လံာ်ယၡါယၤ 55:13 - Sgaw Karen Common Bible

¹³ ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 55:13 Iomraidhean Croise

စံးထီၣ်ပတြၢၤ 96:12

မ်စံာ်ဧိၤပှဲၤဧိၤ, ဒီးကယဲၢ်တၢ်အိၣ်လၢအပူၤ သူၣ်ဖှံသးညီတက့ၢ်. တုၤနုၤတစုကယဲၢ်သ့ၣ်လၢပှၢ်လၢ်ကျါ ကသးဝံၣ်တၢ်လၢတၢ်သူၣ်ခုသးခု,

လံာ်ယၡါယၤ 19:20

အဝဲသ့ၣ်ကမ့ၢ်တၢ်ပနီၣ်တဖၣ်လၢယွၤသ့တၢ်လၢာ်ကစၢ်အတၢ် အိၣ်လၢကီၢ်အဲၤကူပတူးအပူၤအဂ့ၢ်န့ၣ်လီၤ. ဖဲပှၤအိၣ်ဖဲန့ၣ်တဖၣ် ဘၣ်တၢ်မၤအၢမၤနးအီၤဒီးကိးထီၣ်ယွၤလၢ တၢ်မၤစၢၤအဂီၢ်န့ၣ်, အဝဲကဆှၢလီၤပှၤတဂၤဂၤလၢကမၤ ပူၤဖျဲးအဝဲသ့ၣ်န့ၣ်လီၤ.

လံာ်ယၡါယၤ 32:13

တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်ယၡါယၤ 35:1

မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 41:19

ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယၡါယၤ 60:13

သ့ၣ်တဖၣ်လၢတၢ်မၤန့ၢ်အီၤလၢသ့ၣ်ဆှိ, သ့ထိးအီၣ်ဒီးသ့ၣ်ဆှိတအၤၡူၢ်, သ့ၣ်အဂ့ၤကတၢၢ်လၢကီၢ်လဘၤနိၣ်အသ့ၣ်ပှၢ်ပူၤတဖၣ် ကဘၣ်တၢ်ဟဲစိာ်အီၤလၢတၢ်ကသူၣ်ထီၣ်က့ၤနၤအဂီၢ်, ဝ့ၢ်ယရူၤၡလ့ၣ်ဧၢ, ဒ်သိးကမၤဃံမၤလၤထီၣ်ယတၢ်လုၢ်ဟံၣ်, ဒ်သိးယဝ့ၢ်ကအိၣ်ဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 60:17

ယကဟဲစိာ်န့ၢ်နၤထူလၢတိၢ်ဘီအလီၢ်, စ့ဒီးတိၢ်ဘီလၢထးဒီးသ့ၣ်အလီၢ်, ဒီးထးလၢလၢၢ်အလီၢ်န့ၣ်လီၤ. ပှၤလၢအပၢနၤတဖၣ်တမၤအၢမၤနးနၤနီတစုလၢၤဘၣ်, ယကမၢအဝဲသ့ၣ်ပၢတၢ်လၢတၢ်စံၣ်ညီၣ်တီဒီး တၢ်ဃူတၢ်ဖိးအပူၤလီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယၡါယၤ 63:14

ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

လံာ်ယၡါယၤ 7:19

အဝဲသ့ၣ်ကဟဲလီၤဖှိၣ်ဒီးမၤပှဲၤကစၢၢ်ခိၣ်ကစၢၢ်လာ်ကစၢၢ်ကဆူး တဖၣ်, လၢၢ်ကအိလ့ကဆူးတဖၣ်အပူၤ, ဒီးအဝဲသ့ၣ်ကကးဘၢတၤဆှုၣ်တပှီာ် တဖၣ်ဒီးတၢ်အီၣ်ဆၣ်အလီၢ်ခဲလၢာ်လီၤ.

လံာ်ယၡါယၤ 7:24

ပှၤကလဲၤလူၤခးတၢ်ဖဲန့ၣ်လၢချံၣ်တဖၣ်ဒီးပျၢ်တဖၣ်လီၤ. သပှၢ်တၢၢ်န့ၣ်, ထံကီၢ်ဒီဘ့ၣ်ကပှဲၤဝဲဒီးတၤဆှုၣ် တၤမဲတဖၣ်ဒီးတၤဆှုၣ်တပှီာ်တဖၣ်လီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်ယဃ့းစက့လး 28:24

ယွၤစံးဝဲဒၣ်, “ပှၤကလုာ်တဖၣ်လၢအအိၣ်ဝးတရံးကီၢ်အံၣ်စရ့လး, လၢအမၤတရီတပါအီၤန့ၣ်, တကဲထီၣ်လၢၤတၤဆှုၣ်တၤမဲတဖၣ် လၢကမၤဆါကဒီးအီၤနီတဖုလၢၤဘၣ်. ဒီးအဝဲသ့ၣ်ကသ့ၣ်ညါဝဲ လၢယမ့ၢ်ယွၤပၢဘၣ်တၢ်ခဲလၢာ်အကစၢ်န့ၣ်လီၤ.”

လံာ်မံကၤ 7:4

ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.