လံာ်ယၡါယၤ 56:2 - Sgaw Karen Common Bible

² ယကဆိၣ်ဂ့ၤပှၤတဖၣ်လၢထီဘိ တိၢ်န့ၢ်မုၢ်အိၣ်ဘှံးနံၤဒီးတသူကမၣ်ဝဲဘၣ်န့ၣ်လီၤ. ယကဆိၣ်ဂ့ၤပှၤတဖၣ်လၢတမၤတၢ်အၢ တၢ်သီနီတမံၤဘၣ်န့ၣ်လီၤ.”

လံာ်ယၡါယၤ 56:2 Iomraidhean Croise

လံာ်စီၤနဃ့မယၤ 13:17

ယသိၣ်ဃီၣ်ပှၤယူဒၤဖိအခိၣ်အနၢ်တဖၣ်ဆါဆါကလဲာ်ဒီးတဲဘၣ်အဝဲ သ့ၣ်, “ကွၢ်တၢ်အၢတၢ်သီလၢသုမၤန့ၣ်တက့ၢ်. သုမၤဘၣ်အၢမုၢ်အိၣ်ဘှံးအနံၤန့ၣ်လီၤ.

စံးထီၣ်ပတြၢၤ 106:3

ပှၤလၢအတိၢ်န့ၢ်အဝဲအတၢ်မၤလိာ်တဖၣ်, ဒီးပှၤလၢအမၤတၢ်တီတၢ်လိၤ ကိးဆၢကိးကတီၢ်ဒဲးန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:101

ယတြီကွံာ်ယခီၣ်လၢကယဲၢ်ကျဲအအၢအသီ ဒ်သိး ယကတိၢ်န့ၢ်ဖံးဃာ်နကလုၢ်ကထါလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 37:27

ဟးဆှဲးတၢ်အၢ, ဒီးမၤတၢ်ဂ့ၤ, ဒီးနကအိၣ်နဲဆိးနဲလၢကီၢ်ပူၤလီၤစိၤလီၤထီလီၤ.

လံာ်တၢ်ဟးထီၣ်ကွံာ် 20:10

မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

လံာ်တၢ်ဟးထီၣ်ကွံာ် 20:8

တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤတက့ၢ်. သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ.

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 4:13

သ့ၣ်နီၣ်တၢ်လၢနမၤလိတ့ၢ်တဖၣ်ထီဘိတက့ၢ်. နတၢ်မၤလိမၤဒိးန့ၣ်မ့ၢ်နတၢ်မူလီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ယၡါယၤ 56:4

ယွၤစံးဘၣ်ပှၤဒ်န့ၣ်အသိးတဂၤ, “နမ့ၢ်ယူးယီၣ်ယၤခီဖျိနတိၢ်န့ၢ်မုၢ်အိၣ်ဘှံးနံၤ, နမ့ၢ်မၤတၢ်လၢအမၤသးမုာ်ယၤ ဒီးဟံးဃာ်ယတၢ်အၢၣ်လီၤအီလီၤ လၢတၢ်သူၣ်တီသးရၤအပူၤဒီး,

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 19:30

သုဘၣ်တိၢ်န့ၢ်မုၢ်အိၣ်ဘှံးအနံၤ, ဒီးယူးယီၣ်တၢ်ဘူၣ်ထီၣ်ဘါထီၣ်ယွၤအလီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 12:43

တၢ်ခ့တၢ်ပှၤအဝဲန့ၣ်, ဖဲအကစၢ်ဟဲက့ၤဆူဟံၣ်ဒီးထံၣ်အမၤ ဝဲဒ်န့ၣ်အသိးန့ၣ်, ဘၣ်ဆိၣ်ဂ့ၤဝဲလီၤ.

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.