လံာ်ယၡါယၤ 54:13 - Sgaw Karen Common Bible

¹³ ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယၡါယၤ 54:13 Iomraidhean Croise

စံးထီၣ်ပတြၢၤ 119:165

ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 119:33

ယွၤဧၢ, သိၣ်လိယၤလၢနတၢ်သိၣ်တၢ်သီ အကျဲန့ၣ်တက့ၢ်. ဒီးယကတိၢ်န့ၢ်ဖံးဃာ်အီၤတုၤအကတၢၢ်လီၤ.

စံးထီၣ်ပတြၢၤ 147:14

အဝဲပာ်လီၤတၢ်ဃူတၢ်ဖိးလၢနကီၢ်အဃၢၤ, အဝဲဒုးဘျဲးအီၣ်ဘျဲးအီနၤလၢ ဘုဧိၤဟုဧိၤလၢအဂ့ၤကတၢၢ်လီၤ.

စံးထီၣ်ပတြၢၤ 71:17

ကစၢ်ဧၢ, လၢယသးစၢ်လံၤလံၤနသိၣ်လိတ့ၢ်ယၤလံ, ဒီးယဒုးနဲၣ်နမၤတၢ်လီၤလးတဖၣ် တုၤခဲကနံၣ်အံၤလီၤ.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 28:9

အဝဲသ့ၣ်ကဒူးကဒ့ၣ်တၢ်ဘၣ်ဃးဒီးယၤလီၤ. အဝဲသ့ၣ်စံးဝဲ, “ပှၤအဝဲန့ၣ်ဆိကမိၣ်ဝဲလၢအသိၣ်လိမတၤ န့ၣ်လဲၣ်. မ့ၢ်မတၤလိၣ်ဘၣ်အတၢ်ကစီၣ်န့ၣ်လဲၣ်. ဂ့ၤဒၣ်ထဲလၢဖိသၣ်ဖိတဖၣ်လၢအဖှၣ် အနုၢ်ထံသီသီအဂီၢ်လီၤ.

လံာ်ယၡါယၤ 29:24

ပှၤဂီၢ်မုၢ်လၢအမၢးကမၤလိမၤနၢ်ပၢၢ်အသး, ဒီးပှၤတဖၣ်လၢအကဒူးကဒ့ၣ်တၢ်ထီဘိန့ၣ်ကသး ခုတူၢ်လိာ်တၢ်သိၣ်လိအီၤလီၤ.”

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယၡါယၤ 54:12

ယကသူၣ်ထီၣ်နပၢၤတၢ်အလီၢ်တဖၣ်န့ၣ်လၢ တၢ်မျၢ်ဂီၤတဖၣ် ဒီးနတြဲၤတဖၣ်န့ၣ်လၢလၢၢ်တဖၣ်လၢအကပီၤဝဲ ဒ်မ့ၣ်အူအသိး, ဒီးတၢ်ဒူၣ်အိၣ်ဝးတရံးနၤတဖၣ်န့ၣ်လၢတၢ်မျၢ်ပလဲတဖၣ်န့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 34:28

ပှၤကလုာ်တဖၣ်လၢအတစူၢ်တနာ်ယွၤတဂုာ်ဆူၣ်ပျီဆူၣ်ကဒီး အဝဲသ့ၣ်လၢၤဘၣ်. ဒီးဆၣ်ဖိကီၢ်ဖိအမံၤတဖၣ်တမၤသံဒီး အီၣ်အဝဲသ့ၣ်လၢၤဘၣ်. အဝဲသ့ၣ်ကအိၣ်ဆိးလၢတၢ်ဘံၣ်တၢ်ဘၢ အပူၤ, ဒီးပှၤတမၤပျံၤမၤဖုးအဝဲသ့ၣ်နီတဂၤလၢၤဘၣ်.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

လံာ်ယိၤဟၣ် 6:45

ဝံတဖၣ်ကွဲးတ့ၢ်ဝဲ, ‘ပှၤခဲလၢာ်ကဘၣ်တၢ်သိၣ်လိအီၤလၢ ကစၢ်ယွၤလီၤ’ (ၡါ. ၅၄:၁၃). ကယဲၢ်ပှၤတဂၤလၢ်လၢ်လၢ အနၢ်ဟူပၢ်အတၢ်သိၣ်လိသီလိအီၤဒီးမၤလိတၢ်လၢ အီၤန့ၣ်, ဟဲဆူယအိၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

1 ကရံၣ်သူး 2:10

ဘၣ်ဆၣ်ဒီး, ကစၢ်ယွၤဒုးသ့ၣ်ညါပဝဲသ့ၣ်တဖၣ်လၢအဝဲ အတၢ်ခူသူၣ်ခီဖျိအဝဲအသးစီဆှံန့ၣ်လီၤ. သးစီဆှံဃုထံၣ်န့ၢ်တၢ်ခဲ လၢာ်, တၢ်ခူသူၣ်အဒိၣ်အယိာ်ဘၣ်ဃးဒီးကစၢ်ယွၤအတၢ်တိာ်ပာ် တဖၣ်ဒၣ်လဲာ်န့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

၁ သ့းစၤလနံ 4:9

ဘၣ်ဃးတၢ်အဲၣ်ဒီပုၢ်ဒီဝဲၢ်လၢအမ့ၢ်ပှၤစူၢ်က့ၤနာ်က့ၤတၢ် န့ၣ်, တၢ်ကွဲးန့ၢ်သုအလီၢ်တအိၣ်ဘၣ်. သုနီၢ်ကစၢ်ဒၣ်သုဝဲ, ကစၢ်ယွၤသိၣ်လိတ့ၢ်သုလၢသုကဘၣ်အဲၣ်လိာ်သုသး တဂၤဒီးတဂၤဒ်လဲၣ်န့ၣ်လီၤ.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

ဧ့ၤဘြံၤ 8:11

ဒီးအဝဲသ့ၣ်တသိၣ်လိဘၣ်လၢၤအပှၤခူဖိဝ့ၢ်ဖိမ့ၢ်ဂ့ၤ, အပှၤထံဖိကီၢ်ဖိဒၣ်ဝဲမ့ၢ်ဂ့ၤ, ဒီးစံး ‘သ့ၣ်ညါကစၢ်ယွၤတက့ၢ်’ န့ၣ်ဘၣ်. အဂ့ၢ်ဒ်အံၤ, အဝဲသ့ၣ်ခဲလၢာ်ကသ့ၣ်ညါယၤ စးထီၣ်လၢပှၤအဆံးကတၢၢ် ပၢၢ်လၢပှၤအဒိၣ်ကတၢၢ်န့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.