လံာ်ယၡါယၤ 57:7 - Sgaw Karen Common Bible

⁷ သုလဲၤထီၣ်ဆူကစၢၢ်ထီၣ်ထီတဖၣ်အလိၤလၢသုကလုၢ်ထီၣ် ပာ်ထီၣ်တၢ်အဂီၢ်ဒီးမံဃုာ်အိၣ်ဃုာ်လိာ်သုသးအဂီၢ်န့ၣ်လီၤ.

လံာ်ယၡါယၤ 57:7 Iomraidhean Croise

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်ယၡါယၤ 65:7

လၢအဝဲသ့ၣ်အတၢ်ဒဲးဘးတဖၣ်အဂီၢ်ဒီးအမိၢ်ပၢ်ဖံဖုလၢပျၢၤ တဖၣ်အတၢ်ဒဲးဘးအဂီၢ်လီၤ. အဝဲသ့ၣ်ဆိၣ်ကဲၤတၢ်နၢမူ လၢပှၤတစူၢ်တနာ်ယွၤအတၢ်လုၢ်လီၢ်စီဆှံတဖၣ်ဒီးကတိၤ အၢကတိၤသီယၤလီၤ. လၢတၢ်န့ၣ်အဃိယကစံၣ်ညီၣ်အ ဝဲသ့ၣ်ဒ်အကြၢးဒီးအဝဲသ့ၣ်အတၢ်မၤလၢအပူၤကွံာ်တဖၣ် အသိးန့ၣ်လီၤ.”

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 3:2

ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယဃ့းစက့လး 16:16

နသူနတၢ်ကူတၢ်သိးတနီၤလၢနကကယၢကယဲနတၢ်ဘူၣ်တၢ်ဘါ အလီၢ်တဖၣ်အဂီၢ်, ဒီးဒ်ပှၤဃဲသဲမုၣ်တဂၤအသိး, နဟ့ၣ်လီၤနသးဆူပှၤကိးဂၤဒဲးအအိၣ်လီၤ.

လံာ်ယဃ့းစက့လး 16:24

လၢကျဲမုၢ်ကိးဘိဒဲးအသရ့ၤန့ၣ်, နသူၣ်ထီၣ်ဘှီထီၣ်တၢ်လီၢ်တဖၣ် လၢတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်အဂီၢ်ဒီးမၤပှၤဃဲသဲ မုၣ်အတၢ်မၤလီၤ.

လံာ်ယဃ့းစက့လး 16:25

နကွံာ်လီၤနတၢ်ဃံတၢ်လၤလၢကပံာ်ကျါလီၤ. နဟ့ၣ်လီၤနသး ဆူပှၤကိးဂၤဒဲးလၢအဟဲတြူာ်ဝဲန့ၣ်လီၤ. ဒီးတနံၤဘၣ်တနံၤန့ၣ်, နလီၤဂာ်ဒီးပှၤဃဲသဲမုၣ်ဒံးယံာ်ဒံးအါထီၣ်လီၤ.

လံာ်ယဃ့းစက့လး 23:17

ပှၤဘၤဘူၤလိၣ်ဖိတဖၣ်န့ၣ်ဟဲဝဲဆူအဝဲအအိၣ်ဒ်သိးကမံဃုာ်ဂဲၤ ဃုာ်ဒီးအီၤအဂီၢ်န့ၣ်လီၤ. အဝဲသ့ၣ်သူအီၤဒီးမၤဘၣ်အၢဘၣ်သီအီၤအါမး တုၤဒၣ်လဲာ်လၢခံကတၢၢ်, အဝဲအသးလၢာ်ဒီးသးဘၣ်အၢပှၤသ့ၣ်တဖၣ်န့ၣ်လီၤ.

လံာ်ယဃ့းစက့လး 23:41

အဝဲသ့ၣ်ကဆ့ၣ်နီၤလၢလီၢ်ဆ့ၣ်နီၤဃံလၤတဖျၢၣ်အလိၤဒီးလၢအဝဲ သ့ၣ်အမဲာ်ညါန့ၣ်, ကအိၣ်ဒီးစီၤနီၤခိၣ်တဖျၢၣ်လၢအပှဲၤဝဲဒီးတၢ်အဂ့ၤ တဖၣ်လၢအအိၣ်ဃုာ်ဒီးတၢ်နၢမူဒီးသ့ၣ်စၤယံးအသိလၢယဟ့ၣ်တ့ၢ် အဝဲသ့ၣ်န့ၣ်လီၤ.

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.