လံာ်ယၡါယၤ 56:3 - Sgaw Karen Common Bible

³ ပှၤတခီဘီမုၢ်ဖိတဂၤလၢအပာ်ဖှိၣ်အသးဒီးယွၤအပှၤဂီၢ်မုၢ်န့ၣ် တကြၢးစံးဝဲလၢ, “ယွၤတပျဲယဘူၣ်တၢ်ဘါတၢ်ဒီးအပှၤ ဂီၢ်မုၢ်န့ၣ်ဘၣ်.” ပှၤတဂၤလၢတၢ်ဒ့ကွံာ်အဒံၣ်, တကြၢးဆိ ကမိၣ်ဝဲနီတစုလၢမ့ၢ်လၢအဖိအိၣ်တသ့ဘၣ်အဃိန့ၣ်, ကဲထီၣ်ပှၤဘၣ်ဃးဒီးကစၢ်ယွၤအပှၤဂီၢ်မုၢ်တသ့ဝဲနီတစုန့ၣ်ဘၣ်.

လံာ်ယၡါယၤ 56:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:32

တုၤပှၤတခီဘီမုၢ်ဖိတဂၤလၢအအိၣ်ဝဲဆိးဝဲလၢထံကီၢ်အယံၤ တဘ့ၣ်အပူၤနၢ်ဟူဝဲလၢနမ့ၢ်တၢ်ဒိၣ်တၢ်မုၢ်, တၢ်ဒိၣ်စိဒိၣ်ကမီၤထီထဲလဲၣ်ဒီးထီဘိနအိၣ်ကတဲာ်ကတီၤနသးလၢ နကမၤတၢ်ဒ်လဲၣ်, ဒီးဖဲအဝဲဟဲဆူယွၤအတၢ်လုၢ်ဟံၣ်အံၤလၢကဘါထုကဖၣ်တၢ်အဂီၢ် န့ၣ်,

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 39:7

ပှၤလၢအဟဲလီၤစၢၤလၢနၤလိၤလိၤတနီၤကဘၣ်တၢ်စိာ်ကွံာ်အီၤဒီး ကဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်ခ့တၢ်ပှၤ အတၢ်မၤလၢကီၢ်ဘၤဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.”

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်တၢ်ဘူၣ်ထီၣ်ဘါထီၣ် 25:45

သုပှ့ၤန့ၢ်ပှၤတခီဘီမုၢ်ဖိလၢအအိၣ်လၢသုကျါတဖၣ်အဖိသ့ဝဲစ့ၢ်ကီးလီၤ. ဖိသၣ်ဒ်န့ၣ်သိးတဖၣ်လၢအအိၣ်ဖျဲၣ်ထီၣ်လၢသုကီၢ်ပူၤကကဲထီၣ်သုတၢ်န့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်တၢ်ဂံၢ် 18:4

အဝဲသ့ၣ်ကဘၣ်မၤတၢ်ဒီးနၤဒီးမၤလၢထီၣ်ပှဲၤထီၣ်အမူအဒါတဖၣ် လၢကယဲၢ်တၢ်မၤလၢဒဲစီဆှံပူၤအဂီၢ်, ဘၣ်ဆၣ်ဒီးပှၤလၢတကြၢးတဘၣ်တဖၣ်တဘၣ်မၤဃုာ်တၢ်ဒီးနၤဘၣ်.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

မၤတၢ် 17:4

အဝဲသ့ၣ်တနီၤနာ်တၢ်လၢစီၤပီလူးစံးဝဲဒီးပာ်အသး တဖျၢၣ်ဃီဒီးစီၤပီလူးဒီးစီၤစံလၤန့ၣ်လီၤ. ပှၤကြံးခ်ဖိအါအါဂီၢ်ဂီၢ်လၢအဲၣ်ထူအဲၣ်ယွၤ တဖၣ်, ဒီးပိာ်မုၣ်အိၣ်ဒီးအလၤကပီၤတဖၣ်စ့ၢ်ကီး ပာ်က့ၤအသးတဖျၢၣ်ဃီဒီးအဝဲသ့ၣ်လီၤ.

မၤတၢ် 18:7

လၢတၢ်န့ၣ်အဃိ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ် ဒီးလဲၤအိၣ်ဝဲဆိးဝဲဖဲပှၤကလုာ်ဂၤလၢအမံၤမ့ၢ်စီၤတံတူးယူစတူး တဂၤအဟံၣ်, လၢအအိၣ်ဘူးဒီးဘူၣ်ဘျီၣ်လၢအမ့ၢ်တၢ်ဘါလီၢ် န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထီၣ်ဘါထီၣ်ယွၤတဂၤလီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

1 ကရံၣ်သူး 6:17

မ့မ့ၢ်ပှၤတဂၤလၢအပာ်ဖှိၣ်ဃုာ်အသးဒီးကစၢ်န့ၣ်, ကဲထီၣ်ပှၤတဂၤဃီဒီးအီၤလၢသူၣ်လၢသးတကပၤလီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

အ့းဖ့းစူး 2:22

လၢယ့ၣ်ၡူးခရံာ်အပူၤန့ၣ် သုဝဲဒၣ်စ့ၢ်ကီးသုဘၣ်တၢ်ဒုးစဲဘူးဒီး ဟံးဃာ်သုလၢတၢ်သူၣ်ထီၣ်အံၤအပူၤ, ဒီးသုဘၣ်တၢ်ဒုးကဲထီၣ်သုလၢတၢ်အိၣ်တၢ်ဆိးအလီၢ်လၢ ကစၢ်ယွၤအိၣ်ဝဲခီဖျိအသးစီဆှံန့ၣ်လီၤ.

လံာ်သိၣ်လီၤသီလီၤတၢ် 23:9

ဖဲသုအိၣ်ဆိးလၢတၢ်သူၣ်ဒဲအလီၢ်, ဖဲတၢ်ဒုးတၢ်ယၤအဆၢကတီၢ် န့ၣ်, သုဘၣ်ဟးဆှဲးတၢ်တမံၤလၢ်လၢ်လၢကမၤတကဆှီ သုဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.