လံာ်ယၡါယၤ 58:13 - Sgaw Karen Common Bible

¹³ ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယၡါယၤ 58:13 Iomraidhean Croise

စံးထီၣ်ပတြၢၤ 122:1

တုၤပှၤစံးဘၣ်ယၤ, မ်ပလဲၤထီၣ်သကိးဆူယွၤအဟံၣ်တက့ၢ်န့ၣ်ယသူၣ်ခုယသးခု လီၤ.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 35:2

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤန့ၣ်လီၤ. ဘၣ်ဆၣ်ဒီးနွံနံၤတနံၤန့ၣ်ကဘၣ်တၢ်ပာ်စီဆှံအီၤဒ်မုၢ်နံၤစီဆှံလၢတၢ်အိၣ်ဘှံးအဂီၢ်ဆူယၤ, ယွၤအအိၣ်လီၤ. ပှၤတဂၤလၢ်လၢ်လၢအမၤတၢ်မၤတမံၤမံၤလၢမုၢ်နံၤဝဲန့ၣ်အပူၤ န့ၣ်ကဘၣ်တၢ်မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 35:3

လၢမုၢ်အိၣ်ဘှံးအနံၤန့ၣ်မၤကဲၤထီၣ်ဒၣ်လဲာ်မ့ၣ်အူလၢသုဟံၣ်အပူၤတဂ့ၤ.”

လံာ်ယၡါယၤ 55:8

ယွၤစံးဝဲဒၣ်, “ယတၢ်ဆိကမိၣ်တဖၣ်တဒ်သိး သုတၢ်ဆိကမိၣ်တဖၣ်ဘၣ်. ဒီးယကျဲတဖၣ်လီၤဆီလိာ်အသးဒီးသုကျဲတဖၣ်လီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.