လံာ်ယၡါယၤ 55:1 - Sgaw Karen Common Bible

¹ ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယၡါယၤ 55:1 Iomraidhean Croise

စံးထီၣ်ပတြၢၤ 143:6

ယယူာ်ထီၣ်ယစုဆူနအိၣ်လၢတၢ်ထုကဖၣ်အပူၤ, ယသးအံၤသူအသးလၢနၤဒ် ဟီၣ်ခိၣ်အဃ့အသိးန့ၣ်လီၤ. စ့လၤ

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

တၢ်ကတိၤဒိ. 8:4

“ယဃ့ကညးသု, ပှၤကညီသ့ၣ်ဧၢ, ဒီးယကိးထီၣ်ဆူပှၤခဲလၢာ်လၢအအိၣ်လၢဟီၣ်ခိၣ်ချၢအံၤလီၤ.

တၢ်ကတိၤဒိ. 9:1

တၢ်ကူၣ်သ့သူၣ်ထီၣ်အဟံၣ်လံဒီးမၤဝဲအထူၣ်နွံထူၣ်လၢအဂီၢ်လီၤ.

တၢ်ကတိၤဒိ. 9:5

“ဟဲ, အီၣ်ယတၢ်အီၣ်, ဒီးအီစပံးထံလၢယဃါဃုာ်တ့ၢ်အီၤတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:2

နထးခိၣ်အတၢ်နၢမူတဖၣ်လုၣ်ဘၢယၤ, အဂ့ၢ်ဒ်အံၤ, နတၢ်အဲၣ်ဂ့ၤဒိၣ်န့ၢ်ဒံးစပံးထံတက့ၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 52:3

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, “ဖဲသုကဲထီၣ်ကုၢ်တဖၣ်န့ၣ်, တၢ်တပှ့ၤန့ၢ်သုလၢစ့နီတဘ့ၣ်ဘၣ်. ဒ်န့ၣ်အသိး, တလိၣ်တၢ်ဟ့ၣ်တၢ်နီတမံၤလၢသုကထူၣ်ဖျဲးထီၣ် အဂီၢ်န့ၣ်ဘၣ်.

လံာ်သးသယုၢ်တၢ် 5:4

ပကဘၣ်ဟ့ၣ်တၢ်အပှ့ၤလၢထံလၢပအီအီၤအဂီၢ်ဒီး သ့ၣ်မုၣ်လၢပဆူးကဲၤအီၤအဂီၢ်လီၤ.

လံာ်ယဃ့းစက့လး 47:1

ပှၤတဂၤန့ၣ်ဆှၢကဒါက့ၤယၤဆူယွၤ အတၢ်လုၢ်ဟံၣ်အကျဲစၢၤဟဲနုာ်လီၤန့ၣ်လီၤ. ထံဟဲထီၣ်လၢကျဲစၢၤဟဲနုာ်လီၤအဖီလာ်ဒီး ယွၤလီၤဝဲဆူမုၢ်ထီၣ်လၢယွၤအတၢ်လုၢ်ဟံၣ်အမဲာ်ကွၢ်တၢ်တခီန့ၣ်လီၤ. ထံအံၤဟဲယွၤလီၤလၢတၢ်လုၢ်ဟံၣ်အကလံၤထံးအဖီလာ်တ ကပၤတခီဒီးလဲၤခီဂာ်တၢ်လုၢ်လီၢ်အကလံၤထံးတကပၤန့ၣ်လီၤ.

လံာ်ယဃ့းစက့လး 47:9

ဖဲထံကျိဖိယွၤလီၤတပူၤလၢ်လၢ်န့ၣ်ဆၣ်ဖိကီၢ်ဖိတဖၣ်ဒီးညၣ် ကအိၣ်ဝဲအကလုာ်ကလုာ်န့ၣ်လီၤ. ထံကျိဖိန့ၣ်ကမၤဘျါထီၣ်ပီၣ်လဲၣ်သံ အထံ, ဒီးဖဲအယွၤလီၤဝဲတပူၤလၢ်လၢ်န့ၣ်ကဟဲစိာ်တၢ်မူန့ၣ်လီၤ.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်စကၤရယၤ 2:6

ယွၤစံးဘၣ်အပှၤဂီၢ်မုၢ်, “ယမၤလီၤပြံလီၤပြါတ့ၢ်သုလၢမူ ပၤလွံၢ်ထံးန့ၣ်လီၤ.

လံာ်စကၤရယၤ 9:15

ယွၤသ့တၢ်လၢာ်ကစၢ်ကအိၣ်ပှိၤဒီဒၣ်အပှၤဂီၢ်မုၢ်, ဒီးအဝဲသ့ၣ်ကမၤဟးဂီၤကွံာ်အဒုၣ်အဒါတဖၣ်န့ၣ်လီၤ. အဝဲသ့ၣ်ကကိးပသူထီၣ်လၢတၢ်ဒုးအပူၤဒ်ပှၤအီမူၤသံးတဖၣ်အသိး, ဒီးကဒုးယွၤလီၤအဒုၣ်အဒါတဖၣ်အသွံၣ်လီၤ. အဒုၣ်အဒါတဖၣ်အသွံၣ်ကလီၤဂာ်ဒ်တၢ်လုၢ်တၢ်ပာ်တမံၤ အသွံၣ်လၢအဘၣ်တၢ်လူလီၤအီၤလၢသလၢတဖျၢၣ်အပူၤဆူတၢ်လုၢ် လီၢ်အဖီခိၣ်အသိးန့ၣ်လီၤ.

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 26:29

ယစံးဘၣ်တဲဘၣ်သု, တချုးဒံးဘၣ်လၢမုၢ်တနံၤဖဲယအီစပံးထံ အသီဒီးသုလၢယပၢ်အဘီအမုၢ်အပူၤန့ၣ်, ယတအီစပံးထံအံၤနီ တဘျီလၢၤဘၣ်.”

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

မၤတၢ် 8:20

စီၤပ့းတရူးစံးဆၢက့ၤအီၤ, “မ့ၢ်လၢနဆိကမိၣ်နဲလၢကစၢ်ယွၤ အတၢ်ဟ့ၣ်န့ၣ်နပှ့ၤအီၤလၢစ့ကန့ၢ်အဃိ, မ်နၤဒီးနစ့ကလီၤဒၣ်ဝဲဆူလရာ်ပူၤန့ၣ်တက့ၢ်.

ရိမ့ၤ 3:24

ဘၣ်ဆၣ်ဒီးအဝဲသ့ၣ်ခဲလၢာ်ဘၣ်တၢ်ပာ်တီပာ်လိၤအီၤလၢ ယွၤအဘျုးအဖှိၣ်လၢအဟ့ၣ်ကလီဝဲ, ခီဖျိယ့ၣ်ၡူးခရံာ်လၢအမၤထူၣ်ဖျဲးကွံာ်အဝဲသ့ၣ်အဃိန့ၣ်လီၤ.

1 ကရံၣ်သူး 3:2

ယဘၣ်ဒုးအီသုလၢတၢ်နုၢ်ထံလီၤ. တမ့ၢ်တၢ်အီၣ်လၢအအိၣ်ဒီးအသံးအကာ်ဘၣ်. အဂ့ၢ်မ့ၢ်လၢသုတအိၣ်ကတဲာ်ကတီၤဒံးသုသးလၢသုကဟံးန့ၢ်အီၣ် တၢ်အီၣ်လၢအအိၣ်ဒီးအသံးအကာ်ဒံးဘၣ်အဃိန့ၣ်လီၤ. ဒီးခဲကနံၣ်အံၤဒၣ်လဲာ်န့ၣ်, သုတအိၣ်ကတဲာ်ကတီၤသုသးလၢတၢ်တမံၤန့ၣ်အဂီၢ်ဒံးဘၣ်န့ၣ်လီၤ.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.