လံာ်ယၡါယၤ 58:7 - Sgaw Karen Common Bible

⁷ နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်ယၡါယၤ 58:7 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:2

ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:15

ဒီးပှၤတူၢ်ဒိၣ်ကီၤဒိၣ်လွံၢ်ဂၤလၢတၢ်ယၢၤထီၣ်တ့ၢ်အမံၤန့ၣ်, ဘၣ်တၢ်ဃုထၢပာ်လီၤအီၤ, လၢကနီၤဟ့ၣ်ပှၤဘၣ်စၢဃာ်တဖၣ်လၢတၢ်ကူ တၢ်သိး, လၢတၢ်ဂုာ်န့ၢ်အကျါန့ၣ်လီၤ. အဝဲသ့ၣ်ဟ့ၣ်လီၤပှၤဘၣ်စၢဃာ်တဖၣ်န့ၣ်လၢတၢ်ကူတၢ်သိးဒီးခီၣ် ဖံးတဖၣ်လၢကကူဝဲသိးဝဲဒီးဒိးဝဲအဂီၢ်, ဟ့ၣ်အီၤတၢ်အီၣ်တၢ်အီလၢလၢပှဲၤပှဲၤလၢကအီၣ်ကအီဝဲအဂီၢ်ဒီး လူလီၤန့ၢ်အဝဲသ့ၣ်အပူၤလီၢ်တဖၣ်လၢသ့ၣ်စၤယံးအသိန့ၣ်လီၤ. ပှၤတဖၣ်လၢအဂံၢ်ဘါစၢ်ကဲၣ်ဆိးလၢကဟးဝဲအဂီၢ်န့ၣ်, ဘၣ်တၢ်ဒုးဒိးအီၤလၢကသ့ၣ်ယီၤတဖၣ်ဒီးကယဲၢ်ပှၤဘၣ်စၢဃာ်ခဲ လၢာ်န့ၣ်ဘၣ်တၢ်ဆှၢကဒါက့ၤအီၤဆူကီၢ်ယူဒၤအလီၢ်ကဝီၤဖဲဝ့ၢ် ယရံၤဃိ, သ့ၣ်စူၣ်ပလိၣ်အဝ့ၢ်န့ၣ်လီၤ. အန့ၣ်ဒီး, ပှၤအံၣ်စရ့လးဖိတဖၣ်က့ၤကဒါဝဲဆူအဟံၣ်အိၣ်လၢကီၢ် ၡၤမရံန့ၣ်လီၤ.

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

လံာ်စီၤယိၤဘး 22:7

ပှၤလၢတၢ်ဘှံးအသးန့ၣ်နတဒုးအီအီၤလၢထံဘၣ်ဒီးပှၤလၢတၢ် သၣ်ဝံၤအသးန့ၣ်နတဒုးအီၣ်အီၤလၢတၢ်အီၣ်ဘၣ်.

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

တၢ်ကတိၤဒိ. 11:17

ဖဲနသးကညီၤတၢ်န့ၣ်, နမၤဘျုးမၤဖှိၣ်လီၤနသးတမံၤလီၤ. နမ့မ့ၢ်ပှၤအၢဝဲသီဝဲဒီး, နမၤဘၣ်ဒိဘၣ်ထံးလီၤနသးဒၣ်နဲန့ၣ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

တၢ်ကတိၤဒိ. 24:11

ယုာ်နသးလၢနကမၤပူၤဖျဲးပှၤတဂၤလၢကဘၣ်တၢ်မၤသံအီၤလၢတၢ် စံၣ်ညီၣ်တတီဘၣ်အပူၤန့ၣ်တဂ့ၤ.

တၢ်ကတိၤဒိ. 25:21

နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်အီၤတက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤလၢထံတလီခီတက့ၢ်.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

လံာ်ယၡါယၤ 58:10

သုမ့ၢ်ဟ့ၣ်ဒုးအီၣ်ပှၤလၢတၢ်သၣ်ဝံၤအသးဒီးမၤသးမံသးမုာ် ပှၤလၢအလိၣ်ဘၣ်တၢ်တဖၣ်ဒီး, အန့ၣ်တစုတၢ်ခံးတၢ်နၤ အိၣ်ဝးတရံးသုတဖၣ်ကဘိးကဒါကွံာ်အသးဆူမုၢ်ထူၣ်အတၢ် ကပီၤန့ၣ်လီၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယဃ့းစက့လး 18:16

တဆီၣ်ဘံၣ်ဆီၣ်ဘၢပှၤနီတဂၤမ့ၢ်ဂ့ၤ, တဂုာ်ဆူၣ်ပျီဆူၣ်ပှၤနီ တဂၤမ့ၢ်ဂ့ၤန့ၣ်ဘၣ်. အဝဲဟ့ၣ်ကဒါက့ၤတၢ်လၢပှၤဃ့လိၢ်တၢ်တဂၤဟ့ၣ်ပာ်အီၤဒ်တၢ်အုၣ် ကီၤအသိးန့ၣ်လီၤ. အဝဲလုၢ်အီၤလုၢ်အီ ပှၤလၢတၢ်သၣ်ဝံၤအသးတဖၣ်ဒီးဒုးကူဒုးသိးပှၤလၢအအိၣ်ဘ့ၣ်ဆ့ တဖၣ်န့ၣ်လီၤ.

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်လူၤကၣ် 11:41

မ့မ့ၢ်, ဟ့ၣ်ပှၤဖှီၣ်ဖိယာ်ဖိတဖၣ်တၢ်အိၣ်လၢသုလီခီတဖၣ်အပူၤန့ၣ် တက့ၢ်. ဒီးတၢ်ခဲလၢာ်ခဲဆ့ကကဆှီဝဲလၢသုဂီၢ်လီၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

လံာ်လူၤကၣ် 3:11

အဝဲစံးဆၢဝဲ, “ပှၤတဂၤလၢ်လၢ်လၢအဆ့ကၤအိၣ်ခံဘ့ၣ်န့ၣ်, ကဘၣ်ဟ့ၣ်ဝဲတဘ့ၣ်ဆူပှၤလၢအတၢ်တအိၣ်နီတဘ့ၣ်, ဒီးပှၤတဂၤလၢ်လၢ်လၢအအိၣ်ဒီးတၢ်အီၣ်တၢ်အီန့ၣ်, ကဘၣ်နီၤလီၤဝဲလီၤ.”

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

မၤတၢ် 16:34

အဝဲဒၣ်က့ၤကိးစီၤပီလူးဒီးစီၤစံလၤဆူအဟံၣ်ဒီးဟ့ၣ်အီၤ တၢ်အီၣ်လၢအကအီၣ်ဝဲအဂီၢ်လီၤ. အဝဲဒီးအပှၤဟံၣ်ဖိဃီဖိတဖၣ်အသးပှဲၤဒီးတၢ်သူၣ်ခု သးခုမ့ၢ်လၢအဝဲသ့ၣ်စူၢ်က့ၤနာ်က့ၤလံကစၢ်ယွၤအဃိ န့ၣ်လီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

လံာ်သိၣ်လီၤသီလီၤတၢ် 22:1

သုမ့ၢ်ထံၣ်ဘၣ်သုပှၤအံၣ်စရ့လးဖိကဒဲကဒဲတဂၤအဂီၤဖံးမ့တ မ့ၢ်, သိမ့ၢ်ဂ့ၤထူၣ်ဖျဲးကွံာ်ဒီး, ကွၢ်ကပာ်ကွံာ်အီၤတဂ့ၤ. က့ၤစိာ်ကဒါက့ၤအီၤဆူအကစၢ်အအိၣ်တက့ၢ်.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

လံာ်ပှၤစံၣ်ညီၣ်ကွီၢ် 9:2

ဒီးအဝဲစံးဘၣ်အဘူးအတံၢ်ဒ်သိးကသံကွၢ်ပှၤၡက့ၣ်ဖိတဖၣ်, “သုဘၣ်သုသးဒ်လဲၣ်. မ့ၢ်သုအဲၣ်ဒိးစီၤကံးဒဧိၣ်အဖိခွါအဂၤနွံဆံလၢာ်ပၢသုဧါ. မ့တမ့ၢ်ထဲတဂၤဧိၤပၢသုန့ၣ်ဧါ. သ့ၣ်နီၣ်ထီၣ်က့ၤလၢစီၤ အဘံၤမ့လ့းမ့ၢ်သုသွံၣ်သုထံဒီးသုဖံးသုညၣ်ဒၣ်ဝဲတက့ၢ်.”