့ၣ်ဘၣ်အၢဘၣ်သီလၢတၢ်သွံၣ်အါအါကလဲာ်တုၤပှၤ ကထိးဘၣ်အီၤတအိၣ်ဘၣ်နီတဂၤဘၣ်.

လံာ်ယဃ့းစက့လး 21:15

နးန့ၣ်ဒုးလီၤမၢ်ကွံာ်ယပှၤဂီၢ်မုၢ်အတၢ်သူၣ်ဒူသးဒူဒီးမၤ ဘၣ်တိၢ်အခီၣ်န့ၣ်လီၤ. ယမၤပျံၤမၤဖုးအဝဲသ့ၣ်အဝ့ၢ်တဖၣ်လၢနးတဘ့ၣ်လၢအကပြုၢ် ထီၣ်ဝဲဒ်လီဝၢ်ဒံးအသိး, ဒီးအိၣ်ကတဲာ်ကတီၤအသးလၢကမၤသံတၢ် အဂီၢ်န့ၣ်လီၤ.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်မံကၤ 3:6

“ဝံသ့ၣ်ဧၢ, သုမုၢ်နံၤဘူးကကတၢၢ်လီၤ. သုမုၢ်လီၤနုာ်လံ. အဂ့ၢ်ဒ်အံၤ, သုဆှၢကမၣ်ယပှၤဂီၢ်မုၢ်အဃိဝံအတၢ်ထံၣ် လၢညါခီတဖၣ်တအိၣ်လၢၤဘၣ်ဒီးသုဘၣ်. သုဖးဆိပာ်တၢ်တသ့လၢၤနီတမံၤဘၣ်”.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.