လံာ်ယၡါယၤ 57:5 - Sgaw Karen Common Bible

⁵ ဒ်ပှၤတစူၢ်တနာ်ယွၤတဖၣ်အသိးန့ၣ်, သုအိၣ်ဃုာ်လိာ်သုသးလၢသ့ၣ် စီဆှံတဖၣ်အဖီလာ်ဖဲတၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤ န့ၣ်လီၤ. သုဟ့ၣ်လီၤသုဖိတဖၣ်ဒ်တၢ်လုၢ်တၢ်ပာ်တဖၣ်အသိးလၢလၢၢ် ပူၤလ့ပူၤတဖၣ်ဘူးဒီးထံကျိတကျိအထၣ်န့ၣ်လီၤ.

လံာ်ယၡါယၤ 57:5 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:10

ဒီးလၢကယဲၢ်တၢ်လူၢ်ခဲလၢာ်အဒီခိၣ်ဒီးလၢကယဲၢ်သ့ၣ်လၢအအိၣ် ဒီးအကဒုခဲလၢာ်အဖီလာ်န့ၣ်အဝဲသ့ၣ်ပာ်လီၤလၢၢ်ထူၣ်တဖၣ်ဒီးတၢ် ဂီၤတၢ်ဖီၣ်တဖၣ်လၢအမ့ၢ်ကစၢ်မုၣ်အၡ့ရၤအဂီၤ,

လံာ်စီၤပၤခံဘ့ၣ်တဘ့ၣ် 17:7

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်မၤတ့ၢ်တၢ် ဒဲးဘးထီဒါယွၤအဝဲသ့ၣ်အကစၢ်ယွၤ, လၢအမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးအစီၤပၤအစု ပူၤဒီးဒုးဟးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အဃိန့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်,

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်တၢ်ဟးထီၣ်ကွံာ် 32:6

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယံးရမံယၤ 17:2

သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်ယဃ့းစက့လး 16:20

ဝံၤဒီး, နဟံးန့ၢ်ဖိခွါတဖၣ်ဒီးဖိမုၣ်တဖၣ်လၢနဆံးစၢ်ထီၣ်န့ၢ်ယၤ, ဒီးလုၢ်ထီၣ်အဝဲသ့ၣ်ဒ်တၢ်လုၢ်တၢ်ပာ်တဖၣ်အသိးဆူတၢ်ဂီၤတၢ်ဖီၣ် ဖၣ်န့ၣ်လီၤ. ထဲနတၢ်သးတတီဒီးယၤန့ၣ်, တအၢတ့ၢ်မးလံ.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဂံၢ် 25:6

ပှၤအံၣ်စရ့လးဖိတဖၣ်အကျါတဂၤကိးနုာ်ပှၤမံးဒယၣ်ပိာ်မုၣ်တဂၤ ဆူဒဲပူၤလၢစီၤမိၤၡ့ဒီးပှၤကမျၢၣ်ခဲလၢာ်အမဲာ်ညါဖဲ အဝဲသ့ၣ်ဟီၣ်ဝဲယၢၤဝဲလၢယွၤအိၣ်ဝဲဆိးဝဲအဒဲစီဆှံ အကျဲစၢၤအခါန့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”