လံာ်ယၡါယၤ 58:3 - Sgaw Karen Common Bible

³ ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယၡါယၤ 58:3 Iomraidhean Croise

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

လံာ်စီၤယိၤဘး 34:9

အဝဲစံးလၢတၢ်ကျဲးစၢးပိာ်ထွဲကစၢ်ယွၤအတၢ်ဘၣ် အသးန့ၣ်အဘျူးတအိၣ်နီတမံၤဘၣ်.

စံးထီၣ်ပတြၢၤ 69:10

တုၤယဆီၣ်လီၤယသးလၢတၢ်ဒုၣ်တၢ်အီၣ်န့ၣ် ကဲထီၣ်က့ၤဝဲလၢတၢ်ဒုၣ်ဒွဲၣ်ယၤန့ၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:31

ဒီးမုၢ်နံၤအဝဲန့ၣ်န့ၣ်ကဘၣ်မ့ၢ်မုၢ်နံၤစီဆှံလၢအဝဲသ့ၣ်ကဘၣ်ဒုၣ်တၢ်အီၣ်တၢ်အီ, ဒီးတဘၣ်ဖံးတၢ်မၤတၢ်နီတမံၤဘၣ်န့ၣ်လီၤ. ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ.

လံာ်မၤလကံ 3:14

သုစံးတ့ၢ်သုဝဲ, “ပမၤယွၤအတၢ်န့ၣ်အဘျုးတအိၣ်ဘၣ်. တၢ်မၤထွဲတၢ်လၢအဝဲစံးမ့ၢ်ဂ့ၤ, ကျဲးစၢးပာ်ဖျါဆူယွၤသ့တၢ်လၢာ်လၢပသးအုးလၢတၢ်လၢပမၤဘၣ် တ့ၢ်အီၤအဃိန့ၣ်အဘျုးမနုၤကအိၣ်န့ၣ်လဲၣ်.

လံာ်တၢ်ဂံၢ် 23:4

ဒီးကစၢ်ယွၤသဂၢၢ်အီၤလီၤ. စီၤဘံးလၣ်စံးဘၣ်အီၤ, “ယဘှီထီၣ်တၢ်လုၢ်လီၢ်နွံခါဒီးယလုၢ်ထီၣ်ကျီၢ်ဖါတဒု, သိဖါတဒုလၢတၢ်လုၢ်လီၢ်တခါစုာ်စုာ်အဖီခိၣ်လံ.”

လံာ်လူၤကၣ် 15:29

အဝဲဒၣ်စံးဆၢအပၢ်, ‘ကွၢ်လၢအံၤ, လၢအနံၣ်အလါတဖၣ်အံၤအပူၤ, ယမၤတ့ၢ်တၢ်လၢနဂီၢ်ဒ်ကုၢ်တဂၤအသိး ဒီးယတလုၣ်သ့ၣ်ခါပတာ်နကလုၢ်နီတစုဘၣ်. နဟ့ၣ်တ့ၢ်လံယၤတၢ်မနုၤ တမံၤလဲၣ်. လၢယကမၤတၢ်အီၣ်သကိးအီသကိးအမူး ဒီးယတံၤသကိးတဖၣ်အဂီၢ်မဲာ်တဲးလဲးတဒုဒၣ်လဲာ်နတဟ့ၣ်ယၤဘၣ်.