လံာ်ယၡါယၤ 54:17 - Sgaw Karen Common Bible

¹⁷ ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 54:17 Iomraidhean Croise

လံာ်စီၤယိၤဘး 1:11

မ့မ့ၢ်ယူာ်ထီၣ်နစုခဲအံၤဒီးဟံးထီၣ်ကွံာ်ကယဲၢ်တၢ်လၢအအိၣ် ဒီးအီၤခဲလၢာ်တက့ၢ်. ဒီးအဝဲဒၣ်ကဆိၣ်အၢနၤလၢနမဲာ် သၣ်န့ၣ်လီၤ.

လံာ်စီၤယိၤဘး 2:5

ဘၣ်ဆၣ်ဒီးယူာ်ထီၣ်နစုခဲအံၤဒီးထိးဘၣ်အဃံဒီးအညၣ်တက့ၢ်. ဒီးကဆိၣ်အၢမးနၤလၢနမဲာ်သၣ်န့ၣ်လီၤ.”

လံာ်စီၤယိၤဘး 42:7

တုၤယွၤကတိၤတၢ်ဒီးစီၤယိၤဘးဝံၤဒီး, စံးဘၣ်ပှၤတ့ၤမၣ်ဖိ စီၤအလံဖးစး, ယသးထီၣ်နၤဒီးနတံၤသကိးခံဂၤန့ၣ်လီၤ. အဂ့ၢ်ဒ်အံၤ, နတစံးကတိၤတၢ်လၢယဂ့ၢ်ယကျိၤလၢအတီအလိၤ ဒ်ယခ့ယပှၤစီၤယိၤဘးစံးတ့ၢ်အသိးန့ၣ်လီၤ.

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

စံးထီၣ်ပတြၢၤ 71:16

ယကလဲၤတၢ်လၢကစၢ်ယွၤအဂံၢ်အဘါလီၤ. ယကစံးလၢနတၢ်တီတၢ်လိၤ, ထဲနဝဲဧိၤလီၤ.

စံးထီၣ်ပတြၢၤ 71:19

ကစၢ်ယွၤဧၢ, နတၢ်တီတၢ်လိၤတုၤဃီၤဆူ မူခိၣ်လၢအထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ်မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ.

လံာ်ယၡါယၤ 17:12

ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 26:2

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.

လံာ်ယၡါယၤ 29:8

ပှၤကလုာ်ခဲလၢာ်လၢအပာ်ဖှိၣ်အသးလၢကလဲၤထီၣ်ဒုးဝ့ၢ်ယရူၤ ၡလ့ၣ်န့ၣ်, ကလီၤဂာ်ဒီးပှၤသၣ်ဝံၤလီၤဒိတဂၤလၢအမံမီၢ်ဝဲလၢ အီၣ်တၢ်, ဘၣ်ဆၣ်ပၢၢ်ထီၣ်ဝဲလၢတၢ်သူၣ်ဝံၤသၣ်စ့ၤန့ၣ်လီၤ. မ့တမ့ၢ်ဘၣ်ဒီးကလီၤဂာ်ဒ်ပှၤတဂၤလၢအသးသူထံဘူးကသံ တ့ၢ်မးအသိးဒီးမံမီၢ်ဝဲလၢအအီထံ, ဘၣ်ဆၣ်ပၢၢ်ထီၣ်လၢအကိာ်ယူၢ်ဃ့ထီဝဲန့ၣ်လီၤ.

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 41:11

ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယၡါယၤ 50:8

အဂ့ၢ်ဒ်အံၤ, ကစၢ်ယွၤအိၣ်ဘူးဒီးယၤ, ဒီးအဝဲကဒုးနဲၣ်ဖျါဝဲလၢယတၢ်ကမၣ်တအိၣ်ဘၣ်လီၤ. ပှၤလိာ်ကွီၢ်ထီဒါယၤဘူၣ်ကအိၣ်တဂၤဂၤဧါ. မ်ပကလဲၤသကိးဆူကွီၢ်ဘျီၣ်တက့ၢ်. မ်အဟဲစိာ်အတၢ်လိာ်ဘၢလိာ်ကွီၢ်အဂ့ၢ်တက့ၢ်.

လံာ်ယၡါယၤ 50:9

ယွၤ, ကစၢ်လၢပၢဘၣ်တၢ်ခဲလၢာ်အကစၢ်ဒၣ်ဝဲကဟုကယာ်ယၤလီၤ. အန့ၣ်ဒီးမတၤစံၣ်ညီၣ်ဃၣ်ယၤကဘူၣ်, ကသ့တဂၤလဲၣ်. ပှၤလၢအလိာ်ကွီၢ်ဒီးယၤခဲလၢာ်ကလီၤမၢ်ကွံာ်ဝဲလီၤ. အဝဲသ့ၣ်ကလီၤမၢ်ကွံာ်ဝဲဒ်တၢ်ကံးယာ်လၢတၢ်ဖိဃၣ်အီၣ်ကွံာ်အီၤ အသိးန့ၣ်လီၤ.

လံာ်ယၡါယၤ 51:5

ယကဟဲချ့ချ့ဒီးအုၣ်က့ၤခီၣ်က့ၤအဝဲသ့ၣ်, ယတၢ်မၤနၢၤ အဆၢကတီၢ်ဘူးထီၣ်လံ. ယၤ, ယကစၢ်ဒၣ်ယဲ, ယကပၢတၢ်လၢပှၤကလုာ်တဖၣ်အဖီခိၣ်လီၤ. ထံယံၤကီၢ်ယံၤတဖၣ်အိၣ်ခိးယၤလၢယကဟဲအဂီၢ်, အဝဲသ့ၣ်အိၣ်ခိးဝဲပှဲၤဒီးတၢ်မုၢ်လၢ်လၢယကအုၣ်က့ၤခီၣ်က့ၤ အီၤအဂီၢ်လီၤ.

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ယၡါယၤ 54:16

ယတ့လီၤပာ်လီၤပှၤပိာ်ထးလၢအမၤကဲၤထီၣ်မ့ၣ်အူဒီးပိာ်စု ကဝဲၤတဖၣ်လီၤ. ယတ့လီၤစ့ၢ်ကီးပှၤသုးဖိလၢအသူတၢ်စုကဝဲၤ တဖၣ်န့ၣ်လၢကမၤသံတၢ်အဂီၢ်လီၤ.

လံာ်ယၡါယၤ 58:14

သုကထံၣ်န့ၢ်တၢ်သးခုလၢအဟဲလၢသုမၤယတၢ်ခ့တၢ်ပှၤ အတၢ်မၤအဃိလီၤ. ယကဒုးကဲထီၣ်သုလၢပှၤလီၤယူး ယီၣ်ပာ်ကဲလၢဟီၣ်ခိၣ်ဒီဘ့ၣ်ညါ, ဒီးသုကမုာ်လၤသးခုလၢ ထံကီၢ်လၢယဟ့ၣ်လီၤတ့ၢ်သုပၢ်လၢပျၢၤ, စီၤယၤကိာ်န့ၣ်လီၤ.” ယၤ, ယွၤအံၤ, ကတိၤလံတၢ်လံ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

လံာ်စီၤယိၤၡူ 24:10

ဘၣ်ဆၣ်ဒီးယတကနၣ်စီၤဘံးလၣ်အကလုၢ်ဘၣ်အဃိ, အဝဲဆိၣ်ဂ့ၤသုဒီးလၢကျဲဒ်အံၤန့ၣ်ယမၤပူၤဖျဲးသုလၢစီၤ ဘၤလးအစုပူၤန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

လံာ်လီၣ်ဖျါ 12:10

တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”