လံာ်ယၡါယၤ 54:3 - Sgaw Karen Common Bible

³ နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 54:3 Iomraidhean Croise

လံာ်တၢ်ကဲထီၣ်အခီၣ်ထံး 26:22

ဒီးစီၤအံၤစဲးသုးယံၤကွံာ်အသးဖဲန့ၣ်ဒီးခူၣ်ထံပူၤအဂၤ တပူၤန့ၣ်လီၤ. ဒီးတၢ်ဂ့ၢ်လိာ်ဘီလိာ်တအိၣ်ဘၣ်လၢထံပူၤအံၤအဂ့ၢ်ဘၣ်လီၤ. ဒီးကိးဝဲထံပူၤအံၤအမံၤလၢ, “ရဃိဘိး” အခီပညီ, “တၢ်သဘျ့” န့ၣ်လီၤ. ဒီးစီၤအံၤစဲးစံးဝဲ, “ခဲကနံၣ်အံၤ, ယွၤဟ့ၣ်လံပှၤတၢ်သဘျ့လၢပကအိၣ်ကဆိးလၢကီၢ်အံၤအပူၤဒီး ပကဘီၣ်ထီၣ်ညီထီၣ်ဖဲအံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 28:14

အဝဲသ့ၣ်အနီၣ်ဂံၢ်ကအါဝဲဂီၢ်ဝဲဒ်ဟီၣ်ခိၣ်အကမူၣ်ကမှံၤအဖီးတဖၣ် လၢဟီၣ်ခိၣ်လိၤအသိးန့ၣ်လီၤ. ဒီးကမၤလဲၢ်ထီၣ်အကီၢ်ဆူတၢ်လီၢ်ကိးကပၤဒဲးဒီးယကဆိၣ်ဂ့ၤပှၤ ကလုာ်ခဲလၢာ်ခီဖျိနၤဒီးနစၢၤနသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 48:19

သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).

ရိမ့ၤ 11:12

ပှၤယူဒၤဖိတဖၣ်အတၢ်ဒဲးဘးဟဲစိာ်တၢ်ဆိၣ်ဂ့ၤအထူး အတီၤတဖၣ်ဆူဟီၣ်ခိၣ်ချၢ, ဒီးအဝဲသ့ၣ်အတၢ်ဖှီၣ်တၢ်ယာ်လၢသူၣ်လၢသးဟဲစိာ်တၢ်ဆိၣ်ဂ့ၤ အထူးအတီၤတဖၣ်ဆူပှၤကလုာ်ဂၤတဖၣ်အအိၣ်န့ၣ်လီၤ. မ့မ့ၢ်ဒ်န့ၣ်ဒီး, ပှၤယူဒၤဖိတဖၣ်မ့ၢ်တုၤက့ၤလၢတၢ်အုၣ်က့ၤခီၣ်က့ၤခဲလၢာ်ဒီး ကကဲထီၣ်တၢ်ဆိၣ်ဂ့ၤအါန့ၢ်အန့ၣ်တက့ၢ်ဆံးဒိၣ်လဲၣ်.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.