လံာ်ယၡါယၤ 56:7 - Sgaw Karen Common Bible

⁷ “ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယၡါယၤ 56:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:41

တုၤပှၤတခီဘီမုၢ်ဖိတဂၤလၢအအိၣ်ဆိးဝဲလၢကီၢ်အယံၤနၢ်ဟူ ဘၣ်နတၢ်မံၤဟူသၣ်ဖျါ, ဒီးတၢ်အဒိၣ်အမုၢ်တဖၣ်လၢနမၤတ့ၢ်လၢနပှၤဂီၢ်မုၢ်အဂီၢ်,

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

လံာ်တၢ်ဟးထီၣ်ကွံာ် 28:38

စီၤအၤဟရိၣ်ကဘၣ်ဖၢၣ်ထီၣ်အီၤဖဲအခိၣ်တိသၣ်ဒ်သိးယၤ, ယွၤကတူၢ်လိာ်တၢ်လုၢ်ထီၣ်မၤဘူၣ်ခဲလၢာ်လၢပှၤအံၣ်စရ့လးဖိ တဖၣ်ပာ်စီဆှံထီၣ်အီၤဆူယအိၣ်, ဖဲပှၤဂီၢ်မုၢ်မၤတ့ၢ်တၢ်ကမူၤ ကမၣ်တနီၤနီၤလၢအတၢ်လုၢ်ထီၣ်ပာ်ထီၣ်အပူၤဒၣ်လဲာ်န့ၣ်လီၤ.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 19:19

တုၤတၢ်ဆၢကတီၢ်န့ၣ်ဟဲဝဲဒီး, ကီၢ်အဲၤကူပတူးကအိၣ်ဒီးတၢ်လုၢ်လီၢ်လၢယွၤအဂီၢ်ဒီးလၢၢ် ထူၣ်တထူၣ်ကဘၣ်တၢ်ပာ်စီဆှံအီၤလၢယွၤအဂီၢ်ဖဲကီၢ်အဲၤကူပ တူးအဆၢန့ၣ်လီၤ.

လံာ်ယၡါယၤ 19:21

ယွၤကလီၣ်ဖျါထီၣ်အသးလၢပှၤအဲၤကူပတူးဖိတဖၣ်ဒီးအဝဲသ့ၣ် ကသ့ၣ်ညါယွၤဒီးဘူၣ်ထီၣ်ဘါထီၣ်အီၤဒီးဟဲစိာ်န့ၢ်အီၤလၢတၢ် လုၢ်တဖၣ်ဒီးတၢ်မၤဘူၣ်တဖၣ်လီၤ. အဝဲသ့ၣ်ကမၤတၢ်အၢၣ် လီၤအီလီၤသညူးသပှၢ်ဒီးအီၤဒီးမၤတၢ်လၢအဝဲသ့ၣ်အၢၣ်လီၤ ဝဲန့ၣ်လီၤ.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယၡါယၤ 60:11

မနၤနၤမဆါဆါနတြဲၤတဖၣ်ကဘၣ်တၢ်အိးထီၣ်ပာ်အီၤ ဒ်သိးပှၤကလုာ်အစီၤပၤတဖၣ်ကဟဲစိာ်န့ၢ်နၤ, အဝဲသ့ၣ်အတၢ်ထူးတၢ်တီၤန့ၣ်လီၤ.

လံာ်ယၡါယၤ 60:7

ကယဲၢ်သိလၢကီၢ်က့ဒၢ်ဒီးကီၢ်နဘါယိးတဖၣ်ကဘၣ်တၢ် ဟဲစိာ်အီၤဆူနအိၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ် အီၤလၢတၢ်လုၢ်လီၢ်ဖီခိၣ်လၢတၢ်မၤသးခုယွၤအဂီၢ်လီၤ. ယွၤကဒုးကဲထီၣ်အတၢ်လုၢ်ဟံၣ်ဒီးအလၤကပီၤဒိၣ်န့ၢ်ဒံး လၢညါအစိၤစိၤအဃၣ်ဃၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယၡါယၤ 65:25

ထွံၣ်မံၤတဖၣ်ဒီးသိဖိတဖၣ်ကအီၣ်အဆၣ်တပူၤဃီ, ခ့ယုၢ်တဖၣ်ကအီၣ်လီၢ်ဧိၤဒံးဧိၤ, ဒ်ဂီၤဘုၣ်ဂီၤဖံးအသိး, ဒီးဂုၢ်သ့ၣ်တဖၣ်တလီၤပျံၤလီၤဖုးလၢၤဘၣ်. လၢယကစၢၢ်စီဆှံစံယိၣ်အလိၤန့ၣ်, တၢ်မၤဆူးမၤဆါမ့ၢ်ဂ့ၤ, တၢ်မၤအၢမၤသီမ့ၢ်ဂ့ၤ, တအိၣ်နီတမံၤလၢၤဘၣ်.”

လံာ်ယံးရမံယၤ 7:11

မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 21:13

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံစံးဝဲလၢကစၢ်ယွၤစံးဝဲဒၣ်, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီး, သုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ်ခူ သူၣ်အလီၢ်တပူၤလီၤ” (ၡါ. ၅၆:၇; ယံး ၇:၁၁).

လံာ်မၢ်ကူး 11:17

အန့ၣ်ဝံၤအဝဲဒၣ်သိၣ်လီၤသီလီၤပှၤသ့ၣ်တဖၣ်ဒီးစံး, “တၢ်ကွဲးအသးစီဆှံပာ်ဖျါထီၣ်ကစၢ်ယွၤစံးဝဲ, ယတၢ်လုၢ်ဟံၣ်ကဘၣ်မ့ၢ်ပှၤကလုာ်ခဲလၢာ်အတၢ်ထုကဖၣ်အဟံၣ်လီၤ. ဘၣ်ဆၣ်ဒီးသုမၤကဲထီၣ်အီၤလၢတၢ်လီၢ်တပူၤလၢတမျိးတမျာ်တဖၣ်ကအိၣ် ခူသူၣ်အဂီၢ်လံ.”

လံာ်လူၤကၣ် 19:46

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံပာ်ဖျါလၢကစၢ်ယွၤစံးဝဲ, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီးသုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ် ခူသူၣ်အလီၢ်အကျဲလံ.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.