လံာ်ယၡါယၤ 58:6 - Sgaw Karen Common Bible

⁶ တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယၡါယၤ 58:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:11

တဲဘၣ်အဝဲသ့ၣ်တက့ၢ်. ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသု ဖီခိၣ်လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲ, ယကတီၢ်သုလၢနီၣ်တီၢ်တဖၣ်လၢ ပှၤတီၢ်ဂီၤဖံးတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:11

ဒိကနၣ်ယၤတက့ၢ်. ပှၤဘၣ်တၢ်စၢဃာ်တဖၣ်အံၤန့ၣ်, မ့ၢ်ဒၣ်သုဒီပုၢ်ဝဲၢ်ခွါတဖၣ်ဒီးသုဒီပုၢ်ဝဲၢ်မုၣ်တဖၣ်န့ၣ် လီၤ. ပျဲအဝဲသ့ၣ်က့ၤက့ၤတက့ၢ်. မ့တမ့ၢ်ဘၣ်ဒီးယွၤကစံၣ်ညီၣ်သုလၢ အတၢ်သးဒိၣ်အပူၤန့ၣ်လီၤ.”

တၢ်ကတိၤဒိ. 24:11

ယုာ်နသးလၢနကမၤပူၤဖျဲးပှၤတဂၤလၢကဘၣ်တၢ်မၤသံအီၤလၢတၢ် စံၣ်ညီၣ်တတီဘၣ်အပူၤန့ၣ်တဂ့ၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 50:33

ယွၤသ့တၢ်လၢာ်စံးဝဲဒၣ်, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်ဘၣ်တၢ်မၤအၢမၤနးအီၤလီၤ. ပှၤခဲလၢာ် လၢအဖီၣ်န့ၢ်အဝဲသ့ၣ်န့ၣ်, ပၢၤဃာ်အဝဲသ့ၣ်ဘူးဘူးတံၢ်တံၢ် ဒီး တပျၢ်ဖျဲးအဝဲသ့ၣ်န့ၣ်ဘၣ်.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 6:5

မုၢ်တနံၤလၢအဘၣ်တၢ်ထံၣ်န့ၢ်အီၤလၢအတၢ်ကမၣ်အိၣ်ဝဲန့ၣ်, အဝဲကဘၣ်ဟ့ၣ်က့ၤဝဲခဲလၢာ်ဃုာ်ဒီးတၢ်ဟ့ၣ်အါထီၣ်အတၢ်ယဲၢ်ပူ တပူန့ၣ်လီၤ.

လံာ်ယိၤနါ 3:8

ပှၤကညီဒီးဆၣ်ဖိကီၢ်ဖိခဲလၢာ်ကဘၣ်သိးထီၣ်ဆ့ကၤထၢၣ်သွ့ဒီး အဝဲသ့ၣ်ကဘၣ်ဘါထုကဖၣ်ဆူၣ်ဆူၣ်ဆူကစၢ်ယွၤအအိၣ်န့ၣ်လီၤ. ကယဲၢ်ပှၤခဲလၢာ်ကဘၣ်ဃၣ်ကွံာ်အသးလၢအကျဲအအၢ အသီဒီးတၢ်မၤတၢ်လၢတၢ်စုဆူၣ်ခီၣ်တကးအပူၤန့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

မၤတၢ် 8:23

အဂ့ၢ်မ့ၢ်လၢယထံၣ်လၢနသးပှဲၤဒီးတၢ်သူၣ်က့ၣ်သးကါဒီးနတၢ် ဒဲးဘးအံၤဖီၣ်စၢဃာ်နၤဒ်ပှၤဃိာ်ဖိတဂၤအသိးအဃိလီၤ.”

၁ တံၤမသ့း 6:1

ပှၤလၢအမ့ၢ်ကုၢ်တဖၣ်န့ၣ်ကဘၣ်ပာ်ကဲအကစၢ်တဖၣ်, ဒ်ပှၤလၢအကြၢးဒီးတၢ်လီၤယူးယီၣ်ပာ်ကဲလၢာ်လၢာ်ဆ့ဆ့ အသိး, ဒ်သိးကစၢ်ယွၤအမံၤဒီးပတၢ်သိၣ်လိသီလိအံၤပှၤသု တဒုၣ်ဒွဲၣ်စံးအၢအီၤနီတဂၤတဂ့ၤအဂီၢ်န့ၣ်လီၤ.