လံာ်ယၡါယၤ 57:17 - Sgaw Karen Common Bible

¹⁷ ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်ယၡါယၤ 57:17 Iomraidhean Croise

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 2:7

အထံအကီၢ်ပှဲၤဝဲဒီးထူဒီးစ့ဒီးအတၢ်လုၢ်ဒိၣ်ပှ့ၤဒိၣ်တဖၣ် အကတၢၢ်ကတာ်တအိၣ်ဘၣ်. အထံအကီၢ်ပှဲၤဝဲဒီးကသ့ၣ်တဖၣ် ဒီးအလ့ၣ်ကဟၣ်တဖၣ်အကတၢၢ်ကတာ်တအိၣ်ဘၣ်.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယၡါယၤ 45:15

ကီၢ်အံၣ်စရ့လးအကစၢ်လၢအအုၣ်က့ၤခီၣ်က့ၤ အပှၤဂီၢ်မုၢ်အံၤ, မ့ၢ်ကစၢ်ယွၤတဂၤလၢအပာ်တဒၢအသးလီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယံးရမံယၤ 8:6

ယဒိကနၣ်တၢ်လီၤတံၢ်လီၤဆဲး, ဘၣ်ဆၣ်ဒီးသုတကတိၤတၢ်မ့ၢ်တၢ်တီဘၣ်. သုတသးအုးလၢသုတၢ်အၢတၢ်သီအဃိနီတဂၤဘၣ်. သုတသံကွၢ်တ့ၢ်နီတဂၤလၢ ‘မ့ၢ်ယမၤကမၣ်တၢ်မနုၤလဲၣ်’ န့ၣ်ဘၣ်. ပှၤကိးဂၤဒဲးလဲၤဒၣ်လၢအကျဲဒၣ်ဝဲ, ဒ်ကသ့ၣ် တဒုဃ့ၢ်သဖှိဃီၤဆူတၢ်ဒုးအပူၤအသိးန့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.