လံာ်ယၡါယၤ 57:1 - Sgaw Karen Common Bible

¹ ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယၡါယၤ 57:1 Iomraidhean Croise

လံာ်စီၤပၤအခီၣ်ထံးတဘ့ၣ် 14:13

ကယဲၢ်ကီၢ်အံၣ်စရ့လးအပှၤဂီၢ်မုၢ်, ကဘၣ်မိၢ်ဘၣ်မးလၢအဃိဒီး ကခူၣ်လီၤကွံာ်အီၤန့ၣ်လီၤ. အဝဲကမ့ၢ်ထဲပှၤတဂၤဧိၤလၢစီၤယၤရၤဘၣ်အဟံၣ်ဖိဃီဖိအပူၤလၢ ကဘၣ်တၢ်ခူၣ်လီၤကွံာ်အီၤဂ့ၤဂ့ၤန့ၣ်လီၤ. အဂ့ၢ်ဒ်အံၤ, အဝဲမ့ၢ်ပှၤထဲတဂၤဧိၤလၢယွၤ, အံၣ်စရ့လးအကစၢ်ယွၤဘၣ်သူၣ်ဘၣ်သးအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:20

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အ လိၤန့ၣ်, တချုးလၢနသံဝံၤဒံးဘၣ်န့ၣ်, တလီၤဘၣ်ဝဲဘၣ်. ယကပျဲနသံနဲမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:33

စီၤဃံးစကံယၤသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤ အတၢ်သွၣ်ခိၣ်တဖၣ်အတၢ်လီၢ်လၢထးခီတတီၤန့ၣ်လီၤ. ကယဲၢ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ဟ့ၣ်ထီၣ်အတၢ်ယူး ယီၣ်အီၤဒိၣ်ဒိၣ်မုၢ်မုၢ်ဖဲအဝဲသံန့ၣ်လီၤ. အဝဲအဖိခွါစီၤမနၤၡ့ၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:28

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အလိၤန့ၣ် ကဟဲတုၤဒၣ်လၢနသံဝံၤအလီၢ်ခံလီၤ. ယကပျဲနသံမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဒီးတၢ်ကစီၣ်အံၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:24

အဝဲသ့ၣ်စိာ်ထီၣ်ကွံာ်အီၤလၢအဝဲအလ့ၣ်ကဟၣ်အပူၤဒီးပာ်လီၤအီၤ လၢလ့ၣ်ကဟၣ်ခံဆိတဆိလၢအအိၣ်ဖဲန့ၣ်အပူၤ, ဒီးက့ၤစိာ်အီၤဆူဝ့ၢ်ယရူၤရှလ့ၣ်န့ၣ်လီၤ. ဖဲန့ၣ်အဝဲသံ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ်သွၣ် ခိၣ်တဖၣ်အပူၤန့ၣ်လီၤ. ကယဲၢ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ခဲလၢာ်ဟီၣ်တၢ် ယၢၤတၢ်လၢအဝဲအတၢ်သံအဃိန့ၣ်လီၤ.

စံးထီၣ်ပတြၢၤ 12:1

ယွၤဧၢ, မၤစၢၤပှၤတက့ၢ်, ပှၤအဲၣ်ယွၤပျံၤယွၤတအိၣ်နီတဂၤလၢၤဘၣ်. ပှၤအကလုၢ်တီတဘၣ်တၢ်ထံၣ်န့ၢ်အီၤလၢ ပှၤဟီၣ်ခိၣ်ဖိအကျါလၢၤဘၣ်.

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 47:11

တၢ်တတၢးတနါကဟဲတုၤအိၣ်နၤ ဒီးနတၢ်မၤကဒါပှၤအမဲာ်တမံၤဂ့ၤတမံၤဂ့ၤ, ဆိကတီၢ်အီၤတန့ၢ်ဘၣ်. တၢ်ဟးဂီၤကလီၤဘၣ်နၤသတူၢ်ကလာ်, တၢ်ဟးဂီၤလၢနတမံမီၢ်တ့ၢ်နီတစုဘၣ်န့ၣ်လီၤ.

လံာ်ယၡါယၤ 47:7

နဆိကမိၣ်တ့ၢ်လၢနကမ့ၢ်နီၢ်ပၤမုၣ်တဂၤထီဘိ, ဒီးတပာ်လ့ၣ်ပာ်ကါတၢ်သ့ၣ်တဖၣ်အံၤမ့ၢ်ဂ့ၤ, ဒီးတၢ်ခဲလၢာ်အံၤကလဲၤကတၢၢ်အသးဒ်လဲၣ်န့ၣ်မ့ၢ်ဂ့ၤ, နတဆိကမိၣ်ထီၣ်စ့ၢ်ကီးဘၣ်.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယံးရမံယၤ 18:11

ခဲကနံၣ်အံၤ, တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢ, ယရဲၣ်ကျဲၤတၢ်ထီဒါအဝဲသ့ၣ်ဒီးယအိၣ်ကတဲာ်ကတီၤယသးလၢ ယကစံၣ်ညီၣ်အဝဲသ့ၣ်န့ၣ်တက့ၢ်. တဲဘၣ်အဝဲသ့ၣ်လၢကဆိကတီၢ် အိၣ်မူလၢတၢ်ဒဲးဘးအပူၤ, ကလဲလိာ်အကျဲတဖၣ်ဒီးတၢ်သ့ၣ် တဖၣ်လၢအမၤဝဲန့ၣ်တက့ၢ်.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်တၢ်ဂံၢ် 23:10

ကီၢ်အံၣ်စရ့လးအစၢၤအသွဲၣ်တဖၣ်လီၤဂာ်ဒ်ဖၣ်ကမူၣ်အသိး, အဝဲသ့ၣ်အါဝဲဂီၢ်ဝဲလၢတၢ်ကဂံၢ်အီၤအဂီၢ်န့ၣ်လီၤ. မ်ယမုၢ်နံၤမုၢ်သီတဖၣ်ကတၢၢ်ဝဲဒ်ပှၤတဂၤလၢကစၢ်ယွၤအပှၤဂီၢ် မုၢ်အကျါအသိး, မ်ယသံယဲလၢတၢ်ဃူတၢ်မုာ်အပူၤဒ်ပှၤအတီအလိၤတဂၤအသိးန့ၣ် တက့ၢ်.”