လံာ်ယၡါယၤ 56:1 - Sgaw Karen Common Bible

¹ ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 56:1 Iomraidhean Croise

စံးထီၣ်ပတြၢၤ 106:3

ပှၤလၢအတိၢ်န့ၢ်အဝဲအတၢ်မၤလိာ်တဖၣ်, ဒီးပှၤလၢအမၤတၢ်တီတၢ်လိၤ ကိးဆၢကိးကတီၢ်ဒဲးန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယၡါယၤ 51:5

ယကဟဲချ့ချ့ဒီးအုၣ်က့ၤခီၣ်က့ၤအဝဲသ့ၣ်, ယတၢ်မၤနၢၤ အဆၢကတီၢ်ဘူးထီၣ်လံ. ယၤ, ယကစၢ်ဒၣ်ယဲ, ယကပၢတၢ်လၢပှၤကလုာ်တဖၣ်အဖီခိၣ်လီၤ. ထံယံၤကီၢ်ယံၤတဖၣ်အိၣ်ခိးယၤလၢယကဟဲအဂီၢ်, အဝဲသ့ၣ်အိၣ်ခိးဝဲပှဲၤဒီးတၢ်မုၢ်လၢ်လၢယကအုၣ်က့ၤခီၣ်က့ၤ အီၤအဂီၢ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 64:5

နတူၢ်လိာ်မုာ်ပှၤတဖၣ်လၢအထံၣ်န့ၢ်တၢ်သးခုလၢတၢ်မၤတၢ် အလိၤအဘၣ်, ပှၤတဖၣ်လၢအသ့ၣ်နီၣ်ထီၣ်ဝဲလၢနအဲၣ်ဒိး လၢအဝဲသ့ၣ်ကအိၣ်မူဝဲဒ်လဲၣ်န့ၣ်လီၤ. နသူၣ်ဒိၣ်သးဖျိးဘၣ်ပှၤ, ဘၣ်ဆၣ်ပမၤထွဲဒံးဒၣ်တၢ်ဒဲးဘးလီၤ. စးထီၣ်လၢပျၢၤလံၤလံၤန့ၣ်, နသးကဲၤထီၣ်ပှၤဒိၣ်ဒိၣ်မုၢ်မုၢ်ဒၣ်လဲာ်, ပတဆိတ့ၢ်လၢတၢ်မၤကမၣ်တၢ်န့ၣ်ဘၣ်.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ဟိၤၡ့ 12:7

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်တဖၣ်တတီတလိၤဘၣ် ဒ်သိးဒၣ်ပှၤကနၤဧၣ်ဖိတဖၣ်န့ၣ်လီၤ. အဝဲသ့ၣ်အဲၣ်ဒိးလီန့ၢ်အပှၤပှ့ၤတၢ်တဖၣ်လၢစီၤပီၢ်လီတၢ်န့ၣ် လီၤ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:17

စးထီၣ်ဖဲန့ၣ်ယ့ၣ်ၡူးစံၣ်တဲၤတဲလီၤတၢ်ဒီးစံး, “ပီၢ်ယၢ်လီၤက့ၤဒီးဃၣ်လိၤက့ၤသုသးတက့ၢ်. အဂ့ၢ်ဒ်အံၤမူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မၢ်ကူး 1:15

ဒီးစံးဝဲဒၣ်, “တၢ်ဆၢကတီၢ်ဘၣ်လံဒီးကစၢ်ယွၤအဘီအမုၢ်ဘူး ထီၣ်လံ. ပီၢ်ယၢ်ဒီးဃၣ်လိၤက့ၤသုသးဒီးစူၢ်က့ၤနာ်က့ၤတၢ်သးခု အကစီၣ်န့ၣ်တက့ၢ်.”

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”