လံာ်ယၡါယၤ 57:20 - Sgaw Karen Common Bible

²⁰ မ့မ့ၢ်ပှၤအၢပှၤသီတဖၣ်လီၤဂာ်ဒ်ပီၣ်လဲၣ်လၢတအိၣ်ဂၢၢ်ဘၣ်, လၢအလပီတဖၣ်တဆိကတီၢ်စံၣ်ပီပုနီတဘျီအသိး, ဟဲစိာ်ဃုာ်ဒီးတၢ်ဘၣ်အၢဘၣ်သီဒီးတၢ်အ့ၣ်တၢ်ဆံၣ်တဖၣ်န့ၣ်လီၤ.

လံာ်ယၡါယၤ 57:20 Iomraidhean Croise

လံာ်စီၤပၤခံဘ့ၣ်တဘ့ၣ် 6:11

ပှၤစူၤရံဖိအစီၤပၤအသးဘၣ်တံာ်တာ်ဖးဒိၣ်လၢတၢ်ဂ့ၢ်အံၤအဃိ လီၤ. အဝဲကိးနုာ်ဃီၤအသုးခိၣ်သုးနၢ်တဖၣ်, ဒီးသံကွၢ်အဝဲသ့ၣ်, “မ့ၢ်မတၤလၢသုကျါတဂၤအိၣ်လၢကီၢ်အံၣ်စရ့လးအစီၤပၤအ အိၣ်တကပၤန့ၣ်လဲၣ်.”

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 59:8

ဒီးပှၤတပူၤဖျဲးဘၣ်နီတဂၤဖဲသုအိၣ်ဘူးအိၣ်တံၢ်န့ၣ်ဘၣ်. တၢ်တမံၤဂ့ၤတမံၤဂ့ၤလၢသုမၤအီၤန့ၣ်မ့ၢ်တၢ်စံၣ်ညီၣ်တတီလီၤ. သုပိာ်ထွဲကျဲလၢအက့ၣ်အကူဒီးပှၤလၢအလဲၤပိာ်ကျဲအဝဲန့ၣ် ပူၤဖျဲးတသ့နီတဂၤ, နီတစုဘၣ်.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.